ছেপ্তেম্বৰ মাহৰ পহিলা দেওবাৰৰ পৰা দেশজুৰি বলবৎ হোৱা নতুন যান-বাহন আইন (সংশোধন)২০১৯ খন সন্দৰ্ভত চালক, পথ ব্যৱহাৰকাৰী, ছাত্ৰ-ছাত্ৰী আৰু যান-বাহন গৰাকী, পৰিবহন সন্থা সমূহৰ মাজত সজাগতা সৃষ্টিৰ বাবে ৰাজ্যৰ পৰিবহন মন্ত্ৰী চন্দ্ৰমোহন পাটোৱাৰী আৰু পৰিবহন আয়ুক্ত বীৰেন্দ্ৰ মিট্টালে ৰাজ্যৰ জিলা পৰিবহন বিষয়াসকলক নিৰ্দেশ দিয়ে। এই নিৰ্দেশৰ পৰিপেক্ষিতত কামৰূপ জিলাৰ জিলা পৰিবহন বিভাগৰ কাৰ্যালয়ৰ উদ্যোগত দক্ষিণ কামৰূপৰ মিৰ্জাৰ মামণি ৰয়চম চ’কৰ যোৱা ২ ছেপ্তেম্বৰত এখন পথ সজাগতা সভা অনুষ্ঠিত হয়। সভাত মিৰ্জাস্থিত দক্ষিণ কামৰূপ মহাবিদ্যালয়ৰ ছাত্ৰ ছাত্ৰীৰ উপৰিও বাছ মালিক সন্থা, শ্ৰমিক সন্থা, সাংবাদিক সকলৰ উপৰিও দক্ষিণ কামৰূপ ছাত্ৰ সন্থাৰ সদস্য সকল উপস্থিত থাকে। আনহাতে সভাত অংশ গ্ৰহণ কৰি কামৰূপ জিলাৰ জিলা পৰিবহন বিষয়া গৌতম দাসে নতুন যান-বাহন আইন খনৰ লক্ষ্য,উদ্দেশ্য বাখ্যা দাঙি ধৰি আইন ভংগ কৰিলে কেনেধৰণৰ শাস্তি হ’ব সেই বিষয়ত চমুকৈ ব্যক্ত কৰে। সভাত যান বাহন পৰিদৰ্শক নইমুদ্দিন আহমেদ, জয় সি ৰংফাৰ, প্ৰৱৰ্তক পৰিদৰ্শক বিক্ৰমাদিত্য গগৈ, ৰমাকান্ত পাচি আৰু এম প্ৰকাশ উপাধ্যয়কে ধৰি কেইবাগৰাকী সহ: প্ৰৱৰ্তক পৰিদৰ্শক চেকাৰ উপস্থিত থাকে। সভাত দক্ষিণ কামৰূপ মহাবিদ্যালয়ৰ ছাত্ৰ-ছাত্ৰীসকলে পথ সুৰক্ষা বিষয়ক লৈ এখন বাটৰনাট প্ৰদৰ্শন কৰা হয়। ইয়াৰ উপৰিও যান-বাহন চালক গৰাকীসকলকৰ মাজত নতুন আইন বিষয়ক গোহাৰী পত্ৰ বিতৰণ কৰা হয়। আনহাতে বিয়লী ছয়গাঁৱতো অনুৰূপ এখন পথ সভা অনুষ্ঠিত হয়।
বিশিষ্ট সাহিত্যিক, পদ্মশ্ৰী ডঃ কামেশ্বৰ ব্ৰহ্মক গুৰুদেৱ কালিচৰণ ব্ৰহ্ম বঁটা প্ৰদান বি টি চিৰ মুৰব্বী প্ৰমোদ বড়োৰ
গুৰুদেৱ কালিচৰণ ব্ৰহ্ম কেৱল এজন ধৰ্ম প্ৰচাৰকে নাছিল । তেওঁ আছিল এজন প্ৰকৃত সমাজ সংস্কাৰক । ১০০ বছৰৰো অধিক পূৰ্বেই তেওঁ বড়ো – অবড়োকে ধৰি সকলো জাতি – জনগোষ্ঠীৰ ৰাইজ যাতে মিলিজুলি বসবাস কৰি এখন শক্তিশালী সমাজ গঢ়ি তোলে তাৰ ওপৰত গুৰুত্ব আৰোপ কৰিছিল । গতিকে আজিৰ উঠি অহা যুৱ প্ৰজন্মই গুৰুদেৱৰ আদৰ্শৰে অনুপ্ৰাণিত হয় তাৰ বাবে যুৱ প্ৰজন্মক আহ্বান জনাইছো । এই মন্তব্য বি টি চি ৰ মুখ্য