অনাগত পাঁচটা বছৰ অসমৰ বাবে নৱজাগৰণ আৰু পুনৰুত্থানৰ পাঁচটা বছৰ হ’ব-মুখ্যমন্ত্রী

মুখ্যমন্ত্রী ড° হিমন্ত বিশ্ব শৰ্মাই কালি থাওৰা বিধানসভা সমষ্টিৰ উপ-নির্বাচনৰ বিজেপি দলৰ প্রার্থী সুশান্ত বৰগােহাঁইৰ সমৰ্থনত টেঙাপানী ট্রাইবেল হাইস্কুল খেলপথাৰ,গোঁহাইবাৰী চাহ বাগিচা খেলপথাৰ, নিতাইপুখুৰী উচ্চতৰ মাধ্যমিক বিদ্যালয় খেলপথাৰ, লখিমীপথাৰ আৰু পালেঙী হাইস্কুল খেলপথাৰত আয়ােজিত ৫ খন বিশাল নির্বাচনী সভাত অংশগ্রহণ কৰি বিজেপি,অগপ আৰু ইউ পি পি এলৰ মিত্ৰজোঁটৰ প্রার্থী সুশান্ত বৰগােহাঁইক বিপুল ভােটত জয়যুক্ত কৰাৰ বাবে সমষ্টিবাসী ভােটাৰ ৰাইজক আহ্বান জনায়।

জনাকীর্ণ নির্বাচনী সভা কেইখনত ভাষণ প্রদান কৰি মুখ্যমন্ত্রী ড° হিমন্ত বিশ্ব শৰ্মাই কয় যে থাওৰা সমষ্টিত বিৰােধীয়ে কেৱল ভাওনা চাবলৈ আহিছে। ঘৰৰ ল’ৰা সুশান্ত বিজয় হৈ সমষ্টিটোৰ ক্ষিপ্র উন্নয়ন কৰিব। তেখেতৰ নেতৃত্বত থাওৰা সমষ্টিৰ উন্নয়নে বিশেষ মাত্রা লাভ কৰিব বুলি উল্লেখ কৰি বিৰােধীয়ে কেৱল বিবৃতিৰ জৰিয়তেহে নিজৰ অস্তিত্ব জাহিৰ কৰি আছে বুলি মুখ্যমন্ত্ৰীয়ে কয়।

