কথামতেই কাম-নিজা খৰছত নিৰ্মাণ কৰা আৱক্ষ মূৰ্তি উন্মোচন কৰিলে সাংসদ তপন কুমাৰ গগৈয়ে

চৰাইদেউ মহকুমা গঠনত অগ্ৰণী ভূমিকা গ্ৰহণ কৰা প্ৰয়াত হেমকান্ত বসুমতাৰীৰ আৱক্ষমূৰ্তি উন্মোচন কৰিলে সাংসদ তপন কুমাৰ গগৈয়ে। কোনো ধৰণৰ চৰকাৰী পুঁজিৰে নহয় ব্যক্তিগত পুঁজিৰে নিৰ্মাণ কৰা আৱক্ষ মূৰ্ত্তিটো সোণাৰিৰ লাচিত উদ্যানত উন্মোচন কৰে সাংসদগৰাকীয়ে।

 

 

 

 

২০১৬ চনত বিধায়ক হিচাপে নিৰ্বাচিত হোৱাৰ পাছতে চৰাইদেউ মহকুমা গঠনত অগ্ৰণী ভূমিকা গ্ৰহণ কৰা প্ৰয়াত হেমকান্ত বসুমতাৰীৰ আৱক্ষমূৰ্তি নিৰ্মাণ কৰাৰ প্ৰতিশ্ৰুতি দিছিল বৰ্তমান যোৰহাট লোকসভা সমষ্টিৰ সাংসদ তপন কুমাৰ গগৈয়ে। সেই অনুসৰি নিজা খৰচত নিৰ্মিত প্ৰয়াত ব্যক্তিগৰাকীৰ এটা আৱক্ষমূৰ্তি উন্মোচন কৰা লগতে এটা পথো নামাকৰণ কৰে সাংসদগৰাকীয়ে।

 

 

সোণাৰিৰ বেঙেনাবাৰী টিয়কহাবি অঞ্চলৰ পৰা পদব্ৰজে, চাইকেলেৰে বিভিন্ন ঠাই ঘুৰি বিভিন্ন তথ্য সংগ্ৰহ কৰাৰ অন্তত অশেষ চেষ্টাৰ ফলশ্ৰুতিত ১৯৮৩ চনত চৰাইদেউ মহকুমা গঠনত অৱদান আগবঢ়োৱা হেমকান্ত বসুমতাৰীৰ প্ৰতিমূৰ্তি সোণাৰিৰ লাচিত উদ্যানত উন্মোচন কৰে সাংসদগৰাকীয়ে। আনহাতে চৰাইদেউ জিলাৰ উপায়ুক্ত পলাশ ৰঞ্জন ঘৰফলীয়া, সোণাৰি সমষ্টিৰ বিধায়িকা নৱনীতা সন্দিকৈ, অতিৰিক্ত উপায়ুক্ত প্ৰণৱ কুমাৰ বৰাৰ লগতে প্ৰয়াত হেমকান্ত বসুমতাৰীৰ পৰিয়ালবৰ্গৰ ওপৰিও সোণাৰিৰ যথেষ্ট সংখ্যক গণ্য মান্য ব্যক্তিৰ উপস্থিতিত অনুষ্ঠিত হোৱা আৱক্ষ মূৰ্তি উন্মোচনী সভাত সাংসদ তপন কুমাৰ গগৈয়ে চৰাইদেউ জিলা উপায়ুক্ত কাৰ্যালয়লৈ যোৱা পথছোৱা প্ৰয়াত হেমকান্ত বসুমতাৰীৰ নামেৰে নামাকৰণ কৰা বুলি ঘোষণা কৰে।

 

 

 

