এন আৰ এলে বি এছ VI গ্ৰেডৰ বাহনৰ ইন্ধন যোগান আৰম্ভ কৰিছে

নুমলীগড় শোধনাগাৰ লিমিটেডে উত্তৰ পূৰ্বাঞ্চল সম্বন্ধিতে সকলো বজাৰতে নিজৰ শোধানাগাৰৰ পৰা ভাৰত ষ্টেজ ( বি এছ ) VI গ্ৰেডৰ মটৰ স্পিৰিট ( পেট্ৰল ) আৰু হাই স্পীড ডিজেল ( ডিজেল ) ৰ যোগান আৰম্ভ কৰিছে ৷

এন আৰ এল শিলিগুৰি মাৰ্কেটিং টাৰ্মিনেলৰ পৰা বি এছ VI গ্ৰেডৰ যোগানৰ প্ৰক্ৰিয়া যোৱা ৩ ফেব্ৰুৱাৰীৰ পৰা আৰম্ভ কৰিছে ৷ আনহাতে কোম্পানীটোৰ নুমলীগড়স্থিত মাৰ্কেটিং টাৰ্মিনেলৰ পৰা বি এছ VI গ্ৰেডৰ বাহন ইন্ধন প্ৰক্ৰিয়া যোৱা ৮ ফেব্ৰুৱাৰী পৰা আৰম্ভ কৰা হৈছে ৷

এন আৰ এল ২০১৮ বৰ্ষত প্ৰায় ১০০০ কোটি টকা ব্যয়সাপেক্ষে এক ডিজেল হাইড্ৰ ট্ৰিটাৰ ( ডি এইচ ডি টি ) প্লেণ্ট হাতত লৈছিল ৷ এই প্লেণ্ট বি এছ VI গ্ৰেডৰ ডিজেল উৎপন্ন কৰিবলৈ সক্ষম ৷ পেট্ৰলৰ বি এছ VI বিশেষত্ব পূৰণ কৰাৰ উদ্দেশ্যে মটৰ স্পিৰিট প্লেণ্ট উন্নতকৰণৰ বাবে অলপতে এন আৰ এলে প্ৰায় ১২৫ কোটি টকা বিনিয়োগ কৰে , যিটো জানুৱাৰী ২০২০ তে কাৰ্য্যকৰী কৰা হৈছে ৷ ইয়াৰ উপৰিও ৩ এম এম টি এ ৰ পৰা ৯ এম এম টি পি এলৈ প্ৰসাৰণ পৰিকল্পনা অনুযায়ী অগ্ৰসৰ হোৱা শোধানাগাৰটো ইয়াৰ নতুন উন্নত প্ৰযুক্তি সম্পন্ন সুবিধাসমূহৰ মাধ্যমেৰে বি এছ VI বিশেষযুক্ত ইন্ধন উৎপন্ন কৰিবলৈ বিশেষভাৱে কনফিগাৰ কৰি তোলা হৈছে ৷

৫০ পি পি এমৰ ছালফাৰ বিশেষত্বৰে দেশত ব্যৱহাৰ কৰি থকা বাহন ইন্ধন বি এছ VI গ্ৰেডৰ তুলনাত বাহন ইন্ধন বি এছ VI গ্ৰেডৰ ১০ পি পি এম অধিক কঠিন ছালফাৰ থাকে ৷ এন আৰ এলে ইয়াৰ সংগৃহিত সকলো উৎপাদন কোম্পানীটোৰ বিপনন টাৰ্মিনেলক আল্টা ক্লিন ইন্ধনলৈ পৰিৱৰ্তন কৰিবৰ বাবে অক্টোবৰ ২০১৯ ৰ প্ৰক্ৰিয়া আৰম্ভ কৰি বাহন ইন্ধন বি এছ VI গ্ৰেডৰ উৎপাদন আৰম্ভ কৰিছে ৷

উল্লেখ্য আমাৰ দেশত বৰ্তমানৰ বি এছ VI গ্ৰেডৰ সলনি ইৰো গ্ৰেড ইন্ধনৰ সমান ধোঁৱা নিৰ্গত কৰি বি এছ VI গ্ৰেডৰ ব্যৱহাৰ ১ এপ্ৰিল ২০২০ ৰ পৰা হ’ব ৷ এই পৰিপ্ৰেক্ষিতত এন আৰ এলে কোম্পানীটোৰ পৰা ইন্ধন ক্ৰয় কৰা তেল বিপনন কোম্পানীসমূহক মটৰ বাহনৰ আল্টা ক্লীন ইন্ধন ৰপ্তানি কৰিবলৈ আৰম্ভ কৰিছে ৷

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।

আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে

আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক  পৰিচয় কৰাই দিয়া হয়।

 

 

ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী  অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।

খবৰ যুগুতালে ৰাহুল দেৱ বৰদলৈয়ে