বিৰােধীয়ে জনসাধাৰণক নেতিবাচক কথা কৈ বিদ্রোহী কৰি ৰাখিব বিচাৰে বুলি উল্লেখ কৰি মুখ্যমন্ত্রীয়ে কেৱল বিজেপিয়েহে জনসাধাৰণক আস্থা আৰু বিশ্বাসত লৈ কাম কৰা বাবে বিজেপিৰ পতাকা এতিয়া প্ৰতিগৰাকী জনসাধাৰণৰ হৃদয়ত অংকিত হৈ আছে বুলি কয়। বর্তমানৰ বিজেপি নেতৃত্বাধীন মিত্ৰজোঁটৰ চৰকাৰখনে নতুন প্রজন্মৰ বাবে নতুন অসম নিৰ্মাণৰ দিশত অগ্ৰসৰ হৈছে বুলি উল্লেখ কৰি অনাগত পাঁচটা বছৰ অসমৰ বাবে নৱজাগৰণ আৰু পুনৰুত্থানৰ পাঁচটা বছৰ হ’ব বুলিও তেওঁ কয়। তেখেতে মুখ্যমন্ত্ৰী হৈ থকালৈকে ২০২৬ চনৰ ভিতৰতে সকলাে জনজাতীয় লােকে ভূমিৰ পট্টা লাভ কৰিবলৈ সক্ষম হ’ব বুলি উল্লেখ কৰি বিগত পাঁচটা মাহৰ ভিতৰতে চৰকাৰখনে জনসাধাৰণৰ আস্থা আৰু বিশ্বাস লাভ কৰিবলৈ সক্ষম হৈছে বুলিও তেওঁ কয়। জনজাতীয় কৃষ্টি আৰু সংস্কৃতিৰ সংৰক্ষণ আৰু সংবর্ধনৰ বাবে চৰকাৰখনে ঐকান্তিকতাৰে কাম কৰি আছে বুলি উল্লেখ কৰি ইয়াৰ বাবে খিলঞ্জীয়া বিশ্বাস আৰু সংস্কৃতি নামৰ নতুন বিভাগ এটা খােলা হৈছে বুলিও তেওঁ কয়। অসমৰ পূৰ্বৰ কোনাে এখন চৰকাৰে এনেধৰণৰ চিন্তা-চৰ্চা কৰা নাছিল বুলিও তেওঁ কয়। আগন্তুক পাঁচটা বছৰত সমগ্র থাওৰা সমষ্টিত উন্নয়নৰ চুনামি আহিব বুলি উল্লেখ কৰি মুখ্যমন্ত্ৰীয়ে সমষ্টিটোৰ বিজেপি মিত্ৰজোঁটৰ প্রার্থী সুশান্ত বৰগােহাঁইক বিপুল ভােটত জয়যুক্ত কৰাৰ বাবে আহ্বান জনায়।
আনহাতে টেঙাপানী ট্রাইবেল হাইস্কুল খেলপথাৰত আয়ােজিত নির্বাচনী সভাখনত ভাষণ প্রদান কৰি মুখ্যমন্ত্রী ড° শৰ্মাই কয় যে বানে গৰকা পানীদিহিং অঞ্চলৰ জনসাধাৰণে আগন্তুক সময়ত চকুত লগা উন্নয়ন প্রত্যক্ষ কৰিবলৈ সক্ষম হ’ব। এই অঞ্চলটোত উন্নয়নৰ চুনামিৰ সৃষ্টি হ’ব। নির্বাচনী সভাৰ পূর্বে স্থানীয় জনসাধাৰণে বিভিন্ন দাবী উত্থাপন কৰিছে বুলি উল্লেখ কৰি এই অঞ্চলটোক বানমুক্ত কৰাৰ বাবে এটা পথ তথা মথাউৰি নির্মাণ, দিচাং আৰু দিহিং নদীৰ ওপৰত দুখন দলং নির্মাণ, চাপৰিপুৰত বানৰ সময়ত জনসাধাৰণে যাতে ভালদৰে আশ্রয় ল’ব পাৰে তাৰ বাবে সৌৰ চাকিসহ ওখ আশ্রয় গৃহ নির্মাণ, ঘৰচীয়া জীৱ জন্তুৰ বাবে হাইলেণ্ড নির্মাণ, টেঙাপানীত এখন পশু চিকিৎসালয় স্থাপন, পশ্চিম পানীদিহিং অঞ্চলৰ বাসিন্দাসকললৈ ভূমিৰ পট্টা প্রদান, হাতীৰ উপদ্ৰৱ লাঘৱ কৰাৰ বাবে অঞ্চলটোত চ’লাৰ ফেন্সিঙৰ ব্যৱস্থা, কোকিলাবাৰী স্বাস্থ্য উপ-কেন্দ্ৰখনক এখন হাস্পতাললৈ উন্নীত কৰা, টেঙাপানীৰ বলীয়াবাবা থানখনৰ আন্তঃগাঁথনি উন্নীতকৰণেৰে এখন অন্যতম পর্যটনস্থলীলৈ ৰূপান্তৰ কৰা, ধাই আলিৰ পৰা ৰূপহীবামলৈ থকা পথছােৱা উন্নীত কৰা, অঞ্চলটোৰ লুইতপৰীয়া জনজাতীয় হাইস্কুলক উচ্চতৰ মাধ্যমিক বিদ্যালয়লৈ উন্নীত কৰণ, কোকিলাবাৰী শনিবৰীয়া বজাৰৰ সমীপৰ খহনীয়া ৰােধ কৰা, মিলনপুৰৰ দুখন দুর্বল দলং নতুনকৈ নির্মাণ ইত্যাদিৰ বাবে জনসাধাৰণে জনােৱা দাবীসমূহ চৰকাৰে বিবেচনা কৰি পদক্ষেপ ল’ব বুলি মুখ্যমন্ত্ৰীয়ে কয়।