উল্লেখ্য যে চৰাইদেউ মহকুমা গঠনৰ বাবে কৰা নি:স্বাৰ্থ সেৱা আগবঢ়োৱা ব্যক্তিগৰাকী হ’ল সোণাৰিৰ পাৰ্শ্বৱৰ্তী বেঙেনাবাৰী টিয়কহাবি অঞ্চলৰ প্ৰয়াত হেমকান্ত বসুমতাৰী। ১৯২১ চনত জন্মগ্ৰহণ কৰা এই গৰাকী ব্যক্তিয়ে ১৯৫৫ চনৰপৰা ১৯৮৩ চনলৈ তিনিটা দশক পদব্ৰজে, চাইকেলেৰে ঘুৰি অবিভক্ত শিৱসাগৰ জিলাৰ লগতে লক্ষিমপুৰ, ধেমাজি আদি অঞ্চলৰপৰা বিভিন্ন তথ্য সংগ্ৰহ কৰি সোণাৰি, সাপেখাতিকে ধৰি বহু অঞ্চলৰ সমাজহিতৈষী ব্যক্তিৰ সহযোগত চৰকাৰী ঘৰত জমা দি ১৯৮৩ চনত চৰাইদেউ মহকুমা গঠনৰ বাবে চৰকাৰক বাধ্য কৰোৱা ব্যক্তিগৰাকীয়েই হ’ল প্ৰয়াত হেমকান্ত বসুমতাৰী।

 

 

 

নিজৰ গাঁথিৰ ধন ভাঙি সেই সময়ত শ্বিলং, দিছপুৰলৈ গৈ মন্ত্ৰী , বিধায়কৰ অফিচে অফিচে স্মাৰকপত্ৰ দি হেমকান্ত বসুমতাৰীয়ে সোণাৰি মহকুমা গঠন সংগ্ৰাম পৰিষদৰ নেতৃত্ব দি চৰাইদেউবাসীক চৰাইদেউ মহকুমা দি ১৯৮৫ চনৰ ১৭ ফেব্ৰুৱাৰীত জীৱন বাটৰ পাতনি মেলিলে । অথচ সোণাৰি সমষ্টি নিজৰ দখলত ৰখা কংগ্ৰেছ দলে এইগৰাকী ব্যক্তিক যথোচিত সন্মান জনোৱা পৰিলক্ষিত নহ’ল বিগত সময়ত। সোণাৰি সমষ্টিটো সুদীৰ্ঘ দিন কংগ্ৰেছৰ দখলত থকা পাছতো চৰাইদেউ মহকুমা গঠনত নেতৃত্ব দিয়া প্ৰয়াত হেমকান্ত বসুমতাৰীক উপযুক্ত স্বীকৃতি প্ৰদান নকৰিলে।

 

 

 

অৱশ্যে ২০১৬ চনত সোণাৰি সমষ্টিৰ বিধায়ক হিচাপে বিজেপি দলৰ পৰা প্ৰাক্তন ছাত্ৰ নেতা তপন কুমাৰ গগৈ নিৰ্বাচিত হোৱাৰ পাছত নিজা খৰচত সোণাৰিত এটা আৱক্ষ মূৰ্ত্তি স্থাপনৰ ব্যৱস্থা গ্ৰহণ কৰা লগতে এটি পথ নামাকৰণৰে ৰাইজৰ মাজত সংগ্ৰামী ব্যক্তিগৰাকীক জীয়াই ৰাখিবলৈ চেষ্টা অব্যাহত ৰাখিছিল। আৰু তাৰেই ফলশ্ৰুতিত এটা আশাসুধীয়া প্ৰচেষ্টা কালি বাস্তৱত পৰিণত হোৱাত চৰাইদেউ বাসীয়ে একেমুখে প্ৰশংসা কৰিছে।

খবৰ যুগুতালে সোণাৰিৰ পৰা অভিজিত ভূঞাই..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

