অন্য এক শ্ৰৱণ কুমাৰৰ কথাৰে

লাহিঙৰ অন্য এগৰাকী শ্ৰৱণ কুমাৰৰ কাহিনী এতিয়া বিশেষ ভাৱে চৰ্চালৈ আহিছে৷
কাহিনীটো আৰম্ভ হৈছিল ২০১৩ চনৰ পৰা। আৰ্থিকভাৱে দুৰ্বল পৰিয়ালৰ ডাঙৰ ল’ৰা আছিল শ্ৰৱণ মেচ৷তেতিয়া লাহিং উচ্চতৰ মাধ্যমিক বিদ্যালয়ৰ দশম শ্ৰেণীৰ ছাত্ৰ আছিল শ্ৰৱণ৷২০১৪ চনত মেট্ৰিক দিব। টেষ্ট পৰীক্ষাৰ শেষৰ পৰা মেট্ৰিকলৈকে বন্ধ, এক অৰ্থত ষ্টাডি লিভ।

 

 

কিন্তু আৰ্থিক দুৰৱস্থাৰ বাবে টেষ্ট পৰীক্ষাৰ পাছৰ পৰাই দৈনিক উপাৰ্জনৰ বাবে মিস্ত্ৰীৰ লগত যোগালিৰ কাম আৰম্ভ কৰে। তেনেকৈয়ে ২০১৪ত পৰীক্ষাত অৱতীৰ্ণ হৈ দ্বিতীয় বিভাগত উত্তীৰ্ণ হোৱাৰ সময়ত তেওঁৰ চিনাকী হৈ পৰিছিল এক ভিতৰুৱা অঞ্চলৰ এগৰাকী অখ্যাত ৰাজমিস্ত্ৰীৰ সৈতে৷শিক্ষান্ত পৰীক্ষা পাছ কৰা পিছতে উচ্চতৰ মাধ্যমিকত নাম লগাইছিল শ্ৰৱণে৷ কিন্তু ভায়েক ভনীয়েক আৰু পৰিয়ালৰ দায়িত্ব কান্ধ পাতি লৈ ভায়েক ভনীয়েকৰ স্বাৰ্থত পঢ়া সাং কৰি দৈনিক উপাৰ্জনৰ পথ বাছি লয়।

 

২০১৪ ৰ পৰা ২০২০ লৈকে শ্ৰৱণৰ চিনাকি সলনি হ’ল৷ এতিয়া তেওঁৰ পৰিচয় এগৰাকী মিস্ত্রী৷কিন্তু ২২ বছৰ বয়সীয়া এজন সৰু ল’ৰাই এতিয়া পৰ্বতসম দায়িত্ব লৈ ভায়েক ভনীয়েকক লৈ সপোন পুহি ৰাখিছে৷ ভায়েকে বৰ্তমান অসমীয়া বিষয়ক সন্মান বিষয় হিচাপে লৈ স্নাতক পঢ়ি আছে আৰু ভনীয়েক বৃষ্টি মেচে সদ্য ঘোষিত হাইস্কুল শিক্ষান্ত পৰীক্ষাত তথ্য প্ৰযুক্তি বিজ্ঞানত লেটাৰ মাৰ্ক্সসহ প্ৰথম বিভাগ বিভাগত উত্তীৰ্ণ হ’ল৷অতি ভিতৰুৱা অঞ্চলৰ এখন বিদ্যালয়,যৰ পৰা মাত্ৰ ৬ জনে প্ৰথম বিভাগ লাভ কৰিছে৷তেনে বিদ্যালয়ৰ পৰা উত্তীৰ্ণ হৈছে বৃষ্টিয়ে৷যিখন বিদ্যালয়ৰ উত্তীৰ্ণৰ হাৰ ৫০% ৰ তলত৷

 

তেনে এটা পৰিৱেশৰ পৰা উত্তীৰ্ণ হৈ সকলোকে আনন্দিত কৰিছে বৃষ্টিয়ে আৰু বৃষ্টিৰ এই ফলাফলৰ আঁৰত আছে ককায়েক শ্ৰৱণ মেচ৷শ্ৰৱণৰ মৰম,ত্যাগ,কষ্ট আৰু আন্তৰিকতাৰ বাবে তাই আজি উজ্জ্বলি উঠিছে৷

 

শ্ৰৱণৰ ত্যাগৰ প্ৰকৃত মূল্য দিছে বৃষ্টিয়ে,আনন্দিত কৰি তুলিছে সকলোকে৷লাহিঙৰ অন্য এগৰাকী শ্ৰৱণ কুমাৰৰ কাহিনীয়ে এতিয়া বিশেষ ভাৱে চৰ্চালৈ আহিছে সংবাদ মাধ্যমটো৷

খবৰ যুগুতালে লাহিঙৰ পৰা গোপাল কৃষ্ণ বাঢ়ৈয়ে..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।

আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে

আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক  পৰিচয় কৰাই দিয়া হয়।

 

 

ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী  অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।

খবৰ যুগুতালে ৰাহুল দেৱ বৰদলৈয়ে