ইয়াৰ পিছতে গােহাঁইবাৰী চাহ বাগিচা খেলপথাৰত অনুষ্ঠিত সভাত ভাষণ প্রদান কৰি মুখ্যমন্ত্ৰীয়ে গোঁহাইপুখুৰী লাইবিল, ভেঁকুৰী চাপৰিৰ খহনীয়া প্ৰতিৰােধ, আহােম পথাৰ ভেঁকুৰী চাপৰি, ৰজাবাৰী হৈ চোমনি তিনিআলিলৈ পথ তথা মথাউৰি নিৰ্মাণ আৰু ভেঁকুৰী চাপৰি আৰু লাইবিলত ৰিং বান্ধ, দিহিংমুখ হাইস্কুলক উচ্চতৰ মাধ্যমিক বিদ্যালয়লৈ উন্নীত কৰা, দিহিং নদীৰ ওপৰত ইটাখুলিত দলং নির্মাণ, নিতাইপুখুৰীৰ পৰা ৰজাবাৰীলৈ থকা পথছােৱা বহলকৰণ ইত্যাদিৰ বাবে স্থানীয় ৰাইজে জনােৱা দাবী চৰকাৰখনে নিষ্ঠাৰে লৈ পদক্ষেপ গ্রহণ কৰিব বুলি মুখ্যমন্ত্ৰীয়ে কয়।
নিতাইপুখুৰী উচ্চতৰ মাধ্যমিক বিদ্যালয় খেলপথাত অনুষ্ঠিত নির্বাচন সভাত ভাষণ প্রদান কৰি মুখ্যমন্ত্ৰীয়ে বিকাশ আৰু উন্নয়নৰ স্বাৰ্থত বিজেপি আৰু ইয়াৰ মিত্ৰজোঁটৰ প্রার্থী সুশান্ত বৰগােহাঁইক ভােট দি জয়যুক্ত কৰাৰ বাবে আহ্বান জনায়। নিতাইপুখুৰী মহাবিদ্যালয়ত বিজ্ঞান শাখা প্রৱর্তন,নিতাইপুখুৰী উচ্চতৰ মাধ্যমিক বিদ্যালয় খেলপথাৰখনক গ্রাম্য ষ্টেডিয়ামলৈ ৰূপান্তৰ, থাওৰা সমষ্টিৰ সকলােবােৰ দুখীয়া জনসাধাৰণক অৰুণােদয় আঁচনিৰে উপকৃত কৰা ইত্যাদি জনসাধাৰণে জনােৱা দাবীসমূহ পূৰণৰ দিশত চৰকাৰে পদক্ষেপ ল’ব বুলি মুখ্যমন্ত্ৰীয়ে কয়।
আনহাতে লখিমী পথাৰত অনুষ্ঠিত নির্বাচনী সভাত মহাৰাণী গাঁও পঞ্চায়তৰ বাসিন্দাসকললৈ ভূমিৰ ম্যাদী পট্টা, ডিমৌ নদীৰ ওপৰত ৰূপাইপুৰ তিনিআলিৰ পৰা ধাই আলিলৈ এটা গাইড বান্ধ, অঞ্চলটোৰ জনসাধাৰণক হাতীৰ উপদ্ৰবৰ পৰা ৰক্ষা কৰাৰ বাবে চলাৰ ফেন্সিং, অঞ্চলটোৰ জনজাতীয় উচ্চতৰ মাধ্যমিক বিদ্যালয়খন প্রাদেশিকীকৰণ ইত্যাদি বিষয়সমূহ সামৰি জনসাধাৰণে জনােৱা আহ্বান চৰকাৰখনে পূৰণ কৰিব বুলি মুখ্যমন্ত্ৰীয়ে কয়।
ইয়াৰ পিছতে পালেঙী হাইস্কুল খেলপথাৰত আয়ােজিত নির্বাচনী সভাত পালেঙী হাইস্কুলক উচ্চতৰ মাধ্যমিক বিদ্যালয়লৈ উন্নীত কৰা, বকুলডুবীয়াৰ পৰা আখৈফুটীয়া ঘাটলৈ মথাউৰি নির্মাণ, অঞ্চলটোৰ গৰাখহনীয়া সমস্যা সমাধান ইত্যাদি সন্দৰ্ভত স্থানীয় জনসাধাৰণে জনােৱা দাবীসমূহ চৰকাৰে পূৰণ কৰিব বুলি মুখ্যমন্ত্ৰীয়ে কয়।
এই নির্বাচনী সভা কেইখনত মন্ত্রীসকল ক্ৰমে ডাঃ ৰণােজ পেগু, যােগেন মহন, পীযুষ হাজৰিকা, সাংসদ সকল ক্রমে প্রদান বৰুৱা, তপন কুমাৰ গগৈ, বিধায়ক সকল ক্রমে ভূৱন পেগু, চক্ৰধৰ গগৈ, উৎপল বৰা, মানৱ ডেকা, সুৰেন ফুকন, প্রাক্তন কেন্দ্রীয় মন্ত্রী ৰাজেন গােহাঁই, মিচিং
স্বায়ত্ত শাসিত পৰিষদৰ মুখ্য কাৰ্যবাহী সদস্য পৰমানন্দ চায়েংগিয়া, দেউৰী স্বায়ত্ত শাসিত পৰিষদৰ মুখ্য কাৰ্যবাহী সদস্য মাধৱ দেউৰী, সােণােৱাল কছাৰী স্বায়ত্ত শাসিত পৰিষদৰ মুখ্য কাৰ্যবাহী সদস্য দিপুৰঞ্জন মাক্রাৰী, প্রাক্তন বিধায়ক কুশল দুৱৰী, নৱনীতা সন্দিকৈ, গুৰুজ্যোতি দাস, থাওৰা সমষ্টিৰ বিজেপিৰ প্রার্থী সুশান্ত বৰগােহাঁইৰ লগতে মিত্ৰজোঁটৰ দল কেইটাৰ শীর্ষ নেতাসকলে অংশগ্রহণ কৰে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