পবিত্ৰ ৰাম নৱমীৰ শুভেচ্ছা জ্ঞাপন কৰিলে ৰাষ্ট্ৰপতিয়ে

আজি ৰাম নৱমী।এই ৰাম নৱমী হিন্দু ধর্মৰ এক পবিত্ৰ উৎসৱ।এই উৎসৱ ভগৱান ৰামৰ জন্মৰ লগত জৰিত।ৰাম নৱমী উপলক্ষে বিভিন্ন ঠাইত পূজা অৰ্চনা কৰা হৈছে।এই ৰাম নৱমী শুক্লপক্ষৰ নৱমী তিথিত পালন কৰা হয়।

ৰাম নৱমী উপলক্ষে দেশৰ প্ৰধানমন্ত্ৰী নৰেন্দ্ৰ মোদীয়ে দেশবাসীক শুভেচ্ছা জনায় কয় যে ভগৱান ৰামৰ আৰ্শীবাদ দেশবাসীৰ প্ৰতি সদায় বৰ্তি থাকক।আনহাতে এই সম্পৰ্কত ৰাষ্ট্ৰপতি ৰামনাথ কবীন্দ্ৰে এনেদৰে কয় ৰামৰ ধৰ্মই আমাক সদায় অনুপ্ৰাণিত কৰি আহিছে।ন্যায় আৰু মানৱীয় গুণৰ বাবে ৰামৰ আদৰ্শই যুগ যুগ ধৰি সকলোকে অনুপ্ৰেৰণা যোগাব।

কেন্দ্ৰীয় বাঁহ গোঁসাই উৎসৱৰ সফল সামৰণি

সদৌ অসম শৰণীয়া কছাৰী ছাত্ৰ সন্থাৰ উদ্যোগত আৰু দৰঙাজুলি আঞ্চলিক শৰণীয়া-কছাৰী ছাত্ৰ সন্থাৰ সহযোগত বাক্সা জিলাৰ তামুলপুৰ মহকুমাৰ কুমাৰীকাটা মিঠাৰাম দাস সমন্বয় ক্ষেত্ৰত সোমবাৰৰ পৰা দুদিনীয়া বৰ্ণাঢ্য কাৰ্যসূচীৰে অনুষ্ঠিত হোৱা শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱৰ মঙলবাৰে সফল সামৰণি পৰে।

মঙলবাৰে পুৱাৰে পৰা নামনি অসমৰ জিলা কেইখনৰ পৰা শৰণীয়া-কছাৰী জনগোষ্ঠীৰ লোকসকলে পৰম্পৰাগত সাজ পৰিধান কৰি একোডাল বাঁহ গোঁসাই লৈ ঢোল ,তাল,শংখ, দবা আদিৰ শব্দৰে মুখৰিত কৰি কেন্দ্ৰীয় বাঁহ গোসাইস্থলীত উপস্থিত হয়।বাক্সা জিলাৰ তামুলপুৰ মহকুমাৰ কুমাৰীকাটাৰ শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱস্থলী মিঠাৰাম দাস সমন্বয় ক্ষেত্ৰ এক তীৰ্থ ক্ষেত্ৰলৈ পৰিণত হয়।

বিভিন্ন প্ৰান্তৰ পৰা শতাধিক বাঁহ গোঁসাই সজাই-পৰাই এক মাঙ্গলিক পৰিৱেশেৰে উৎসৱস্থলীত নিৰ্মাণ কৰা গোঁসাই ঘৰত স্থাপন কৰে। ইয়াৰ আগতে বাঁহ গোঁসাই লৈ উৎসৱস্থলীত উপস্থিত হোৱা দল সমূহে নিজৰ নিজৰ দলৰ বাঁহ গোঁসাই লৈ কুমাৰীকাটা চহৰৰ মাজেৰে পাঁচ কিলোমিটাৰ জোৰা পথ সমদল কৰি পানবাৰী-বাটাবাৰী হৈ পুনৰ উৎসৱস্থলীত উপস্থিত হয়।
সম্পূৰ্ণ কোভিড প্ৰট’কল মানি শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱ পালন কৰা হয় ।

