আজি কলকাতাৰ ৰাচেল ষ্ট্ৰীট স্থিত অসম হাউছ চৌহদত অসম চৰকাৰৰ সাংস্কৃতিক সঞ্চালকালয়ৰ উদ্যোগত তথা সা প্ৰশাসন আৰু গড়কাপ্তানী বিভাগৰ সহযোগত নিৰ্মিত সাহিত্যৰথী লক্ষ্মীনাথ বেজবৰুৱাৰ প্ৰতিমূৰ্তি আনুষ্ঠানিকভাৱে উদ্বোধন কৰে।এই উপলক্ষ্যে আয়োজিতএক সভাত ভাষণ প্ৰদান কৰি মুখ্যমন্ত্ৰীয়ে কয় যে ইয়াৰ জৰিয়তে অসম আৰু পশ্চিমবংগৰ মাজত থকা কলা সংস্কৃতি আৰু ভাষা সাহিত্যৰ সম্পৰ্ক অধিক শক্তিশালী হ’ব । প্ৰতিমূৰ্তিটো যাতে সকলো সময়তে পৰিস্কাৰ পৰিচ্ছন্ন হৈ থাকে ,তাৰ পদক্ষেপ ল’বলৈ অসম ভৱনৰ কৰ্তৃপক্ষই নিৰ্দেশ দিয়ে। আনহাতে বিত্তমন্ত্ৰী হিমন্ত বিশ্ব শৰ্মাই কয় যে সাহিত্যৰথী লক্ষীনাথ বেজবৰুৱাই জীৱন যোৰা সাধনাৰে অসমীয়া ভাষা-সাহিত্যলৈ যথেষ্ট অৱদান আগবঢ়াই গৈছে। শেহতীয়া অসমৰ নতুন চামে সাহিত্যৰথীগৰাকীয়ে আগবঢ়োৱা এই অৱদানৰ বিষয়ে অৱগত হৈ বৌদ্ধিক জাগৰণৰ সৃষ্টি কৰাটো জাতিটোৰ বাবে শুভ লক্ষণ বুলিও মন্ত্ৰীগৰাকীয়ে কয়। সাহিত্যৰথী মহাপুৰুষ শ্ৰীমন্ত শংকৰদেৱৰ পিছতে অসমীয়া ভাষা-সাহিত্যৰ দিশত যথেষ্ট অৱদান আগবঢ়াই গৈছে বুলিও ভাষণত উল্লেখ কৰে। লগতে মন্ত্ৰী গৰাকীয়ে ৰাচেল ষ্ট্ৰীটস্থিত বৰ্তমানৰ পুৰণি অসম ভৱনটো ভাঙি ১১ মহলীয়া এক অত্যাধুনিক অসম ভৱন নিৰ্মাণৰ বাবে ৰাজ্য চৰকাৰে পৰিকল্পনা কৰি আছে বুলিও কয়। এই অসম ভৱনটোত অধুনিক প্ৰেক্ষাগৃহ ইত্যাদিৰ সুবিধা উপলব্ধ হ’ব বুলি কয়।সভাত লক্ষ্মীনাথ বেজবৰুৱাৰ নাতিনী ইৰা ঘোষ, আয়ুক্ত এম অংগমথুকে আদি কৰি বহুকেইজন গণ্য মান্য ব্যক্তি উপস্থিত থাকে।
আমেৰিকাৰ পাঠ্যক্ৰমত সন্নিবিষ্ট হ’ল অৰণ্য মানৱৰ বিষয়ে
admin October 31, 2020 11:55 AM
অসমবাসীৰ বাবে সুখবৰ।অসম গৌৰৱ অৰণ্য মানৱ যাদৱ পায়েঙৰ কৰ্মৰাজি সন্নিবিষ্ট হ’ল আমেৰিকা বিদ্যালয়ৰ পাঠ্যক্ৰমত।উল্লেখযোগ্য যে আমেৰিকা বিদ্যালয়ৰ ষষ্ঠ শ্ৰেণীৰ পাঠ্যক্ৰমত অন্তৰ্ভুক্ত কৰা হৈছে।
অৰণ্য মানৱ গৰাকী এই স্বীকৃতিকলৈ মুখ্যমন্ত্ৰী গৰাকীয়ে এনেদৰে কয়- অৰণ্য মানৱ যাদৱ পায়েঙদেৱৰ পৰিৱেশ সচেতনতা আৰু প্ৰকৃতিৰ সৈতে থকা আত্মীয়তাই কেৱল আমাৰ দেশৰে নহয়, বিশ্বৰ বিভিন্ন প্ৰান্তৰ জনগণক উদ্বুদ্ধ কৰিছে। সুদূৰ আমেৰিকাৰ শিক্ষানুষ্ঠানৰ পাঠ্যক্ৰমত তেখেতৰ বিষয়ে অন্তৰ্ভুক্ত হোৱাটোৱে প্ৰতিফলিত কৰিছে- বিশ্বজুৰি থকা তেখেতৰ সুনামৰ কথা।
পায়েঙৰ এই স্বীকৃতিত অসমবাসী গৌৰৱান্বিত। তেখেতৰ কৰ্মচেতনাৰে অনুপ্ৰাণিত হৈ আমি সকলোৱে পৰিৱেশ তথা জৈৱ বৈচিত্ৰতাৰ সুৰক্ষা আৰু সংৰক্ষণৰ বাবে একেলগে কাম কৰি যাব লাগিব।
ভিউৱাছৰ মতামত