বঙৰাত ঐতিহাসিক কৃষক বিদ্ৰোহৰ এবছৰ পূৰ্তি উপলক্ষে কৃষক সভা অনুষ্ঠিত

সংগ্ৰামী কৃষক শ্ৰমিক সংঘৰ কামৰূপ জিলা সমিতিৰ উদ্যোগত ঐতিহাসিক কৃষক বিদ্ৰোহৰ এবছৰ পূৰ্তি উপলক্ষে আজি বঙৰাৰ পাছনীয়াপাৰাত এক বিশাল কৃষক সভা অনুষ্ঠিত হয় । সংগ্ৰামী কৃষক শ্ৰমিক সংঘৰ সম্পাদক দীনেশ দাসৰ সভাপতিত্বত অনুষ্ঠিত সভাত কৃষকসকলে হাতে হাতে প্লে’কাৰ্ড লৈ অত্যাৱশ্যকীয় সামগ্ৰীৰ মূল্য ৰোধ কৰক, ভূমিহীনক ভূমিৰ অধিকাৰ প্ৰদান কৰক, ১২ ঘণ্টীয়া শ্ৰমিক আইন বাতিল কৰক, কৃষিভূমি কোম্পানীক গতোৱা নীতি বন্ধ কৰক আদি শ্লো’গানেৰ আকাশ-বতাহ মুখৰিত কৰি তোলে। কাৰ্যসূচী অনুসৰি ৰাতিপুৱা পতাকা উত্তোলণ, কৃষক শ্বহীদ স্মৰণ, সাংগঠনিক সভাৰ অন্তত স্থানীয় শিশু শিল্পী সকলে কলাগুৰু বিষ্ণুপ্ৰসাদ ৰাভাৰ এটি গীতেৰে মুকলি সভাৰ উদ্ধোধন কৰে । সভাৰ উদ্দেশ্য ব্যাখ্যা কৰে সংগ্ৰামী কৃষক সংঘৰ নেতা জেহেৰুল ইছলামে । সভাত সংগ্ৰামী কৃষক শ্ৰমিক সংঘৰ সাধাৰণ সম্পাদক দীনেশ দাসে ভাষণ প্ৰসঙ্গত দেশৰ প্ৰধান মন্ত্ৰী নৰেন্দ্ৰ মোদীয়ে কৃষি আইন তিনিখন বাতিলৰ কথা ঘোষণা কৰে যদিও আজিলৈ কাৰ্যকৰী কৰা নাই । গতিকে আইন তিনিখন বাতিল কাৰ্যকৰী নকৰালৈকে দেশৰ বিভিন্ন প্ৰান্তৰ প্ৰায় ৫০০ৰো অধিক কৃষক সংগঠনে ঐক্যবদ্ধহৈ দিল্লীত আন্দোলন অব্যাহত ৰাখিছে । আজি এই ঐতিহাসিক বৰ্ষ পূৰ্তি উপলক্ষে অনুষ্ঠিত কৃষক সভাতে কামৰূপ জিলা সমিতিৰ সংগ্ৰামী কৃষক-শ্ৰমিক সংঘই কৃষি আইন বাতিল কাৰ্যকৰী নকৰালৈকে কৃষক সংগ্ৰাম অব্যাহত থাকিব বুলি সংকল্পবদ্ধ হয় । আজিৰ সভাত সংগ্ৰামী কৃষক শ্ৰমিক সংঘৰ ভাৰপ্ৰাপ্ত সভাপতি দেৱজিৎ চৌধুৰী আৰু সাধাৰণ সম্পাদক দীনেশ দাসৰ লগতে নিখিল ভাৰত কৃষক পৰিষদৰ সাধাৰণ সম্পাদক জয়ন্ত গগৈ,সংগ্ৰামী কৃষক শ্ৰমিক সংঘৰ যুৱ নেত্ৰী বিদিশা বৰ্মন, বিশিষ্ঠ সাহিত্যিক ময়না গোস্বামী,কৃষক শ্ৰমিক সংঘৰ নেতা প্ৰণৱ দলৈ, স্থানীয় কৃষক আজাদ আলী, স্থানীয় নেত্ৰী মৰ্জিনা বেগম আৰু কামৰূপ জিলাৰ কৃষক শ্ৰমিক সংঘৰ সক্ৰিয় সদস্য নিজামুদ্দিন আহমেদ উপস্থিত থাকি অঞ্চলটোৰ খাটিখোৱা শ্ৰমিকৰ উপৰিও গৰাখহনীৰ সমস্যাৰ ওপৰত ভাষণ প্ৰদান কৰে।

ঢকুৱাখনা জিলা প্ৰাথমিক সন্মিলনীৰ দশম দ্বিবাৰ্ষিক অধিবেশন সম্পন্ন

অসম ৰাজ্যিক প্ৰাথমিক শিক্ষক সন্মিলনী কেৱল শিক্ষকৰ প্ৰাপ্য আদায়ৰ বাবে সংগ্ৰাম কৰি অহা এটা শিক্ষক সংগঠন নহয়।  শিক্ষক সন্মিলনীয়ে  প্ৰাপ্যৰ বাবে যথেষ্ট  যুঁজ কৰি অহাৰ সমান্তৰাল ভাৱে শিক্ষক সমাজৰ দায়িত্ব আৰু মৰ্যাদাৰ লগতে সামাজিক দায়বদ্ধতাৰ হকেও  কাম কৰে । ৰাজ্যখনত আজিও মধ্যাহ্ন ভোজনৰ এটা চাউল , এটা পইচা ,এটা ইউনিফৰ্ম নোপোৱাকৈ প্ৰতিখন প্ৰাথমিক বিদ্যালয়ত ক শ্ৰেণী সংযুক্ত কৰি লক্ষ্য লক্ষ্য শিক্ষাৰ্থীক শিক্ষাদান কৰি আহিছে।  প্ৰাথমিক স্তৰত এই ক শ্ৰেণী সংযুক্ত কৰা কাম সন্মিলনীয়ে সম্পন্ন কৰিছে। এয়া সন্মিলনীৰ সামাজিক দায়বদ্ধতাৰ নিদৰ্শন।

