মালয়েছিয়াৰ কুছিনত ২ ৰ পৰা ৭ ডিচেম্বৰত অনুষ্ঠিত এছিয়ান মাষ্টাৰ্চ মীটত ভাৰতীয় মহিলা এথলেটিক দলৰ হৈ অণিমা সোনোৱালে চাৰিটা পদক লাভ কৰিবলৈ সক্ষম হয়।সোমবাৰে সন্ধিয়া ভাৰতীয় বিমান বন্দৰ প্ৰাধিকৰণৰ উত্তৰ পূৱ মণ্ডলৰ কাৰ্য্যালয়ত এইগৰাকী খেলুৱৈক বিপুলভাৱে সম্বৰ্ধনা জনায়।কাৰ্য্যালয়ৰ ড০ ভূপেন হাজৰিকা সভাগৃহত প্ৰাধিকৰণৰ মহিলা কল্যাণ সংস্থা ‘কল্যাণময়ী’ৰ উদ্যোগত অনুষ্ঠিত এই অনুষ্ঠানটোত প্ৰাধিকৰণৰ উত্তৰ পূৱ মণ্ডলৰ কেন্দ্ৰীয় কাৰ্যবাহী সঞ্চালক সঞ্জীৱ জিন্দালে অণিমা সোনোৱালক এটা স্মাৰক,ফুলৰ থোপা,গামোচাৰে সম্বৰ্ধনা জনোৱাৰ লগতে দেশৰ উপৰি ভাৰতীয় বিমান বন্দৰ প্ৰাধিকৰণৰ পৰিয়ালবৰ্গলৈ গৌৰৱ কঢ়িয়াই অনা বিষয়টোৰ শলাগ লয়।অনুষ্ঠানটোত কল্যাণময়ী’ৰ উপ সভানেত্ৰী পাৰবীন লতা,সম্পাদিকা অঞ্জনা ভৌমিককে ধৰি কেইবাগৰাকী কৰ্মকৰ্তা আৰু অণিমা সোনোৱালৰ স্বামী তথা প্ৰাধিকৰণৰ বিষয়া চন্দেশ্বৰ সোনোৱাল,এয়াৰপ’ৰ্ট অথৰিটী এমপ্লয়ি ইউনিয়নৰ কেন্দ্ৰীয় সম্পাদক পবিত্ৰ দাস,গুৱাহাটী শাখাৰ সঞ্চালক সুনীল লাল চৌধুৰী উপস্থিত থাকে।উল্লেখ্য যে অণিমা সোনোৱালে প্ৰতিযোগিতাত হাই জাম্প আৰু পলভল্টত সোণ ৪০০ মিটাৰ ৰিলেত ৰূপ আৰু হাৰ্ডেল ৰাণত ব্ৰঞ্জৰ পদক লাভ কৰিছে।
পবিত্ৰ ৰাম নৱমীৰ শুভেচ্ছা জ্ঞাপন কৰিলে ৰাষ্ট্ৰপতিয়ে
admin April 21, 2021 12:47 PM
আজি ৰাম নৱমী।এই ৰাম নৱমী হিন্দু ধর্মৰ এক পবিত্ৰ উৎসৱ।এই উৎসৱ ভগৱান ৰামৰ জন্মৰ লগত জৰিত।ৰাম নৱমী উপলক্ষে বিভিন্ন ঠাইত পূজা অৰ্চনা কৰা হৈছে।এই ৰাম নৱমী শুক্লপক্ষৰ নৱমী তিথিত পালন কৰা হয়।
ৰাম নৱমী উপলক্ষে দেশৰ প্ৰধানমন্ত্ৰী নৰেন্দ্ৰ মোদীয়ে দেশবাসীক শুভেচ্ছা জনায় কয় যে ভগৱান ৰামৰ আৰ্শীবাদ দেশবাসীৰ প্ৰতি সদায় বৰ্তি থাকক।আনহাতে এই সম্পৰ্কত ৰাষ্ট্ৰপতি ৰামনাথ কবীন্দ্ৰে এনেদৰে কয় ৰামৰ ধৰ্মই আমাক সদায় অনুপ্ৰাণিত কৰি আহিছে।ন্যায় আৰু মানৱীয় গুণৰ বাবে ৰামৰ আদৰ্শই যুগ যুগ ধৰি সকলোকে অনুপ্ৰেৰণা যোগাব।
ভিউৱাছৰ মতামত