উত্তৰ পূবৰ ভিতৰত প্ৰথমবাৰৰ বাবে গুৱাহাটী বৰঝাৰস্থিত লোকপ্ৰিয় গোপীনাথ বৰদলৈ আন্তর্জাতিক বিমান বন্দৰত সকলো ধৰণৰ বিমানৰ উৰণ অৱতৰণ কাৰ্য আৰু ৰাণৱেত বিমান ৰাখিবৰ বাবে স্বয়ংক্রিয় পদ্ধতি প্ৰৱৰ্তন কৰা হৈছে।২৭ জানুৱাৰীত ভাৰতীয় বিমান বন্দৰ প্ৰাধিকৰণৰ উত্তৰ পূব মণ্ডলৰ ক্ষেত্রীয় কাৰ্যবাহী সঞ্চালক সঞ্জীৱ জিন্দালে বিমান বন্দৰটোত এ চি ডি এম পদ্ধতি মুকলি কৰাৰ লগে লগে এই পদ্ধতি সুবিধা থকা গুৱাহাটী উত্তৰ পূবৰ ভিতৰত প্ৰথম আৰু দেশৰ ভিতৰত অষ্টমটো বিমান বন্দৰ হিচাপে পৰিগণিত হয়।অনুষ্ঠানটোত গুৱাহাটী বিমান বন্দৰৰ সঞ্চালক ৰমেশ কুমাৰকে ধৰি শীর্ষ বিষয়া অভিযন্তা সকল উপস্থিত থাকে।উল্লেখযোগ্য যে এই পৰ্যন্ত দিল্লী,মুম্বাই,চেন্নাই,জয়পুৰ,আহমেদাবাদ আৰু তিৰুৱন্তপুৰম বিমান বন্দৰত এই সুবিধা উপলব্ধ হৈছে।বায়ু যাতায়ত নিয়ন্ত্রক চমুকৈ এ চি চিৰ লগত সংযোজন কৰা এই পদ্ধতিত বিমান এখনৰ পাইলটৰ উপৰিও বিমান বন্দৰৰ ৰাণৱেত বিমানৰ উৰণ অৱতৰণ কাৰ্যৰ নিয়ন্ত্রণৰ লগত জড়িত বিষয়া,কৰ্মচাৰী অভিযন্তা সকলে বিমান বন্দৰৰ ৰাণৱেত বিমানখন ক’ত অৱতৰণ কৰিব,ক’ৰ পৰা উৰা মাৰিব,অৱতৰণ কৰি যাত্রীকে ধৰি সা সামগ্রী নমোৱাৰ পাছত বিমানখন ক’ত ৰখোৱা হ’ব বা পৰৱৰ্তী উৰণৰ বাবে ক’ত অপেক্ষা কৰিব তাক স্বয়ংক্রিয়ভাৱে নিৰ্দেশনা বা সংকেত লাভ কৰিব।
ভেকচিন প্ৰদানৰ ক্ষেত্ৰত জনসচেতনতা সৃষ্টিৰ ওপৰত মুখ্যমন্ত্ৰীৰ গুৰুত্ব আৰোপ
মুখ্যমন্ত্ৰী সৰ্বানন্দ সোণোৱালে আজি লখিমপুৰ জিলাৰ নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত অনুষ্ঠিত এক বৈঠকত লখিমপুৰ আৰু ধেমাজি সাম্প্ৰতিক ক’ভিড পৰিস্থিতি বিষয়ে সবিশেষ পৰ্যালোচনা কৰে।পৰ্যালোচনা কালত মুখ্যমন্ত্ৰীয়ে জিলা উপযুক্ত তথা স্বাস্থ্য বিভাগৰ যুটীয়া সঞ্চালকৰ সৈতে মত-বিনিময় কৰি সাম্প্ৰতিক ক’ভিড সংক্ৰমণৰ সবিশেষ বুজ লয়।বৈঠকত দুয়োখন জিলাৰ উপযুক্ত সৈতে মত-বিনিময় কৰি সাম্প্ৰতিক ক’ভিড সংক্ৰমণ প্ৰতিৰোধ কৰাৰ দিশত গ্ৰহণ কৰা ব্যৱস্থা ৰাজিৰ লগতে ভেকচিন প্ৰদান, সংক্ৰমণৰ হাৰ,হাস্পতাল থকা সা-সুবিধা সমূহ বিষয়ে মুখ্যমন্ত্ৰীক সবিশেষ অৱগত কৰে।আনহাতে, দুয়োগৰাকী স্বাস্থ্য বিভাগৰ যুটীয়া সঞ্চালকে চিকিৎসা বিভাগে গ্ৰহণ কৰা পদক্ষেপ সমূহ বিষয়ে মুখ্যমন্ত্ৰীক অৱগত কৰে।
বৈঠকত মুখ্যমন্ত্ৰীয়ে জিলা দুখনত ভেকচিন প্ৰদানৰ ক্ষেত্ৰত জন সচেতন সৃষ্টিৰ বাবে প্ৰশাসনক নিৰ্দেশ দিয়ে।ৰাজহুৱা স্থানত জনসাধাৰণ যাতে মাস্ক পৰিধান কৰা লগতে সামাজিক দূৰত্ব বৰ্তাই ৰাখে সেই দিশটো নজৰ ৰাখিবলৈ মুখ্যমন্ত্ৰীয়ে কয়।মুখ্যমন্ত্ৰীয়ে লগতে ক’ভিড পজিটিভ ৰোগীৰ ক্ষেত্ৰত মাইক্ৰ কণ্টেইমেণ্ট এলেকাৰ ব্যৱস্থা কৰিবলৈ নিৰ্দেশ দিয়ে।লগতে প্ৰয়োজনীয় অক্সিজেন চিলিণ্ডাৰ আৰু আই চি ইউ বেডৰ ব্যৱস্থা মজুত ৰখাৰ বাবেও নিৰ্দেশ দিয়ে।ক’ভিড ৰোগীৰ বাবে হাস্পতাল সমূহত যাতে বিচনাৰ অভাৱ নহয় সেই সম্পৰ্কে যথোচিত পদক্ষেপ লোৱাৰ বাবেও মুখ্যমন্ত্ৰীয়ে নিৰ্দেশ দিয়ে।আনহাতে ক’ভিড পৰীক্ষা ব্যাপক হাৰত কৰাৰ ওপৰতো মুখ্যমন্ত্ৰী য়ে গুৰুত্ব আৰোপ কৰে।বিহু অনুষ্ঠান সমূহত যাতে ক’ভিড প্ৰট’কল মানি চলা হয় তাৰ বাবেও বিশেষ লক্ষ্য ৰাখিবলৈ কয়।
আজিৰ এই পৰ্যালোচনা বৈঠকত লখিমপুৰ জিলাৰ উপায়ুক্ত খৰ্গেশ্বৰ পেগু আৰু ধেমাজি জিলাৰ উপায়ুক্ত ডাঃ জীৱন বি,দুয়ো খন জিলাৰ স্বাস্থ্য বিভাগৰ যুটীয়া সঞ্চালককে ধৰি স্বাস্থ্য বিভাগ তথা প্ৰশাসনৰ উচ্চপদস্ত বিষয়া সকল উপস্থিত থাকে।
ভিউৱাছৰ মতামত