কিন্তু ইমানৰ পাছতো কিয় চৰকাৰী পৃষ্ঠপোষকতাৰ বিদ্যালয়লৈ নাহে শিক্ষাৰ্থী । বিদ্যালয় একত্রিতকৰণনেৰে  বহু বহু পুৰণি শিক্ষানুষ্ঠান চিৰ দিনলৈ বন্ধ হৈ পৰিছে। এটা গৱেষণাত উন্মোচিত হৈছে ভাৰতবৰ্ষৰ লগতে ৰাজ্যখনৰ এগৰাকী শিক্ষকে  দিনটোৰ কৰ্মসময়ৰ পাঠদানৰ বাবে মাত্ৰ ১৯’১শতাংশ সময় পায়।বাকী ৪২’৬ শতাংশ সময় ব্যয় কৰিব লাগে নিয়োজিত  অন্যান্য চৰকাৰী কামত। ৩৮’৮ শতাংশ সময় ব্যয় কৰিব লাগে বিদ্যালয়ৰ অন্যান্য কামত  আৰু ৬’৫ শতাংশ সময় ব্যয় কৰিব লাগে বিভাগীয় কামত। শিক্ষকতা কৰাৰ নামত  দিনটোৰ বেছি ভাগ সময় অশিক্ষণীয় চৰকাৰী কামত শিক্ষক সমাজক ব্যৱহাৰ কৰিবলৈ বাধ্য কৰিছে চৰকাৰে বা শিক্ষা বিভাগৰ উচ্চ পদস্থ আমোলা বিষয়া সকলে। তাৰমানে ৰাজ্যখনৰ প্ৰাথমিক শিক্ষা ব্যৱস্থাতো ক্ৰমাগত ভাবে অধঃপতিত কৰাৰ বাবে চৰকাৰী পৃষ্ঠপোষকতাতে বহু দিনৰ পৰাই এক চক্ৰান্ত চলি আহিছে।  শুক্ৰবাৰে ঢকুৱাখনা জিলা প্ৰাথমিক শিক্ষক সন্মিলনীৰ  দশম দ্বি বাৰ্ষিক অধিবেশনৰ  মুকলি সভাত নিৰ্দ্দিষ্ট বক্তা  হিচাপে উপস্থিত হৈ এই মন্তব্য কৰে অসম ৰাজ্যিক প্ৰাথমিক শিক্ষক সন্মিলনীৰ প্ৰধান সম্পাদক ৰাতুল গোস্বামীয়ে। জিলা সন্মিলনৰ সভাপতি পৰমা কোঁৱৰৰ সভাপতিত্বত অনুষ্ঠিত মুকলি সভাৰ শুভ উদ্ধোধন কৰে ঢকুৱাখনা মহকুমাৰ বিদ্যালয় সমূহৰ উপ পৰিদর্শক চুমী  শইকীয়াই । গাম্ভীৰ্যপূৰ্ণ অধিবেশনৰ মুকলি সভাত বিশিষ্ট অতিথি হিচাবে অংশ গ্ৰহণ কৰি  ঢকুৱাখনা শিক্ষক প্ৰশিক্ষণ মহাবিদ্যালয়ৰ অধ্যক্ষ ডঃ প্ৰদীপ বৰাই
এখন নিকা পৰিশুদ্ধ শৈক্ষিক সমাজ গঠনত শিক্ষাগুৰু সকলৰ  বৰেণ্য ভূমিকা থাকে বুলি কৈ  এগৰাকী শিক্ষকৰ উপৰিও এগৰাকী অভিভাৱক হিচাপে প্ৰাথমিক বিদ্যালয়ৰ  শিক্ষাগুৰু সকলে  উৎকৃষ্ট মানৱ সম্পদ গঢ়াত যি  নিৰন্তৰ অৱদান আগবঢ়াই যায় সেয়া  অতুলনীয় বুলি কয়। ঢকুৱাখনা শিক্ষক প্ৰশিক্ষণ মহাবিদ্যালয় প্ৰেক্ষাগৃহত অনুষ্ঠিত মুকলি সভাত ঢকুৱাখনা শিক্ষা খণ্ডৰ খণ্ড প্ৰাথমিক বিষয়া গুনীন দত্তই বক্তব্য ৰাখি অসমৰ সৰ্ববৃহৎ শিক্ষক সংস্থা শিক্ষক সন্মিলনীৰ দৰে শিক্ষক সংগঠনৰ প্ৰয়োজনীয়তা আছে বুলি কৈ  শিক্ষকৰ প্ৰাপ্য অধিকাৰ সাব্যস্ত কৰিবলৈ সন্মিলনীৰ কৰণীয় অধিক বুলি কয়। দত্তই  শিক্ষক সকলে চাকৰি বুলি নকৰি শিক্ষকতা কৰাৰ আহ্বান জনায় শিক্ষকতাৰ নামৰ পবিত্ৰ বৃত্তিৰ বহু সময়ত  স্খলন ঘটা বুলি অভিযোগ তুলি শিক্ষকৰ কৰ্তব্য দায়িত্ব সঠিক ভাবে পালনেৰে গঞা শিক্ষাৰ্থী সকলক উৎকৃষ্ট মানৱ সম্পদ গঢ়াত মনোযোগ দিয়াৰ আহ্বান জনাই। সন্মিলনীৰ উত্তৰ মণ্ডলৰ সমন্বয়ক দীপাংকৰ কোঁৱৰ , সন্মিলনীৰ প্ৰাক্তন  সভাপতি হেম বৰুৱা ,ৰাজ্যিক উপ সভানেত্রী  ৰুণুমী গোঁহাই আৰু সন্মিলনীৰ অন্তৰ্গত ৫ শতাধিক শিক্ষক শিক্ষয়িত্ৰী উপস্থিত থকা মুকলি  সভাত  বিশিষ্ট অতিথি হিচাবে বিশিষ্ট গৱেষক শিক্ষাবিদ ডঃ কেশৱ হাজৰিকাই  মননশীল আৰু তত্বগধূৰ বক্তব্যৰে শিক্ষক সমাজক উপকৃত  কৰে।  অধিৱেশনৰ অন্তিম দিনা সন্ধিয়া অনুষ্ঠিত প্ৰতিনিধি সভাই পৰমা কোঁৱৰক সভাপতি , প্ৰণৱ কুমাৰ শইকীয়া , ইন্দ্ৰ নাথ গগৈক  উপ সভাপতি, লক্ষীমাই  হাজৰিকাক সম্পাদক ,মোহিনী চাংমাইক কোষাধক্ষ্য , ফণী বৰা , গৌৰাংগ  মহন্ত , মনোজ দলেক সহকাৰী সম্পাদক ,ৰেবত গগৈক কাৰ্য্যালয় সম্পাদক  হিচাবে লৈ নতুন পূৰ্ণাংগ জিলা সমিতিখন গঠন কৰা হয় কেন্দ্ৰীয় পৰ্যবেক্ষকৰ  উপস্থিতিত।