গ্ৰাম্যাঞ্চলত সেৱা আগবঢ়াব বেটাৰ লাইফ মেডিকেল চেণ্টাৰে

পূব আৰু উত্তৰ-পূব ভাৰতৰ কেইখনমান শীৰ্ষ চিকিৎসা প্ৰতিষ্ঠানৰ সৈতে কাম কৰি থকা এগৰাকী চিকিৎসকে চাকৰি এৰি অসমৰ ওদালগুৰি জিলাৰ দুৰৱৰ্তী স্থানত চিকিৎসা সুবিধা আৰম্ভ কৰিছে।সমাজৰ সুবিধা পৰা বঞ্চিত লোক সকলক অন্তিম মাইল স্বাস্থ্য সেৱা প্ৰদান লক্ষ্যৰে গাইনোকোলজিষ্ট ডাঃ সায়ন্তনী ভট্টাচাৰ্যই অসমৰ ওদালগুৰি জিলাৰ পানেৰীত বেটাৰ লাইফ মেডিকেল চেণ্টাৰ স্থাপন কৰিছে। আজি গুৱাহাটীৰ প্ৰেছ ক্লাৱত সংবাদ মাধ্যমৰ লোক সকলক সম্বোধন কৰি ডাঃ ভট্টাচাৰ্যই কয় যে পানেৰীৰ কেন্দ্ৰটো তেওঁৰ ষ্টাৰ্টআপ বেটাৰ হেলথকেয়াৰ এটা দ্যা লাষ্ট মাইলৰ ফ্লেপশ্বিপ ইউনিট।

চলিত বৰ্ষত ১৪ ফেব্ৰুৱাৰীত নামনি অসমৰ অন্যতম বৃহৎ চাহ বাগিচাৰ কৰিডৰ,আৰু চাহ জনজাতি আৰু অন্যান্য সম্প্ৰদায়ৰ এক বৃহৎ জনসংখ্যাই বাস কৰা পানেৰীত বেটাৰ লাইফ মেডিকেল চেণ্টাৰ উদ্বোধন কৰিছোঁ।বেটাৰ লাইফ মেডিকেল চেণ্টাৰত এটা মাল্টি স্পেচিয়েলিটি ফেমিলি ক্লিনিক ডায়গনষ্টিক চেণ্টাৰ আৰু এখন ফাৰ্মাচী আছে।

উল্লেখযোগ্য যে কেন্দ্ৰটোত আলট্ৰাচাউণ্ড,ইচিজি, স্বাস্থ্য পৰীক্ষা,ফাৰ্মাচী,নেবুলাইজেচন বেজী সেৱা অক্সিজেন, চিকিৎসা কোঠা সকলো উপলব্ধ।ইয়াৰ উপৰিও ৰেডিঅ’লজিষ্ট,চকু বিশেজ্ঞ,ফিজিঅ থেৰাপিষ্ঠ,ডায়েটিশিয়ান,শিশু বিশেষজ্ঞৰ সেৱা উপলব্ধ।

