আজাৰা কাঁহিকুছিস্থিত অসম কৃষি বিশ্ববিদ্যালয় চৌহদত আজিৰ পৰা দুদিনীয়াকৈ আৰম্ভ হৈছে কৃষক মেলা আৰু প্রথম মাশ্বৰুম দিৱস।কামৰূপ জিলা কৃষি বিভাগৰ উদ্যোগত আৰু কৃষি বিজ্ঞান কেন্দ্র কামৰূপৰ সহযোগত আয়োজিত কৃষক মেলাখন আজি উদ্বোধন কৰে গুৱাহাটী লোকসভা সমষ্টিৰ সাংসদ কুইন ওজাই।এই উপলক্ষে আয়োজিত সভাত অংশগ্রহণ কৰি কুইন ওজাই কয় যে কৰ্ম সংস্কৃতি ন’হলে দেশৰ উন্নতি নহয়।খেতিয়ক সকলৰ প্ৰধান সমস্যা হৈছে উপযুক্ত বজাৰ।কৃষক সকলে উৎপাদিত সামগ্ৰী যাতে উপযুক্ত মূল্যত বিক্ৰী কৰিব পাৰে তাৰ বাবে চৰকাৰে বিশেষ ব্যৱস্থা গ্ৰহণ কৰিছে।কৃষিজাত সামগ্রীৰ উৎপাদন বৃদ্ধিৰ বাবে চৰকাৰে হাতত লোৱা আঁচনিসমূহ গ্ৰহণ কৰিবলৈ কৃষক সকলক সাংসদ কুইন ওজাই আহ্বান জনায়।অনুষ্ঠানত কামৰূপ জিলাৰ উপায়ুক্ত কমল কুমাৰ বৈশ্য,কাঁহিকুছি কৃষি বিজ্ঞান কেন্দ্রৰ মুখ্য বিজ্ঞানী ড০ ধীৰেন্দ্ৰ নাথ কলিতা,ড০ এ তে ত্ৰিপাঠী,ড০ পি কে পাঠক,ইউছুফ আলী প্ৰমুখ্যে বহু বিশিষ্ট ব্যক্তি উপস্থিত থাকে।আনহাতে প্ৰথম মাশ্বৰুম দিৱস উপলক্ষে আয়োজন কৰা বিভিন্ন প্ৰতিযোগিতাৰ ফলাফল সমূহ ঘোষণা কৰাৰ লগতে বিজয়ী প্ৰতিযোগী সকলক বঁটা সমূহ প্ৰদান কৰী হয়।কৃষক মেলাত চৰকাৰৰ বিভিন্ন বিভাগ আৰু আত্মসহায়ক গোটসমূহে প্ৰস্তুত কৰা বিভিন্ন সামগ্রীৰ প্ৰদৰ্শন আৰু বিক্রী কৰা হয়।
ভেকচিন প্ৰদানৰ ক্ষেত্ৰত জনসচেতনতা সৃষ্টিৰ ওপৰত মুখ্যমন্ত্ৰীৰ গুৰুত্ব আৰোপ
মুখ্যমন্ত্ৰী সৰ্বানন্দ সোণোৱালে আজি লখিমপুৰ জিলাৰ নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত অনুষ্ঠিত এক বৈঠকত লখিমপুৰ আৰু ধেমাজি সাম্প্ৰতিক ক’ভিড পৰিস্থিতি বিষয়ে সবিশেষ পৰ্যালোচনা কৰে।পৰ্যালোচনা কালত মুখ্যমন্ত্ৰীয়ে জিলা উপযুক্ত তথা স্বাস্থ্য বিভাগৰ যুটীয়া সঞ্চালকৰ সৈতে মত-বিনিময় কৰি সাম্প্ৰতিক ক’ভিড সংক্ৰমণৰ সবিশেষ বুজ লয়।বৈঠকত দুয়োখন জিলাৰ উপযুক্ত সৈতে মত-বিনিময় কৰি সাম্প্ৰতিক ক’ভিড সংক্ৰমণ প্ৰতিৰোধ কৰাৰ দিশত গ্ৰহণ কৰা ব্যৱস্থা ৰাজিৰ লগতে ভেকচিন প্ৰদান, সংক্ৰমণৰ হাৰ,হাস্পতাল থকা সা-সুবিধা সমূহ বিষয়ে মুখ্যমন্ত্ৰীক সবিশেষ অৱগত কৰে।আনহাতে, দুয়োগৰাকী স্বাস্থ্য বিভাগৰ যুটীয়া সঞ্চালকে চিকিৎসা বিভাগে গ্ৰহণ কৰা পদক্ষেপ সমূহ বিষয়ে মুখ্যমন্ত্ৰীক অৱগত কৰে।
বৈঠকত মুখ্যমন্ত্ৰীয়ে জিলা দুখনত ভেকচিন প্ৰদানৰ ক্ষেত্ৰত জন সচেতন সৃষ্টিৰ বাবে প্ৰশাসনক নিৰ্দেশ দিয়ে।ৰাজহুৱা স্থানত জনসাধাৰণ যাতে মাস্ক পৰিধান কৰা লগতে সামাজিক দূৰত্ব বৰ্তাই ৰাখে সেই দিশটো নজৰ ৰাখিবলৈ মুখ্যমন্ত্ৰীয়ে কয়।মুখ্যমন্ত্ৰীয়ে লগতে ক’ভিড পজিটিভ ৰোগীৰ ক্ষেত্ৰত মাইক্ৰ কণ্টেইমেণ্ট এলেকাৰ ব্যৱস্থা কৰিবলৈ নিৰ্দেশ দিয়ে।লগতে প্ৰয়োজনীয় অক্সিজেন চিলিণ্ডাৰ আৰু আই চি ইউ বেডৰ ব্যৱস্থা মজুত ৰখাৰ বাবেও নিৰ্দেশ দিয়ে।ক’ভিড ৰোগীৰ বাবে হাস্পতাল সমূহত যাতে বিচনাৰ অভাৱ নহয় সেই সম্পৰ্কে যথোচিত পদক্ষেপ লোৱাৰ বাবেও মুখ্যমন্ত্ৰীয়ে নিৰ্দেশ দিয়ে।আনহাতে ক’ভিড পৰীক্ষা ব্যাপক হাৰত কৰাৰ ওপৰতো মুখ্যমন্ত্ৰী য়ে গুৰুত্ব আৰোপ কৰে।বিহু অনুষ্ঠান সমূহত যাতে ক’ভিড প্ৰট’কল মানি চলা হয় তাৰ বাবেও বিশেষ লক্ষ্য ৰাখিবলৈ কয়।
আজিৰ এই পৰ্যালোচনা বৈঠকত লখিমপুৰ জিলাৰ উপায়ুক্ত খৰ্গেশ্বৰ পেগু আৰু ধেমাজি জিলাৰ উপায়ুক্ত ডাঃ জীৱন বি,দুয়ো খন জিলাৰ স্বাস্থ্য বিভাগৰ যুটীয়া সঞ্চালককে ধৰি স্বাস্থ্য বিভাগ তথা প্ৰশাসনৰ উচ্চপদস্ত বিষয়া সকল উপস্থিত থাকে।
ভিউৱাছৰ মতামত