বাতৰি যুগুতালে অমৃত পৱন বৰাই।

শিৱসাগৰত জিলা উন্নয়ন আয়ুক্তৰ অধ্যক্ষতাত নেহৰু যুৱ কেন্দ্ৰৰ যুৱ কাৰ্যসূচীৰ জিলা উপদেষ্টা সমিতিৰ বৈঠক অনুষ্ঠিত

শিৱসাগৰ জিলাৰ জিলা উন্নয়ন আয়ুক্ত এছ গোৱালাৰ অধ্যক্ষতাত কালি উপায়ুক্ত কাৰ্য্যালয়ৰ চুকাফা সভাকক্ষত নেহৰু যুৱ কেন্দ্ৰৰ যুৱ কাৰ্যসূচীৰ জিলা উপদেষ্টা সমিতিৰ বৈঠক অনুষ্ঠিত হয়।বৈঠকত নেহৰু যুৱ কেন্দ্ৰ, শিৱসাগৰৰ ২০২১-২২ বিত্তীয় বৰ্ষৰ বাবে প্ৰস্তুত কৰা বাৰ্ষিক কাৰ্য্য পৰিকল্পনাৰ খচৰা খনৰ ওপৰত বিস্তৃত ভাৱে আলোচনা কৰা হয়। এই বাৰ্ষিক কাৰ্য্য পৰিকল্পনাৰ ভিতৰত বিভিন্ন কাৰ্যসূচী যেনে- “আত্মনিৰ্ভৰশীল ভাৰত” বিষয়ক প্ৰচাৰ পত্ৰিকা  ছপাকৰণ ,যুৱ সচেতনতা, বৃত্তিমূলক তথা কৌশলগত প্ৰশিক্ষণ আৰু ক্রীড়া বিষয়ক কাৰ্যসূচী, ক’ভিড-১৯ ৰোগ সম্পৰ্কীয় সচেতনতা কাৰ্যসূচী, দুৰ্যোগ ব্যৱস্থাপনা বিষয়ক সচেতনতা কাৰ্যসূচী, কলা-সংস্কৃতি বিষয়ক কাৰ্যসূচী আৰু স্বচ্ছতা বিষয়ক প্ৰশিক্ষণ ইত্যাদি সামৰি লোৱা হৈছে।

জিলা উন্নয়ন আয়ুক্ত গৰাকীয়ে নেহৰু যুৱ কেন্দ্ৰৰ বিষয়-ববীয়া সকলক এই কাৰ্যসূচীসমূহ ৰূপায়ণৰ সময়ত জিলাখনৰ চৰকাৰী বিভাগ সমূহৰ লগত সমন্বয় বজাই ৰখাৰ পৰামৰ্শ প্ৰদান কৰে। তেওঁ নেহৰু যুৱ কেন্দ্ৰৰ কাৰ্যসূচী সমূহক জিলাখনৰ যুৱ প্ৰজন্মৰ মাজত ব্যাপক পৰিসৰত জনপ্ৰিয় কৰি তোলাৰ পদক্ষেপ গ্ৰহণ কৰিবলৈ কয়। তেওঁ সংশ্লিষ্ট বিভাগৰ বিষয়া সকলক সামাজিক দায়বদ্ধতা অনুধাৱন কৰি নেহৰু যুৱ কেন্দ্ৰৰ কাৰ্যসূচী সমূহত মনোনিবেশ কৰিবলৈ অহ্বান জনায়।বিস্তৃত আলোচনাৰ অন্তত বৈঠকখনত নেহৰু যুৱ কেন্দ্ৰৰ ২০২১-২২ বিত্তীয় বৰ্ষৰ বাৰ্ষিক কাৰ্য্য পৰিকল্পনাক অনুমোদন জনোৱা হয়।