ৰাজ্যত বলবৎ হৈছে ক’ভিড সম্পৰ্কীয় নতুন নিৰ্দেশনা

আজি অনুষ্ঠিত হয় ক`ভিডৰ নিদেৰ্শনা সম্পৰ্কীয় মুখ্য সচিব আৰু আৰক্ষী সঞ্চালক প্ৰধানৰ সংবাদমেল।সংবাদমেলৰ সিদ্ধান্ত সমূহ হ`ল এনেধৰণৰ -জিলা প্ৰশাসনৰ অনুমতি লৈহে অনুষ্ঠান অনুষ্ঠিত কৰিব পাৰিব ।বন্ধ কোঠাৰ অনুষ্ঠানত ৫০% লোকহে উপস্থিত থাকিব পাৰিব।বিবাহ আদিত ১০০তকৈ অধিক উপস্থিত থাকিব নোৱাৰিব।মৃতকৰ শেষকৃত্যত ২০ জনতকৈ অধিক উপস্থিত থাকিব নোৱাৰিব।আনহাতে ধৰ্মীৰ অনুষ্ঠানত প্ৰতি ঘণ্টাত ২০ গৰাকীহে উপস্থিত থাকিব পাৰিব।বিখ্যাত ধৰ্মীয় অনুষ্ঠানৰ ক্ষেত্ৰত ৫০ গৰাকী লোকক অনুমতি দিয়া হৈছে।ৱৰ্ক ফ্ৰম হোম আৰু ভাৰ্চুৱেল পদ্ধতিৰ কাম কাজত প্ৰাধান্য।চৰকাৰী-বেচৰকাৰী প্ৰতিষ্ঠানত ৫০% কৰ্মচাৰীয়ে কাম সম্পাদনাৰ নিৰ্দেশ।প্ৰতিষ্ঠানৰ বিষয়াই নিজৰ কাৰ্য্যালয়ত অনুষ্ঠিত কৰিব নোৱাৰিব সভা।গৰ্ভৱতী মহিলাক ঘৰৰ পৰাই কাম কৰা অনুমতি প্ৰদান।৫ বছৰ তলৰ শিশুৰ মাতৃক ঘৰৰ পৰা কাম কৰা অনুমতি।কৰ্মক্ষেত্ৰত সম্পূৰ্ণৰূপে সামাজিক দূৰত্ব মানি চলিব লাগিব ।প্ৰৱেশ-প্ৰস্থানস্থলীত থাৰ্মেল স্কেনিং হেণ্ড ছেনিটাইজাৰ থাকিব লাগিব ।আইন অমান্য কৰিলে কঠোৰ হ`ব প্ৰশাসন।ইয়াৰ উপৰিও পুলিচক মাস্ক যোগান ধৰিবলৈও নিৰ্দেশ জাৰি কৰিছে।আৰক্ষী সাংবাদিক শিক্ষকক প্ৰধান শাৰীৰ যোদ্ধা বিবেচনা কৰিবলৈ কেন্দ্ৰীয় চৰকাৰক অনুৰোধ জনাইছে ৰাজ্য চৰকাৰে।

পুনৰ সজাই তোলা হৈছে অস্থায়ী ক`ভিড চেন্টাৰ সমূহ

ৰাজ্যখনত ক’ৰনা সংক্ৰমণৰ ঘটনা ব্যাপক হাৰত বৃদ্ধি পোৱাৰ বিষয়টোৱে সকলোকে উদ্বিগ্ন কৰি তুলিছে। দৈনিক সংক্ৰমণৰ হাৰ প্ৰতিদিনে বৃদ্ধি পাই আহিছে।ইয়াৰ মাজতে ৰাজ্যৰ স্বাস্থ্য বিভাগে পুনৰ জালুকবাৰী আৰু সৰুসজাইৰ অস্থায়ী ক’ভিড কেয়াৰ চেন্টাৰ সমূহ সাজু কৰি তুলিছে।

জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয় ক’ভিড ৰোগীৰ বাবে পুনৰ সাজু কৰি তোলা হৈছে।জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয়ৰ অধ্যক্ষ ডাঃ ৰমাকান্ত শৰ্মাই জানিবলৈ দিয়া মতে মহাবিদ্যালয়খনত ১০০ খন বিছনা ক’ভিড ৰোগীৰ বাবে সাজু কৰি তোলা হৈছে।

ইয়াৰ উপৰিও, ইয়াত ১৪ টা আই চি ইউ কক্ষ আৰু ৩৩ খন অক্সিজেনযুক্ত বিছনাৰ ব্যৱস্থা কৰা হৈছে।আনহাতে ৰাজ্যৰ স্বাস্থ্য বিভাগে মহানগৰীৰ সৰুসজাই ষ্টেডিয়ামৰ অস্থায়ী ক’ভিড হাস্পাতালখন পুনৰ সাজু কৰি তুলিছে।সৰুসজাইৰ কৰ্মবীৰ নবীন চন্দ্ৰ বৰদলৈ ষ্টেডিয়ামত ৪০০ খন বিছনাযুক্ত অস্থায়ী ক’ভিড কেয়াৰ চেন্টাৰটো সাজু কৰি তুলিবলৈ ক্ষিপ্ৰতাৰে কাম কৰি থকা হৈছে।

