আজি দীপৰ বিলৰ পামহীত মাৰোৱাৰী হস্পিতালৰ এক বিনামূলীয়া স্বাস্থ্য শিবিৰ অনুষ্ঠিত হয়।মাৰোৱাৰী হস্পিতালৰ প্ৰাক্তন চিকিৎসা অধীক্ষক ডাঃ মিলন বৰুৱাৰ নেতৃত্বত অনুষ্ঠিত হোৱা এই শিবিৰত জ্যেষ্ঠ চিকিৎসক সুশান্ত কুমাৰ সাহা আৰু শংকৰ বৰাই চিকিৎসা সেৱা আগবঢ়ায়।জানিব পৰা মতে মুঠ ১০৮ জন ৰোগীয়ে এই বিনামূলীয়া চিকিৎসা সেৱা গ্ৰহণ কৰে।ইয়াৰে বেছি সংখ্যক ৰোগী জ্বৰ,কাঁহ,মূৰৰ বিষ,গাৰ বিষ,পেটৰ বিষ আৰু ডায়েবেটিচ ইত্যাদি ৰোগত আক্ৰান্ত হৈছিল।এই চিকিৎসা শিবিৰত ৰোগীক বিনামূলীয়া ঔষধ,ডায়েবেটিচ পৰীক্ষণ,ৰক্ত চাপ পৰীক্ষণ,ওজন জোখাৰ লগতে বিনামূলীয়াকৈ ডাক্তৰৰ পৰামৰ্শ প্ৰদান কৰা হয়।উল্লেখ্য যে এনে ধৰণৰ স্বাস্থ্য সেৱা কেন্দ্ৰৰ জৰিয়তে সমাজত স্বাস্থ্য সজাগতা আৰু স্বচ্ছতাৰ হকে সদায় এক ইতিবাচক প্ৰভাৱ পৰে।এই সুক্ষ্ম পদক্ষেপ সমাজৰ বাবে বৃহৎ সহায়ক হ’ব পাৰে।যাৰ দ্বাৰা লোকসকল অধিক সচেতন হোৱাৰ লগতে বেমাৰৰ বিষয়ে অৱগত হৈ আগতীয়াকৈ সাৱধানতা অৱলম্বন কৰিব পাৰে।
জন্মদিনত অনুৰাগীয়ে লিখিলে সুশান্ত তুমি য’তেই আছা, শান্তিত থাকা
admin January 21, 2021 9:23 PM
আজি জনপ্ৰিয় অভিনেতা সুশান্ত সিং ৰাজপুতৰ ৩৫ সংখ্যক জন্ম বাৰ্ষিকী।অভিনেতা গৰাকী জন্ম দিনৰ লগত সংগতি ৰাখি ছ’চিয়েল মেডিয়াত হাজাৰ হাজাৰ অনুৰাগীয়ে শুভেচ্ছা জ্ঞাপন কৰি পোষ্ট শ্বেয়াৰ কৰিছে।কোনোৱে ৰাজপুতৰ দৰ্শন, আৰ্দশক সুঁৱৰি অভিনেতা গৰাকী শুভেচ্ছা যাঁচিছে।কোনোৱে অভিনেতা গৰাকীৰ ন্যায়ৰ বাবে এই বিশেষ দিনটোত ঈশ্বৰক প্ৰাৰ্থনা জনাইছে।
ইতিমধ্যে ছ’চিয়েল মেডিয়া ফেচবুকত এটা টেণ্ড আৰম্ভ হৈছে। উল্লেখযোগ্য যে বিগত বৰ্ষৰ ১৪ জুনত অভিনেতা গৰাকীক মুম্বাইত নিজা ফ্লেটত মৃত অৱস্থাত পোৱা গৈছিল ।পৰৱৰ্তী সময়ত অভিনেতা গৰাকীৰ মৃত্যু তদন্ত কৰিবলৈ চি বি আই, এ চি বি আৰু ইউ ডি সক্ৰিয় হৈ পৰিছিল।জনপ্ৰিয় অভিনেতা গৰাকীৰ আজি এই বিশেষ দিনটোত এন ই ফ’কাচ ডট কমৰ পৰিয়ালে শ্ৰদ্ধাৰে স্মৰণ কৰিছোঁ।
ভিউৱাছৰ মতামত