সভাত জিলাখনত কেন্দ্ৰীয় চৰকাৰৰ জলশক্তি মন্ত্ৰণালয়ৰ উদ্যোগত তথা নেহৰু যুৱ কেন্দ্ৰৰ সহযোগত বৰষুণৰ পানীৰ সংৰক্ষণৰ ওপৰত সজাগতা বৃদ্ধিৰ বাবে ৰূপায়িত “কেচ্ দি ৰেইন” কাৰ্যসূচীৰ দ্বিতীয় পৰ্য্যায়ৰ শুভাৰম্ভ কৰা হয়।

উল্লেখযোগ্য যে, শিৱসাগৰ জিলাত ১৯৯২ চনত নেহৰু যুৱ কেন্দ্ৰৰ শাখা প্ৰতিষ্ঠিত কৰা হয় আৰু বৰ্তমানলৈকে জিলাখনৰ ৬০০ -তকৈ অধিক যুৱসংঘ আৰু মহিলা মণ্ডল এই কেন্দ্ৰৰ সৈতে জড়িত হৈ আছে।সভাত জিলা পৰিষদৰ উপ- মুখ্য কাৰ্যবাহী বিষয়া টি জে ৰবাৰ্ট, নেহৰু যুৱ কেন্দ্ৰৰ জিলা যুৱ বিষয়া পাপাই দাসৰ লগতে বিভিন্ন সংশ্লিষ্ট বিভাগৰ বিষয়াসকল উপস্থিত থাকে।
বাতৰি যুগুতালে দিলিস্তান খানে

ৰঙিয়াত সামাজিক -সাংস্কৃতিক সংগঠন সংগীতৰ চতুৰ্থ বৰ্ষপূৰ্তি অনুষ্ঠান সম্পন্নঃহেমন্তৰ সন্ধিয়া সংগীতৰ গীত আৰু কবিতাৰে জীপাল হ`ল উদযাপন স্থলী

ৰঙিয়াৰ অন্যতম সামাজিক তথা সাংস্কৃতিক সংগঠন সংগীতৰ চতুৰ্থ বৰ্ষপূৰ্তি অনুষ্ঠান বৃহস্পতিবাৰে সন্ধিয়া স্থানীয় ৰাইজমেল কৃষক ছহিদ ভবন প্ৰেক্ষাগৃহত সফলতাৰে অনুষ্ঠিত হৈ যায় ।তদুপলক্ষে আয়োজন কৰা হয় “হেমন্তৰ সন্ধিয়া সংগীতৰ গীত আৰু কবিতা”শীৰ্ষক অনুষ্ঠান ।সংগঠনটোৰ উপ সভাপতি জয়ন্ত কুমাৰ শৰ্মাই সঞ্চালনা কৰা অনুষ্ঠান টোৰ প্ৰাৰম্ভিকতে প্ৰয়াত কবি সনন্ত তাতিৰ স্মৃতিত মৌন প্ৰাৰ্থনাৰে শ্ৰদ্ধা জ্ঞাপন কৰা হয়।
সম্পাদক পংকজ পল্লৱ শৰ্মাই আঁত ধৰা অনুষ্ঠানটোত কবি নুৰুল আমিন,উজ্বল ডেকা,প্ৰাঞ্জল শৰ্মা, সনত মহন্ত,বৰ্ণালী ডেকা,লভিতা মেধী,মুনীন শৰ্মা, তীৰ্থমনি ডেকা,আৰিফুৰ ৰহমান ,হেমন্ত কুমাৰ কলিতা, প্ৰদীপ কলিতা ,ভাস্কৰ কলিতা আৰু বীনা বৰুৱা প্ৰমূখ্যে কবি সকলে স্বৰচিত কবিতা পাঠেৰে অনুষ্ঠানটি জীপাল কৰি তোলে ।আনহাতে কবিতা পাঠৰ মাজে মাজে শিল্পী মহেশ্বৰ কলিতা,সাধন শৰ্মা, বিপুল তালুকদাৰ,বিমলা শৰ্মাৰ লগতে শিশু শিল্পী প্ৰান্তিক নাথৰ কণ্ঠত পৰিৱেশন কৰা সংগীতানুষ্ঠানে অন্য এক মাত্ৰা প্ৰদান কৰে ।কৌতুক অভিনেতা দ্বয় হৰিশ তালুকদাৰ ,যাদৱ কুমাৰ কলিতাৰ কৌতুক ৰ অনুষ্ঠানে ৰসাল কৰি তোলে ।পশ্চিম নলবাৰী প্ৰেছ ক্লাৱৰ সম্পাদক প্ৰদীপ কুমাৰ বৰ্মণে আমন্ত্ৰিত অতিথি হিচাপে অংশগ্ৰহণ কৰা অনুষ্ঠানটিৰ সামৰণিত সংগীত গ্ৰুপ অফ ক্ৰিয়েচনৰ বেনাৰত নিৰ্মাণ কৰা ৱেব চিৰিজ মেঘে ঢকা আকাশৰ তৃতীয় খণ্ডটিৰ শুভমুক্তি দিয়া হয় ।খণ্ডটিৰ আনুষ্ঠানিক ভাবে উন্মোচন কৰে অৱসৰ প্ৰাপ্ত অধ্যাপক পবিন কলিতা আৰু বিশিষ্ট সমাজকৰ্মী পবিত্ৰ কুমাৰ কলিতাই ।ইয়াৰ পূৰ্বে পুৱাৰ ভাগত গছপুলি ৰোপন কাৰ্যসূচীত অংশগ্ৰহণ কৰে বিশিষ্ট ফটোগ্ৰাফাৰ পংকজ প্ৰকাশে।
বাতৰি যুগুতালে ৰঙিয়াৰ পৰা দীনেশ আগৰৱালাই

