খেলো ইণ্ডিয়াৰ সম্পৰ্কত ভোগেশ্বৰ বৰুৱাই কি ক’লে

১৯৬৬ চনত বেংককত অনুষ্ঠিত এছিয়ান গেমছত সোণৰ পদক লাভ কৰা প্ৰথমজন অসমীয়া খেলুৱৈ।ভাৰতীয় সেনাৰ জোৱান হিচাপে ৮০০ মিটাৰ দৌৰত ভাগ লৈ সোণৰ পদক লাভ কৰা অৰ্জুন ভোগেশ্বৰ বৰুৱা কেনে আছে?৭৯ বৰ্ষীয় এইজন ক্ৰীড়াবিদ বৰ্তমান আছে শিৱসাগৰৰ নিজ বাসগৃহত।আঠুৰ সমস্যাজনিত ৰোগৰ বাবে চিকিৎসা গ্ৰহণ কৰি আছে প্ৰাক্তন খেলুৱৈগৰাকীয়ে।এন ই ফ’কাচৰ সৈতে হোৱা এক সাক্ষাৎকাৰত খেলো ইণ্ডিয়া সম্পর্কে অৰ্জুন ভোগেশ্বৰ বৰুৱাই কয় খেলো ইণ্ডিয়াক লৈ মোৰ খুবেই আনন্দ লাগিছে। প্ৰথমবাৰলৈ অসমত অনুষ্ঠিত হ’বলগীয়া খেলো ইণ্ডিয়াত অসমৰ ল’ৰা-ছোৱালীয়ে খেলিবলৈ পাব,ইয়াতকৈ আৰু সুখবৰ কি হ’ব পাৰে!আমি আন্দোলন কৰিছিলো খেলক লৈ, প্ৰাক্তন খেলুৱৈসকলকো অনুৰোধ কৰিছিলো,মই খেল নেখেলাতো পক্ষপাতী নহও!খেলো ইণ্ডিয়াত ভাগ ল’বলগীয়া প্ৰতিজন খেলুৱৈক মোৰ শুভেচ্ছা যাঁচিলো।খেলুৱৈসকলকে নিজৰ প্ৰদৰ্শনেৰে অসমৰ নাম উজলাবলৈ সক্ষম হ’ব।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

পূজাৰ প্ৰাকক্ষণত দুৰ্গাদেৱীক দেখা গৈছে চিকিৎসকৰ ৰূপত,কিন্তু ক’ত

সমাগত দুৰ্গা পূজা। এইবাৰ দূৰ্গাপূজা উলহে মালহে উদযাপন কৰিবলৈ নোৱাৰিলেও বিভিন্ন জনে বিভিন্ন ধৰণৰ থিমলৈ প্ৰতিমূৰ্তি নিৰ্মাণ কৰিছে। এই খবৰ এন ই ফ’কাচ ডট কমৰ জৰিয়তে ইতিমধ্যে প্ৰকাশ পাইছে।

 

 

পূজাৰ প্ৰাকক্ষণত চ’চিয়েল মেডিয়াত ভাইৰেল হৈ পৰিছে দুৰ্গা দেৱী অন্য এক ৰূপত । চ’চিয়েল মেডিয়াত ভাইৰেল হোৱা ফটোত দুৰ্গা দেৱীক দেখা গৈছে চিকিৎসকৰ ৰূপত, মহিসাসুৰক দেখা গৈছে ক’ৰণা ভাইৰাছৰ ৰূপত । গণেশক দেখা গৈছে পুলিচৰ ৰূপত।সমসাময়িক প্ৰতিছবি প্ৰতিফলিত কৰা এই মূৰ্তিৰ ছবিসমূহ প্ৰকৃততে ক’ত নিৰ্মাণ কৰা হৈছে তাক সঠিককৈ এতিয়ালৈ জানিব পৰা হোৱা নাই।