কাৰ্যবাহী সদস্য প্ৰমোদ বড়োৰ । আজি গুৱাহাটী বিশ্ববিদ্যালয়ৰ ফণীধৰ দত্ত সভাগৃহত গুৰুদেৱ কলিচৰণ ব্ৰহ্ম ট্ৰাষ্টৰ ( জি কে বি টি ) উদ্যোগত আৰু নিখিল বড়ো ছাত্ৰ সন্থাৰ ( আবছু ) গুৱাহাটী বিশ্ববিদ্যালয় শাখাৰ সহযোগত গুৰুদেৱ কালিচৰণ ব্ৰহ্মৰ ১৬২ সংখ্যক জন্মদিনৰ লগত সংগতি ৰাখি বিশিষ্ট সাহিত্যিক, বড়ো সাহিত্য সভাৰ প্ৰাক্তন সভাপতি , পদ্মশ্ৰী ডঃ কামেশ্বৰ ব্ৰহ্মক গুৰুদেৱ কালিচৰণ ব্ৰহ্ম বঁটা প্ৰদান কৰি এই মন্তব্য কৰে বি টি চি ৰ মুৰব্বী প্ৰমোদ বড়োৱে । অনুষ্ঠানটোত প্ৰমোদ বড়োৱে কয় গুৰুদেৱৰ সমাজৰ প্ৰতি আগবঢ়োৱা অৱদানৰ প্ৰতি লক্ষ্য ৰাখি এই বছৰৰ পৰা তেওঁৰ ১৮ এপ্ৰিলৰ জন্মদিনটোত বি টি চি এলেকাত চৰকাৰীভাবে সীমিত বন্ধৰ দিন হিচাপে ঘোষণা কৰা হৈছে । অহা বছৰৰ পৰা তেওঁৰ জন্মদিনৰ কাৰ্যসূচী বি টি চি ত চৰকাৰীভাবে পালন কৰা হব বুলি প্ৰমোদ বড়োৱে ব্যক্ত কৰে । আনহাতে বন্তি প্ৰজ্বলনৰে শুভাৰম্ভ হোৱা অনুষ্ঠানত উপস্থিত সকলোকে আদৰণি জনায় জি কে বি টি ৰ সম্পাদক ডঃ অজিত বড়োৱে আৰু পৌৰাহিত্য কৰে সভাপতি ৰাখেশ্বৰ ব্ৰহ্মই । অনুষ্ঠানত এছ বি ডি এছ ৰ উপদেষ্টা নিৰঞ্জন ব্ৰহ্ম , সভাপতি বিদ্যাশ্ৰী ব্ৰহ্ম , উপ সভাপতি খাউডাম বসুমতাৰী , আবছুৰ সভাপতি জলেশ্বৰ ব্ৰহ্ম ,প্ৰাক্তন সচিব প্ৰধান লাৱাৰেন্স ইছলাৰী , গুৱাহাটী বিশ্ববিদ্যালয় গোটৰ সভাপতি মিনিশ্বাৰাং ব্ৰহ্ম , সাহিত্য অকাডেমিৰ বড়ো উপদেষ্টা পৰিষদৰ আহ্বায়ক ডঃ অনিল বড়ো , বড়ো সাহিত্য সভাৰ সভাপতি তৰেণ বড়োকে ধৰি বড়ো সমাজৰ ভালে কেইজন বিশিষ্ট লোক উপস্থিত থাকে । আনহাতে বঁটাপ্ৰাপক ডঃ কামেশ্বৰ ব্ৰহ্ম শাৰীৰিক অসুস্থততাৰ বাবে উপস্থিত থাকিব নোৱৰাত বঁটা গ্ৰহণ কৰে জি কে বি টি ৰ সহকাৰী সম্পাদক পিয়াৰী মোহন ব্ৰহ্মই । এই বঁটাত আছে ৫০ হাজাৰ টকাৰ চেক , এখন অংগবস্ত্ৰ , প্ৰশস্তি পত্ৰ আৰু এটা স্মাৰক । ইয়াৰ উপৰিও শিশু সাহিত্যৰ বাবে এইবেলি ” Gothosa Bisombi ” গ্ৰন্থৰ বাবে সাহিত্য অকাডেমি বঁটা লাভ কৰা বাবে ডঃ অজিত বড়োক অনুষ্ঠানত সম্বৰ্ধনা জনোৱা হয় । উল্লেখযোগ্য যে বিগত বৰ্ষত বিদ্যাসাগৰ নাৰ্জাৰীক গুৰুদেৱ কালিচৰণ ব্ৰহ্ম বঁটা প্ৰদান কৰা হৈছিল ।
ভিউৱাছৰ মতামত