মুখ্যমন্ত্রী সৰ্বানন্দ সোণোৱালৰ উপস্থিতিত গুৱাহাটী চিকিৎসা মহাবিদ্যালয় আৰু হস্পিতালৰ প্ৰেক্ষাগৃহত আজি আনুষ্ঠানিকভাৱে অস্ত্র সম্বৰণ কৰে এন ডি এফ বিৰ তিনিটা গোটৰ সদস্যই।সদ্য স্বাক্ষৰিত বি টি আৰ চুক্তিৰ পাছত মূল সুঁতিলৈ ঘূৰি আহিল এন ডি এফ বিৰ প্ৰায়বোৰ সদস্য।মুঠ ১,১৬৫ জন এন ডি এফ বিৰ সদস্যই অস্ত্ৰ সম্বৰণ কৰে।ইয়াৰে এন ডি এফ বি(পি)ৰ ৮৩৬ জন সদস্য,এন ডি এফ বি(আৰ)ৰ ৫৭৯ আৰু এন ডি এফ বি(এছ)ৰ ২০০ জন সদস্যই আত্মসমৰ্পন কৰে।লগতে অস্ত্র সম্বৰণ কৰিব চাউৰাইগৌৰা,বি ফেৰেংগা আৰু বি বিদাই এ।এই অনুষ্ঠানত বিত্ত মন্ত্রী ড০ হিমন্ত বিশ্ব শৰ্মাও উপস্থিত থাকে।উল্লেখ্য যে এই অনুষ্ঠানত জমা দিয়া অস্ত্রসমূহ হ’ল ১৭৮ টা পিস্তল,৪,৮০৩ টা গুলী,১৪ টা গ্ৰেণেড আৰু ২ টা মৰ্টাৰ।এই অনুষ্ঠানত উপস্থিত থাকি বি টি চিৰ মুৰব্বী হাগ্ৰামা মহিলাৰীয়ে কয় যে বড়ো শান্তি চুক্তিৰ দ্বাৰা বড়োলেণ্ডৰ উন্নয়ন সম্ভৱ হ’ব।অকল বড়োসকলৰে নহয়,অসমৰ অন্যান্য জাতি জনগোষ্ঠীৰো উন্নয়ন হ’ব।বি টি চিৰ বাহিৰত থকা বড়োসকলৰ উন্নয়নৰ বাবে পৰিষদ গঠন কৰা হ’ব।এই অনুষ্ঠানত প্ৰমোদ বড়োকে আদি কৰি বহুকেইজন ব্যক্তি উপস্থিত থাকে ।
Trending
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ
- ধৰিত্ৰী দিৱস আৰু প্ৰকৃতিপ্ৰেমী মঞ্চৰ প্ৰতিষ্ঠা দিৱস উপলক্ষে হাতীৰ খাদ্য উদ্ভিদ ৰোপন কাৰ্যসূচী
- পলাশবাৰীত সাহিত্য সংস্কৃতি বিকাশ গোষ্ঠী “কামৰূপৰ সাধাৰণ সভা