নাৰ্ছাৰী প্ৰতিষ্ঠা কৰিছে এজন অৱসৰপ্ৰাপ্ত শিক্ষকে

এজন অৱসৰপ্ৰাপ্ত শিক্ষকে নিজা প্রচেষ্টাৰে সাজি উলিয়াইছে এখন নাৰ্ছাৰী।নাৰ্ছাৰীখনৰ নাম বন্দনা। আজি এই বন্দনা নামৰ নাৰ্ছাৰীখন আনুষ্ঠানিকভাৱে মুকলি হয়।

 

 

নাৰ্ছাৰীখন আনুষ্ঠানিকভাৱে মুকলি কৰে অৱসৰপ্ৰাপ্ত শিক্ষক হেমেন শইকীয়াই।নাৰ্ছাৰীখন উদ্বোধন কৰি শিক্ষক হেমেন শইকীয়াই হিৰোজ শইকীয়াৰ প্ৰচেষ্টাক শলাগ লয়।উল্লেখযোগ্য যে নাৰ্ছাৰীখনৰ ১৫০ ৰো অধিক বিভিন্ন প্ৰজাতি ফুল আছে।আজি অনুষ্ঠিত অনুষ্ঠানত হিৰোজ শইকীয়াৰ পৰিয়ালবৰ্গ, বিভিন্ন আমন্ত্ৰিত ব্যক্তিৰ লগতে বালিপাৰাৰ বিভিন্ন ৰাইজ ,শুভাকাংক্ষী উপস্থিত থাকে।

খবৰ যুগুতালে বালিপাৰাৰ পৰা প্ৰাঞ্জল বৰাই..

ভাষা, কৃষ্টি, সংস্কৃতিৰ বিপৰীত মেৰুত অৱস্থান কৰা সকলৰ বাবে সৰৱ মুমিনুল আৱাল

আগন্তুক বিধানসভা নিৰ্বাচনৰ বাবে কংগ্ৰেছ দলে অসমীয়া জাতিৰ বাবে অশনি সংকেত কঢ়িয়াই মোগলজোঁট গঠন কৰা বুলি মন্তব্য কৰিছে বিজেপি নেতা তথা অসম সংখ্যালঘু ব’ৰ্ডৰ অধ্যক্ষ ছৈয়দ মুমিনুল আৱালে। আজি গুৱাহাটীত সাংবাদিকৰে মত বিনিময় কৰি আৱালে কয় যে নিৰ্বাচনী বৈতৰণী পাৰ হোৱাৰ বাবে কংগ্ৰেছ দলে যি মহাজোঁট গঠন কৰাৰ কথা কৈছে সেয়া প্ৰকৃততে মোগলজোঁটহে।

 

 

