শিৱসাগৰ পৌৰসভাৰ অন্তৰ্গত শান্তিধাম আশ্ৰমত ডে-নূলাম আৰু স্বচ্ছ ভাৰত অভিযানৰ অধীনত আজি এক কেঁচুসাৰ প্ৰকল্প উদ্বোধন কৰে শিৱসাগৰ জিলাৰ উপায়ুক্ত ডাঃ এম.এছ. লক্ষ্মীপ্ৰিয়াই। উল্লেখযোগ্য যে এই কেচুঁসাৰ প্ৰকল্পটো মূলাগাভৰু এএলএফ নামৰ এটা মহিলা গোটে আৰম্ভ কৰিছে ৷ ১০ গৰাকী মহিলাৰ দ্বাৰা গঠিত এই গোটটোৱে সৃষ্টি স্বচ্ছতা সমিতিৰ নামত কেঁচুসাৰ উৎপাদনৰ বাবে নগৰখনৰ ১০ নং ৱাৰ্ডৰ কৰদাতাৰ ঘৰে ঘৰে গৈ আৱৰ্জনা সংগ্ৰহ কৰি সেই সমূহ বিজ্ঞান সন্মত পদ্ধতিৰে পৃথক কৰি জৈৱিক জাৱৰ সমূহ কেঁচুসাৰ উৎপাদনৰ কেঁচামাল ৰূপে ব্যৱহাৰ কৰিছে। উৎপাদিত কেঁচুসাৰ কৃষি ভিত্তিক উদ্যোগত যোগান ধৰি তেওঁলোক স্বাৱলম্বী হোৱাৰ পথ মুকলি হ’ব বুলি উদ্যোক্তা মহিলা সকলে আশা কৰিছে। মহিলা সকলৰ এনে প্ৰয়াসক উপায়ুক্ত গৰাকীয়ে ভূয়সী প্ৰশংসা কৰে আৰু কয় যে মহিলা সকলৰ এই প্ৰয়াসে নগৰখন স্বচ্ছ কৰি ৰখাৰ লগতে তেখেতসকলৰ স্ব-নিয়োজন আৰু উপাৰ্জনৰ বাবেও সহায়ক হ’ব ৷ আজিৰ এই উদ্বোধনী অনুষ্ঠানত শিৱসাগৰ পৌৰসভাৰ সভানেত্ৰী মৃদুস্মিতা সিনহা, পৌৰসভাৰ কাৰ্যববাহী বিষয়া ঋতুৰাজ বৰদলৈ, সহকাৰী আয়ুক্তদ্বয় ক্ৰমে গৌৰীপ্ৰিয়া দেউৰী আৰু মানালি ৰজক, ৱাৰ্ড কমিচনাৰ প্ৰণৱ বৰুৱা, কৃষি বিশষজ্ঞ ৰাজেন গগৈ, মূলাগাভৰু এ এল এফ গোটৰ সদস্যা সকল আৰু শান্তিধাম আশ্ৰম কমিটিৰ সদস্য সকল উপস্থিত থাকে ৷খবৰ যুগুতালে শিৱসাগৰৰ পৰা দিল্লিস্তান খানে..
ভেকচিন প্ৰদানৰ ক্ষেত্ৰত জনসচেতনতা সৃষ্টিৰ ওপৰত মুখ্যমন্ত্ৰীৰ গুৰুত্ব আৰোপ
মুখ্যমন্ত্ৰী সৰ্বানন্দ সোণোৱালে আজি লখিমপুৰ জিলাৰ নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত অনুষ্ঠিত এক বৈঠকত লখিমপুৰ আৰু ধেমাজি সাম্প্ৰতিক ক’ভিড পৰিস্থিতি বিষয়ে সবিশেষ পৰ্যালোচনা কৰে।পৰ্যালোচনা কালত মুখ্যমন্ত্ৰীয়ে জিলা উপযুক্ত তথা স্বাস্থ্য বিভাগৰ যুটীয়া সঞ্চালকৰ সৈতে মত-বিনিময় কৰি সাম্প্ৰতিক ক’ভিড সংক্ৰমণৰ সবিশেষ বুজ লয়।বৈঠকত দুয়োখন জিলাৰ উপযুক্ত সৈতে মত-বিনিময় কৰি সাম্প্ৰতিক ক’ভিড সংক্ৰমণ প্ৰতিৰোধ কৰাৰ দিশত গ্ৰহণ কৰা ব্যৱস্থা ৰাজিৰ লগতে ভেকচিন প্ৰদান, সংক্ৰমণৰ হাৰ,হাস্পতাল থকা সা-সুবিধা সমূহ বিষয়ে মুখ্যমন্ত্ৰীক সবিশেষ অৱগত কৰে।আনহাতে, দুয়োগৰাকী স্বাস্থ্য বিভাগৰ যুটীয়া সঞ্চালকে চিকিৎসা বিভাগে গ্ৰহণ কৰা পদক্ষেপ সমূহ বিষয়ে মুখ্যমন্ত্ৰীক অৱগত কৰে।
বৈঠকত মুখ্যমন্ত্ৰীয়ে জিলা দুখনত ভেকচিন প্ৰদানৰ ক্ষেত্ৰত জন সচেতন সৃষ্টিৰ বাবে প্ৰশাসনক নিৰ্দেশ দিয়ে।ৰাজহুৱা স্থানত জনসাধাৰণ যাতে মাস্ক পৰিধান কৰা লগতে সামাজিক দূৰত্ব বৰ্তাই ৰাখে সেই দিশটো নজৰ ৰাখিবলৈ মুখ্যমন্ত্ৰীয়ে কয়।মুখ্যমন্ত্ৰীয়ে লগতে ক’ভিড পজিটিভ ৰোগীৰ ক্ষেত্ৰত মাইক্ৰ কণ্টেইমেণ্ট এলেকাৰ ব্যৱস্থা কৰিবলৈ নিৰ্দেশ দিয়ে।লগতে প্ৰয়োজনীয় অক্সিজেন চিলিণ্ডাৰ আৰু আই চি ইউ বেডৰ ব্যৱস্থা মজুত ৰখাৰ বাবেও নিৰ্দেশ দিয়ে।ক’ভিড ৰোগীৰ বাবে হাস্পতাল সমূহত যাতে বিচনাৰ অভাৱ নহয় সেই সম্পৰ্কে যথোচিত পদক্ষেপ লোৱাৰ বাবেও মুখ্যমন্ত্ৰীয়ে নিৰ্দেশ দিয়ে।আনহাতে ক’ভিড পৰীক্ষা ব্যাপক হাৰত কৰাৰ ওপৰতো মুখ্যমন্ত্ৰী য়ে গুৰুত্ব আৰোপ কৰে।বিহু অনুষ্ঠান সমূহত যাতে ক’ভিড প্ৰট’কল মানি চলা হয় তাৰ বাবেও বিশেষ লক্ষ্য ৰাখিবলৈ কয়।
আজিৰ এই পৰ্যালোচনা বৈঠকত লখিমপুৰ জিলাৰ উপায়ুক্ত খৰ্গেশ্বৰ পেগু আৰু ধেমাজি জিলাৰ উপায়ুক্ত ডাঃ জীৱন বি,দুয়ো খন জিলাৰ স্বাস্থ্য বিভাগৰ যুটীয়া সঞ্চালককে ধৰি স্বাস্থ্য বিভাগ তথা প্ৰশাসনৰ উচ্চপদস্ত বিষয়া সকল উপস্থিত থাকে।
ভিউৱাছৰ মতামত