মহিলাক ন্যায় প্ৰদান কৰিবলৈ মহিলা আয়োগ সদায় দায়বদ্ধ

অসম ৰাজ্যিক মহিলা আয়োগে মহিলা ন্যায় আৰু অধিকাৰৰ বাবে বিভিন্ন পদক্ষেপ হাতত লৈছে।অলপতে অসম ৰাজ্যিক মহিলা আয়োগৰ অধ্যক্ষ পদত অধিষ্ঠিত হোৱা হেমপ্ৰভা বৰঠাকুৰে এই সম্পৰ্কত কয় যে নিৰ্যাতিত মহিলাক ন্যায় প্ৰদান কৰা আৰু মহিলা আয়োগক নতুন গতি দিয়াৰ বাবে আমি সদায় দায়বদ্ধ। ইতিমধ্যে কাৰ্যকাল লাভ কৰা পিছৰে পৰা হেমপ্ৰভা বৰঠাকুৰে মহিলা থানা পৰিদৰ্শন কৰি গোচৰ নিষ্পত্তি পাব লগা বিষয় সম্পৰ্কত আলোচনাত মিলিত হয়।

আনহাতে প্ৰতিখন জিলাৰ জিলা উপায়ুক্ত আৰু থানাৰ OC লগত সম্পর্ক গঢ়ি তুলি মহিলা আয়োগক ন দিশেৰে গতি দিয়া কথা জানিবলৈ দিয়ে। বৰঠাকুৰে কয় যে লিংগ বৈষমতাৰ বাবে মহিলা নিৰ্যাতনৰ বিষয়টো বিশেষকৈ গা কৰি উঠা দেখা যায়।কোন অভিভাৱকে এগৰাকী ছোৱালীক যিদৰে নীতি শিক্ষা প্ৰদান কৰে ঠিক সেইদৰে এজন ল’ৰা ক্ষেত্ৰতটো একে নীতি শিক্ষা প্ৰদান কৰাটো উচিত ।আনহাতে জনাই যে কোনো নিৰ্যাতিত মহিলাই উপযুক্ত অৰ্থৰ অভাৱত গোচৰৰ বাবে যুঁজ দিবলৈ অপাৰগত হ’লেও বিনামূলীয়া ভাৱে মহিলা অধিবক্তা যোগান ধৰি তেওঁলোকৰ গোচৰ নিষ্পত্তি কৰাৰ বাবে পদক্ষেপ গ্ৰহণ কৰে।জানিব পৰা মতে প্ৰথম পৰ্যায়ত চাহ বাগান অঞ্চলৰ মহিলা তথা উঠি অহা প্ৰজন্মক জনসজাগতামূলক কাৰ্যসূচী জৰিয়তে সামৰি লোৱা পৰিকল্পনা আছে বুলি তেখেতে মন্তব্য কৰে।

কামৰূপ কৃষি বিজ্ঞান কেন্দ্রত সংবিধান দিৱস উদযাপন

অসম কৃষি বিশ্ববিদ্যালয়ৰ অধীনত কাঁহিকুছিৰ কামৰূপ কৃষি বিজ্ঞান কেন্দ্রৰ উদ্যোগত আজি সংবিধান দিৱস উদযাপন কৰা হয়। সংবিধান দিৱসটিৰ আঁত ধৰে উদ্যান শস্য বিশেষজ্ঞা ড০ দৰদী প্ৰিয়ম দুৱৰাই ।এই দিৱসত আই. চি. এ. আৰ. আটাৰীৰ সঞ্চালক ড° অনিল এিপাঠী,অসম কৃষি বিশ্ববিদ্যালয়ৰ সম্প্ৰসাৰণ শিক্ষা বিভাগৰ সঞ্চালক ড০ প্ৰসন্ন কুমাৰ পাঠক,চি.বি.বি. অ. ৰ মূখ্য বিষয়া ড° প্রমোদ ডেকা, উদ্যান শস্য গৱেষণা কেন্দ্রৰ প্রধান বিজ্ঞানী ড° জয়ন্ত শৰ্মা,কামৰূপ কৃষি বিজ্ঞান কেন্দ্রৰ মুৰব্বী ড° ধীৰেন কলিতা,বিশেষজ্ঞা ড° মধুসমিতা কটকী, পৰাগ শইকীয়া, কৰ্মচাৰীৰ উপস্থিতিত কৃষি বিজ্ঞান কেন্দ্রৰ প্রাণজল ঠাকুৰীয়াই ভাৰতীয় সংবিধানৰ প্রস্তাবনা পাঠ কৰায় আৰু লগতে অসমৰ বিভিন্ন জিলাৰ পৰা অহা কৃষক উৎপাদক কোম্পানীৰ সদস্যসকলেও সহপাঠ কৰে।
বাতৰি যুগুতালে জিতুমণি দাসে