কিয়নো কংগ্ৰেছে যিবোৰ দলক লৈ মিত্ৰজোঁট গঠন কৰিছে সেইবোৰ অসমৰ জাতীয় ঐতিহ্য¸ কৃষ্টি-সংস্কৃতি¸ পৰম্পৰা তথা জাতীয় সত্ত্বাৰ বিপৰীতে অৱস্থান কৰা শক্তি। আৱালে কয় যে কংগ্ৰেছ মহাজোঁটৰ অংশীদাৰ এআইইউডিএফ বাংলাদেশী মুছলমানৰ তৃতীয় সংস্কৰণ। বাংলাদেশী মুছলমানৰ প্ৰথম সংস্কৰণ আছিল আমছু। আনহাতে ১৯৮৫ চনত ৰাজনৈতিকভাৱে দ্বিতীয় সংস্কৰণটোৰ আবিৰ্ভাৱ হৈছিল ইউএমএফ’ৰ ৰূপত। আকৌ কুখ্যাত আইএমডিটি আইন বাতিলৰ পাছত এআইইউডিএফ’ৰ ৰূপত জন্ম হৈছিল তৃতীয়টো সংস্কৰণৰ। এতিয়া এই বাংলাদেশীৰ শক্তিক লৈয়েই কংগ্ৰেছে মিত্ৰজোঁট গঠন কৰিছে। আৱালে কয় যে কংগ্ৰেছৰ মহাজোঁটৰ অংশীদাৰ বাওঁ দলসমূহেও সদায় অসমৰ জাতীয় স্বাৰ্থৰ বিপৰীতে অৱস্থান কৰি আছে। অসমৰ জাতীয় অস্তিত্ব ৰক্ষাৰ প্ৰসংগত বাওঁ দলসমূহৰ স্থিতি¸ ভূমিকা আৰু আচৰণ কি আছিল সেয়া ৰাইজে জানে। বাওঁ দলসমূহে অসম আন্দোলনৰ বিৰোধিতা কৰিছিল। এই ৰাজনৈতিক শক্তিয়ে কেতিয়াও অসমীয়াৰ স্বাৰ্থৰ কাৰণে কাম কৰা নাছিল। যাৰ বাবে কংগ্ৰেছ দলে এআইইউডিএফ আৰু বাওঁ দলসমূহক লৈ গঠন কৰা মহাজোঁট নিশ্চিতভাৱে মোগল-জোঁটলৈ পৰিণত হৈছে। এই মহাজোঁট অসমৰ খিলঞ্জীয়া জনসাধাৰণৰ বাবে অশুভ ইংগিত। বিজেপি নেতাগৰাকীয়ে কয় যে অসমত পোন প্ৰথমে কংগ্ৰেছেই আমছু আৰু ইউএমএফ’ৰ জৰিয়তে ৰাজনৈতিকভাৱে ধৰ্মীয় মেৰুকৰণ আৰম্ভ কৰিছে। আমছু¸ ইউএমএফ আৰু এআইইউডিএফ’ৰ জৰিয়তে কংগ্ৰেছে পূৰ্বৰেপৰা অসমীয়া সমাজখনক ভাগ ভাগ কৰিবলৈ ধৰ্মৰ আশ্ৰয় লৈ আহিছে। এই শক্তিসমূহক লৈ কংগ্ৰেছে ৰাজ্যখনত ধৰ্মীয় মেৰুকৰণ কৰি আছে। আৱালে কয় যে ২০২১ চনৰ বিধানসভা নিৰ্বাচনত বিজেপিয়ে অসমৰ খিলঞ্জীয়া জাতি-জনগোষ্ঠী¸ বিভিন্ন ভাষা-ভাষী¸ ধৰ্মাৱলম্বী লোকৰ স্বাৰ্থত তেওঁলোকক লগত লৈ কংগ্ৰেছৰ মহাজোঁটৰূপী মোগল-জোঁটৰ বিৰুদ্ধে ৰণত অৱত্তীৰ্ণ হ’ব আৰু ইয়াত নিশ্চিতভাৱে কংগ্ৰেছ পৰাজিত হ’ব। ইয়াৰ পূৰ্বে মোগলে ১৭ বাৰ অসম আক্ৰমণ কৰিছিল আৰু ৰাজ্যখনৰ বিভিন্ন জাতি-জনগোষ্ঠী¸ ধৰ্মাৱলম্বী লোকে প্ৰতিবাৰেই মোগলক পৰাস্ত কৰিছিল। ২০২১ চনত মোগলৰ চিন্তা-চৰ্চাৰে গঠন কৰা মহাজোঁট ১৮ বাৰৰ বাবে পৰাজিত কৰিব। জনসাধাৰণে কংগ্ৰেছৰ জাতিধ্বংসী চিন্তাক প্ৰতিহত কৰিব।

 

