গ্ৰাহকক গুণগত মানদণ্ডৰ খাদ্য যোগানৰ ক্ষেত্রত আগবঢ়োৱা সেৱাৰ বাবে গুৱাহাটীৰ পিজ্জা ৰেষ্টুৰেণ্টলৈ আগবঢ়োৱা হৈছে ৰাষ্ট্ৰীয় পৰ্যায়ৰ “EAST at the Indian Restaurant Award 2021 ” শীর্ষক বঁটা । নতুন দিল্লীৰ পুলমান এৰোচিটিত ১৭ ডিচেম্বৰত আয়োজিত দশম বাৰ্ষিক ইণ্ডিয়ান ৰেষ্টুৰেণ্ট কংগ্ৰেছৰ সভাত এই বঁটা প্ৰদান কৰা হয় । বঁটা গ্ৰহণ কৰে পিজ্জা ৰেষ্টুৰেণ্টৰ স্বত্বাধিকাৰী বিনয় চামাৰীয়াই । আনহাতে বঁটা প্ৰদান অনুষ্ঠানত বাৰ্গাৰ কিঙৰ মুখ্য কাৰ্যবাহী বিষয়া ৰাজীৱ বৰ্মন , ফ্ৰেঞ্চাইছি ইণ্ডিয়াৰ সম্পাদক ৰীতু মাৰীয়াকে ধৰি কেবাজনো বিশিষ্ট লোক উপস্থিত থাকে । বঁটা গ্ৰহণ কৰি বিনয় চামাৰীয়াই কয় এই সন্মানৰ বাবে আমাৰ গ্ৰাহক , কৰ্মচাৰী সকলোৰে সততা , নিষ্ঠা আদিৰ সমূহীয়া প্ৰচেষ্টাৰ ফল । উল্লেখযোগ্য যে ২০২০ বর্ষত পিজ্জা ৰেষ্টুৰেণ্টলৈ গুৱাহাটী ফুড এৱাৰ্ড আৰু ২০১৯ বর্ষত ইটালিয়ান ৰেষ্টুৰেণ্ট এৱাৰ্ড লাভ কৰিছিল । কিছুদিন পূৰ্বে তেওঁলোকে ডাৰ্ক কিটছেন মুকলি কৰিছে । যত পৰম্পৰাগত ভাৰতীয় খাদ্য সম্ভাৰৰ উপৰিও ৰাজস্থানী খাদ্যয়ো উপলব্ধ হৈছে ।
গুৱাহাটী বিশ্ববিদ্যালয় এন এছ এছ কোষৰ ৰাষ্ট্ৰীয় কন্যা শিশু দিবস উদযাপন
আজাদী কা অমৃত মহোৎসবৰ অংশ হিচাপে গুৱাহাটী বিশ্ববিদ্যালয়ৰ ৰাষ্ট্ৰীয় সেৱা আঁচনি কোষে ২৪ জানুৱাৰীত এক বেবিনাৰৰ মাধ্যমত ৰাষ্ট্ৰীয় কন্যা শিশু দিবস উদযাপন কৰে। মুখ্য অতিথি হিচাপে উপস্থিত থাকি বিশ্ববিদ্যালয়খনৰ উপাচাৰ্য প্ৰফেছৰ প্রতাপ জ্যোতি সন্দিকৈয়ে ৰাষ্ট্ৰীয় কন্যা শিশু দিবস উদযাপনৰ গুৰুত্ব সম্পৰ্কে বিস্তৃত আলোচনা কৰি কয় যে কন্যা শিশুৰ প্রতি শ্রদ্ধা প্রথমে ঘৰৰ পৰাই আৰম্ভ কৰা উচিত আৰু এনএছ এছ স্বেচ্ছাসেবকে মানুহৰ মাজলৈ এই বাৰ্তা প্ৰেৰণ কৰিবলৈ আহ্বান জনায় । উত্তৰ পূব এন এছ এছৰ আঞ্চলিক সঞ্চালক দীপক কুমাৰে কাৰ্য্যসূচী বিষয়া আৰু স্বেচ্ছাসেবক সকলক কন্যা শিশুৰ উন্নতি আৰু নিৰাপত্তাৰ বাবে উদ্যোগ লবলৈ আহ্বান জনায় । তেওঁ চৰকাৰী বিভিন্ন আঁচনি , গার্ল চাইল্ড আঁচনিসমূহ এন এছ এছ কাৰ্য্যসূচী বিষয়া আৰু স্বেচ্ছাসেবকসকলে আগুৱাই নিয়াত অৰিহণা যোগাব লাগিব বুলি উল্লেখ কৰে। অতিথি অৰু অংশগ্রহণকাৰীক আদৰণি জনায় বিশ্ববিদ্যালয়ৰ ছাত্ৰকল্যাণ সঞ্চালক তথা এন এছ এছৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিয়ে । তেওঁ কয় যে : কন্যা শিশুৰ অধিকাৰ ,শিক্ষাৰ গুৰুত্ব, স্বাস্থ্য আৰু লিংগ বৈষম্য আৰু শাৰীৰিক নিৰ্যাতনৰ দৰে সমস্যা সম্পৰ্কে সচেতনতাৰ বাবে ৰাষ্ট্ৰীয় কন্যা শিশু দিবস পালন কৰা হয় । স্বাধীনতাৰ ৭৫ বছৰ উদযাপনৰ বাবে ২০ বছৰৰ কম বয়সী ৭৫ জনী কন্যা শিশুক গুৱাহাটী বিশ্ববিদ্যালয় এন এছ এছ কোষৰ অধীনৰ বিভিন্ন কলেজ এন এছ এছ গোটৰ দ্বাৰা সমাজত অসামান্য অৱদানৰ বাবে স্মাৰক,গামোচা আৰু মানপত্ৰৰে সম্বৰ্ধনা জনায় । কলেজৰ অধ্যক্ষ, এনএছএছ প্রোগ্রাম অফিছাৰ আৰুস্বেচ্ছাসেবক সমন্বিতে প্রায় ৩০০ জন অংশগ্রহণকাৰী এই বেবিনাৰত অংশগ্ৰহণ কৰে।
ভিউৱাছৰ মতামত