বিমান পৰিবহন,নিয়ন্ত্রণ,যোগাযোগ,বায়ু যাতায়তৰ ক্ষেত্রখনত নতুনকৈ ব্যৱহাৰ হোৱা আধুনিক তথ্য প্ৰযুক্তি,কাৰিকৰী কৌশল,সংযোগ ব্যৱস্থা সমূহৰ লগত যাতে বৰ্তমানৰ বিষয়া,কৰ্মচাৰী,অভিযন্তা সকল সু সম্পৰ্কিত হৈ প্ৰযুক্তিৰ সদ ব্যৱহাৰ কৰে আৰু খুঁত নথকাকৈ কৰ্তব্য সম্পাদন কৰিব পাৰে তাৰ বাবে ভাৰতীয় বিমান বন্দৰ প্ৰাধিকৰণে গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তর্জাতিক বিমান বন্দৰ চৌহদত এটা আঞ্চলিক প্ৰশিক্ষণ কেন্দ্র নিৰ্মাণ কৰিছে।উত্তৰ পূবৰ প্ৰথম আৰু দেশৰ অষ্টম হিচাপে পৰিচিত কেন্দ্রটো ৮ ফেব্ৰুৱাৰীত উদ্বোধন কৰে ভাৰতীয় বিমান বন্দৰ প্রাধিকৰণৰ সদস্য বিনীত গুলাটীয়ে।এই উপলক্ষে অনুষ্ঠিত চমু অনুষ্ঠানত বিনীত গুলাটীয়ে কেন্দ্রটোত প্ৰশিক্ষণ গ্রহণ কৰা কৰ্মচাৰীয়ে নিষ্ঠাৰে বিমান সেৱা,বায়ু যাতায়ত,বিমান নিয়ন্ত্রণকে ধৰি যাৱতীয় কৰ্মব্যৱস্থা সমূহ সফলতাৰে পৰিচালনা কৰিব পাৰিব বুলি আশা ব্যক্ত কৰে।অনুষ্ঠানত ভাৰতীয় বিমান বন্দৰ প্ৰাধিকৰণৰ এয়াৰ এভিগেশ্যন চাৰ্ভিছৰ সঞ্চালক পান সিং,উত্তৰ পূব মণ্ডলৰ ক্ষেত্রীয় কাৰ্যবাহী সঞ্চালক সঞ্জীব জিন্দাল,বৰঝাৰ বিমান বন্দৰৰ সঞ্চালক ৰমেশ কুমাৰকে ধৰি শীৰ্ষ বিষয়া,অভিযন্তা সকল উপস্থিত থাকে।
পুৰণিগুদামৰ বিহু তলিত অ ৪ ব`হাগৰ দিনটোক ‘গছ বিহু’ হিচাপে পালনৰ আহ্বান অৰণ্য মানৱৰ
admin April 19, 2021 1:27 PM
ৰাজ্যৰ সৰ্বত্ৰে এতিয়া ৰঙালীৰ উখল মাখল পৰিৱেশ। নগাঁও পুৰণিগুদামত ‘নাট্যম গোষ্ঠী’য়ে অনুষ্ঠিত কৰিছে বিহু নৃত্য আৰু ঢোল বাদনৰ কৰ্মশালাৰ । অলপতে নাট্যম গোষ্ঠীয়ে অনুষ্ঠিত কৰা মুকলি বিহু চাবলৈ পাৰঘাটৰ বিহু তলিত উপস্থিত হয় অৰণ্য মানৱ যাদৱ পায়েং।
উল্লেখযোগ্য যে তেখেতে পুৰণিগুদামৰ বিহু তলিত উপস্থিত হৈ ৪ ব’হাগৰ দিনটো পৰম্পৰাগত ভাৱে গছ বিহু হিচাপে পালন কৰিবলৈ নগাঁওবাসীক আহ্বান জনায়।গছৰ তলত বিহু পাতিলে নাচিবলৈ নজনা গছজোপায়েও হাঁহিব পাৰে বুলি তেখেতে মন্তব্য কৰে।
অৰণ্য মানৱ যাদৱ পায়েঙক এখনি গামোচা, এখন চেলেং চাদৰ আৰু এখন ফলকৰ জৰিয়তে ৰাজহুৱাভাৱে সম্বৰ্দ্ধনা জ্ঞাপন কৰে।অনুষ্ঠানত উপস্থিত থাকি প্ৰকৃতি তথা মানুহৰ প্ৰাকৃতিক ভাৰসাম্য ৰক্ষাৰ অৰ্থে কৰিবলগীয়া কৰ্ম সম্বন্ধেও পায়ঙে মন্তব্য কৰে।
ভিউৱাছৰ মতামত