ব্যতিক্ৰমী কৰ্মৰ বাবে চৰ্চিত হৈ পৰা যুৱকজনৰ কথাৰে

সোণাৰি মহাবিদ্যালয়ৰ ৰাজনীতি বিজ্ঞান বিভাগৰ চতুৰ্থ ষান্মাসিকৰ এজন ছাত্ৰ। পাঠ্যক্ৰমৰ শিক্ষা গ্ৰহণ কৰাৰ সমান্তৰালকৈ থলুৱা লোকবাদ্য পৰিৱেশনৰ প্ৰতি বিশেষভাৱে আগ্ৰহী ছাত্ৰজন।

নিয়মীয়াকৈ পঢ়া শুনা কৰাৰ লগতে আজৰি সময়ত থলুৱা লোকবাদ্য নিৰ্মাণ তথা পৰিৱেশন কৰি চৰ্চালৈ আহিছে সেইজন ছাত্ৰ। আজি আমি এইগৰাকী ছাত্ৰক চিনাকি আপোনালোকৰ আগত পৰিচয় কৰি দিবলৈ বিচাৰিছো।

সোণাৰি মহাবিদ্যালয়ত অধ্যয়নৰত ছাত্ৰ মানৱজ্যোতি বৰুৱা। চৰাইদেউ জিলাৰ জুটুলনিৰ বাসিন্দা এই ছাত্ৰজন এতিয়া ব্যস্ত থলুৱা লোকবাদ্য নিৰ্মাণ কৰাত। নিয়মীয়াকৈ পঢ়া-শুনা কৰাৰ লগতে ম’হৰ শিঙৰ পেঁপা, গগনা, সুতুলি, টকা, কৰতাল, আদি নিৰ্মাণ কৰাৰ লগতে নাচনীৰ খোপা শুৱনি কৰা কাকৈ ফনি তথা ঢোলৰ মাৰি নিৰ্মাণত ব্যস্ত ছাত্ৰজন।

সৰুৰেপৰাই অসমীয়া সংস্কৃতিৰ লোকবাদ্যৰ প্ৰতি বিশেষ ভাৱে আগ্ৰহী এইগৰাকী ছাত্ৰই প্ৰমাণ কৰিছে যান্ত্ৰিকতাৰ যুগত যে এতিয়াও নৱপ্ৰজন্মই পাহৰা নাই থলুৱা লোকবাদ্যৰ কথা।

মানৱজ্যোতিয়ে সম্বন্ধীয় ককায়েক এজনৰ ওচৰত এই লোকবাদ্য সাজিবলৈ চেষ্টা কৰিছিল নৱম শ্ৰেণীত পঢ়ি থকা সময়তে। লোকবাদ্য বজোৱাৰ লগতে নিৰ্মাণতো পাৰদৰ্শী এইগৰাকী ককায়েকৰ অনুপ্ৰেৰণাতে মানৱজ্যোতিয়ে পঢ়া-শুনাৰ মাজতে আজৰিসময়ত সাজি উলিয়াইছিল ঢোলৰ মাৰি, গগণা, বাঁহৰ সুতুলী, টকা, কাকৈ ফনি, কৰতালকে ধৰি বিভিন্ন থলুৱা বাদ্য। লোকবাদ্য নিৰ্মাণৰ প্ৰতি হেঁপাহ বৃদ্ধি হোৱাৰ লগে লগে শিৱসাগৰৰ প্ৰসিদ্ধ লোকবাদ্য নিৰ্মাতা দ্বিজেন গগৈৰ ঘৰত কিছুদিন থাকি ২০১৭ বৰ্ষতে মানৱজ্যোতিয়ে এইসমূহ নিৰ্মাণৰ প্ৰশিক্ষণ গ্ৰহণ কৰে।

প্ৰশিক্ষণ গ্ৰহণ কৰি আহি মানৱে ৰৈ থাকিব লগীয়া হোৱা নাই। প্ৰতিদিনে আজৰি সময়ত নিৰ্মাণ কৰি আহিছে বিভিন্ন থলুৱা বাদ্য। উল্লেখ্য যে এইগৰাকী প্ৰতিভাৱান যুৱকে ম’হৰ শিঙৰ পেঁপাৰ লগতে শেহতীয়াকৈ বাঁহৰ পেঁপাও সাজি উলিয়াইছে। যিটো দেখাত আৰু বজোৱাত মহৰ শিঙৰ পেঁপাৰ দৰে।

কিছুদিন পূৰ্বে মানৱজ্যোতিৰ এই সাংস্কৃতিক যাত্ৰাৰ খবৰ লবলৈ যাওঁতে দেখা পাইছিলো ঘৰত অসংখ্য গগণা, বাঁহৰ কাকৈ ফনি, ঢোলৰ মাৰি লগতে কেইবাটাও মহৰ শিঙৰ যুৰীয়া পেঁপা, বাঁহৰ টকা, বাঁহী আদি সাজি ৰাখিছিল। তেওঁ জানিবলৈ দিয়া অনুসৰি ৰঙালী বিহুৰ আগে আগে এইবোৰ বিহুৱা-বিহুৱতীসকলক যোগান ধৰা হব। তাৰোপৰি চাহিদা অনুসৰি যোগান ধৰিবলৈ কেতিয়াবা অসুবিধা হয় বুলিহে মন্তব্য কৰে।