আৱালে পুনৰ কয় যে বিজেপিক সাম্প্ৰদায়িক দল বুলি সততে অভিযোগ কৰা হয় যদিও কংগ্ৰেছৰ শাসনকালতহে অসমত ইছলামধৰ্মীয় লোকৰ ওপৰত অত্যাচাৰ কৰা হৈছিল। কংগ্ৰেছ আমোলত ইছলামধৰ্মী লোকক হত্যা কৰা হৈছিল। নিৰ্যাতন চলোনা হৈছিল। এতিয়া বিজেপি নেতৃত্বাধীন চৰকাৰৰ সময়ত তেনে পৰিবেশ নাই। কংগ্ৰেছৰ উদ্যোগতহে অসমত প্ৰথম সাম্প্ৰদায়িক চিন্তাৰ উন্মেষ ঘটিছিল। মুখ্যমন্ত্ৰী সৰ্বানন্দ সোণোৱালে ধৰ্মীয় চিন্তাৰ ঊৰ্ধত থাকি অসমত মোগলৰ আক্ৰমণ চলি থকাৰ কথা কোৱা বুলি দোহাৰি আৱালে কয় যে অসমৰ ভাষা¸ কৃষ্টি-সংস্কৃতি¸ ঐতিহ্য-পৰম্পৰাৰ বিপৰীত মেৰুত অৱস্থান গ্ৰহণ কৰাসকলহে মোগল আৰু মুখ্যমন্ত্ৰীয়ে তেওঁলোকৰ বিৰুদ্ধে ঐক্যৱদ্ধ হ’বলৈ সকলোকে আহ্বান জনাইছে।

অৱশেষত ন্যায় পালে চিকিৎসক দত্তৰ পৰিয়ালে

২০১৯ চনৰ ৩১ আগষ্ট কথা।টীয়ক চাহ বাগিচাত সংঘটিত হৈছিল এক অমানৱীয় হত্যাকাণ্ড।টীয়ক চাহ বাগিচা একাংশ শ্ৰমিকে চিকিৎসক দেবেন দত্তক মৰিয়াই মৰিয়াই হত্যা কৰিছিল।প্ৰয়াত চিকিৎসক গৰাকী ন্যায়ৰ বাবে সকলোৱে দাবী জনাইছিল।

 

 

অৱশেষত ন্যায় লাভ কৰিলে দত্তৰ পৰিয়ালটোৱে।প্ৰায় ১৪মাহ পিছত ঐতিহাসিক ৰায় দান হ’ল।আজি যোৰহাট সত্ৰ ন্যায়লয়ে ঘটনাৰ লগত জড়িত ২৪ জন অপৰাধীক যাৱত জীৱন কাৰাদণ্ড বিহাৰ লগতে সঞ্জয় ৰাজোৱাৰ নামৰ এজনক ফাঁচীৰ ৰায় প্ৰদান কৰিছে।এই শুনানি গ্ৰহণ কৰি আবেগিক হৈ পৰিল প্ৰয়াত চিকিৎসক গৰাকীৰ পত্নী আৰু জীয়াৰী।

 

 

আনহাতে এই ৰায় শুনানিৰ সম্পৰ্কে জ্ঞাত হৈ প্ৰতিক্ৰিয়া প্ৰকাশ কৰি  মানৱ অধিকাৰকৰ্মী ডক্টৰ দিব্যজ্যোতি শইকীয়াই কয় যে এনেধৰণৰ হত্যা,হিংসা ৰোধ কৰিবৰ বাবে ৰাষ্ট্ৰীয় অথবা ৰাজ্যিক পৰ্য্যায়ত এখন কঠোৰ আইন শীঘ্ৰে বলৱৎ হোৱা উচিত।এই গোচৰক ক্ষীপ্ৰতাৰে আগবঢাই নিয়া যোৰহাটৰ আৰক্ষী অধীক্ষক আই পি এচ বৈভৱ চি নিম্বালকৰক প্ৰশংসা কৰে।লগতে মুখ্যমন্ত্ৰী সৰ্বানন্দ সোনোৱালে মোকৰ্দমাৰ বাবে ক্ষিপ্ৰতাৰে ব্যৱস্থা গ্ৰহণ কৰাৰ বাবে তেখেতে ধন্যবাদ জ্ঞাপন কৰে।