ৰাজ্যৰ বন বিভাগত সালসলনি ঘটিছে

ৰাজ্যৰ বন বিভাগত সালসলনি ঘটিছে।শিলচৰৰ মুখ্য বন সংৰক্ষক সুমন মহাপাত্ৰক অতিৰিক্ত প্ৰধান মুখ্য বন সংৰক্ষক ৰূপে বদলি কৰিছে।সামাজিক বদলিকৰণৰ মুখ্য বন সংৰক্ষক ৰেড্ডিছ মিশ্ৰক অতিৰিক্ত প্ৰধান মুখ্য বন সংৰক্ষক পদলৈ বদলি কৰিছে।মুখ্য বন সংৰক্ষক (কেম্পা) সৈত্যেন্দ্ৰ সিঙক অতিৰিক্ত প্ৰধান বন সংৰক্ষক পদলৈ বদলি কৰাৰ লগতে উজনি অসম চক্ৰৰ বন সংৰক্ষক এন আনন্দক মুখ্য বন সংৰক্ষক ৰূপে বদলি কৰিছে।দেৰাডুনৰ চিএএছএফঅএছৰ ডেপুটেশ্যনত থকা ড০ শ্ৰীৰমেশ্বৰক মুখ্য বন সংৰক্ষক পদলৈ পদোন্নতি কৰিছে।

আনহাতে উত্তৰ অসম চক্ৰৰ বন সংৰক্ষক যতীন্দ্ৰ শৰ্মাক মুখ্য বন সংৰক্ষক পদলৈ পদোন্নতি দিয়া হৈছে।বন সংৰক্ষক ছলমান উদ্দিন চৌধুৰীক মুখ্য বন সংৰক্ষক ৰূপে বদলি কৰিছে।নগাঁও সংমণ্ডলৰ ডিএফঅ’ ৰাজেন চৌধুৰীক বন সংৰক্ষক পদলৈ পদোন্নতি কৰা হৈছে।
কোকৰাঝাৰৰ অতিৰিক্ত প্ৰধান মুখ্য সংৰক্ষক অনিন্দ স্বৰ্গীয়াৰীক প্ৰশাসন আৰু ভিজিলেন্সৰ অতিৰিক্ত প্রধান মুখ্য বন সংৰক্ষক পদলৈ বদলি কৰা হৈছে।এপিচিচিএফ সন্দীপ কুমাৰক নামনি অসম সংমণ্ডলৰ অতিৰিক্ত প্ৰধান মুখ্য বন সংৰক্ষক পদলৈ বদলি কৰাৰ লগতে চিচিএফ অনুৰাগ সিঙক বিটিআৰৰ চিচিএফ হিচাপে বদলি কৰা হৈছে।

এপিচিচিএফ এছ পি বৈশিষ্টক সামাজিক বদলিকৰণৰ অতিৰিক্ত পিচিচিএফ পদলৈ আৰু বন সংৰক্ষক বংকিম শৰ্মাক তেজপুৰৰ বন সংৰক্ষক পদলৈ বদলি কৰা হৈছে।সীমান্ত আৰু সুৰক্ষা বন সংৰক্ষক পদত থকা মজিদুল হুছেইনক বন্যপ্ৰাণী বন সংৰক্ষক ৰূপে বদলি কৰাৰ লগতে ডিচিএফ ভি বসন্থনক নগাঁও সংমণ্ডলৰ ডিএফঅ’ হিচাপে নিয়ুক্তি দিয়া হৈছে।