ইয়াৰ পৰা বুজা যায় যে লোকবাদ্য বজোৱা লোক বহুত আছে যদিও কিন্তু নিৰ্মাতাৰ সংখ্যা নগণ্য। আনহাতে কথা প্ৰসংগত মানৱজ্যোতিয়ে ৰাজপথৰ আন্দোলন লগতে যুৱ প্ৰজন্মই অৰ্থনৈতিক, সাংস্কৃতিক আন্দোলন গঢ়ি তোলা প্ৰয়োজন বুলি মন্তব্য কৰে। সাংস্কৃতিক ভাৱে চহকী অসমীয়া যুৱক-যুৱতীসকলে সাম্প্ৰতিক সময়ত পশ্চিমীয়া সংস্কৃতিৰ আগ্ৰাসনৰ কৱলত পৰা বুলিও আক্ষেপ প্ৰকাশ কৰে।

মন কৰিবলগীয়া যে লোকবাদ্য বজোৱা লোক বহুত আছে কিন্তু এইসমূহ নিৰ্মাণ কৰা মানুহৰ সংখ্যা অতি নগন্য। যাৰ বাবে এইসমূহ বিচাৰি বিহুৱা বিহুৱতীসকলে বহুসময়ত বিমোৰত পৰাও পৰিলক্ষিত হয়। আনহাতে এই ক্ষেত্ৰত মানৱজ্যোতি এই বাবেই অনন্য, কাৰণ যিসময়ত নৱপ্ৰজন্মৰ বহুতেই লোকবাদ্য বজোৱাটো দূৰৰ কথা চিনিয়েই নাপায় তেওঁলোকে। কিন্তু তাৰ বিপৰীতে মানৱজ্যোতিয়ে নিজে বজোৱাৰ লগতে এইসমূহ আটকধুনীয়া কৈ সাজি অসমীয়া সংস্কৃতিৰ ভঁৰাল চহকী কৰিবলৈ প্ৰয়াস কৰিছে।

সমান্তৰালকৈ এই লোকবাদ্য নিৰ্মাণৰ জৰিয়তে স্বাৱলম্বীতাৰ পথ বাছি লৈছে মানৱজ্যোতিয়ে । আমাক জানিবলৈ দিয়া মতে গগণা এটা দাম এশ টকা, বাঁহৰ সুতুলী এটাত পঞ্চাছ টকা, কাকৈ ফনি এখনত এশ টকা। আনহাতে মহৰ শিঙৰ পেঁপাৰ মূল্য এহাজাৰৰ পৰা চাৰি হাজাৰলৈ। এখন কটাৰি তথা হেকচু ব্লেডেৰে সামগ্ৰী সমূহ তৈয়াৰ কৰাত বহু সময় খৰচ হোৱা বাবেই চাহিদা পূৰণ কৰিবলৈ বহু সময়ত অসমৰ্থ হয় বুলি জানিবলৈ দিয়ে যঙৱকজনে। আনহাতে বৰ্তমানে এইসমূহ নিৰ্মাণ কৰি ঋতু অনুযায়ী ভাল উপাৰ্জন কৰিবলৈ সক্ষম হোৱা বুলিও কয়।
যি সময়ত নৱ প্ৰজন্মৰ যুৱক-যুৱতীসকলে তথ্য প্ৰযুক্তিবিদ্যাৰ কৃপাত প্ৰতিযোগিতাৰ দৌৰত হাবাথুৰি খোৱা বুলি অভিযোগ উত্থাপন হৈছে সেই সময়ত থলুৱা লোকবাদ্য নিৰ্মাণ কৰি উপাৰ্জনৰ পথ বাছি লোৱা কাৰ্য সঁচাকৈ প্ৰশংসনীয়। নৱ প্ৰজন্মৰ যুৱক সোণাৰি মহাবিদ্যালয়ৰ ছাত্ৰ মানৱজ্যোতিয়ে শিক্ষা গ্ৰহণৰ সমান্তৰালকৈ জীৱন নিৰ্বাহ কৰাৰ যি সংগ্ৰাম আৰম্ভ কৰিছে সেয়া অতিকৈ আদৰণীয় তথা ব্যতিক্ৰমী পদক্ষেপ । এই যাত্ৰা অব্যাহত থাকক আমি তাৰেই কামনা কৰিছো।

চৰাইদেউৰ পৰা অভিজিৎ ভূঞাই..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

পবিত্ৰ ৰাম নৱমীৰ শুভেচ্ছা জ্ঞাপন কৰিলে ৰাষ্ট্ৰপতিয়ে

আজি ৰাম নৱমী।এই ৰাম নৱমী হিন্দু ধর্মৰ এক পবিত্ৰ উৎসৱ।এই উৎসৱ ভগৱান ৰামৰ জন্মৰ লগত জৰিত।ৰাম নৱমী উপলক্ষে বিভিন্ন ঠাইত পূজা অৰ্চনা কৰা হৈছে।এই ৰাম নৱমী শুক্লপক্ষৰ নৱমী তিথিত পালন কৰা হয়।

ৰাম নৱমী উপলক্ষে দেশৰ প্ৰধানমন্ত্ৰী নৰেন্দ্ৰ মোদীয়ে দেশবাসীক শুভেচ্ছা জনায় কয় যে ভগৱান ৰামৰ আৰ্শীবাদ দেশবাসীৰ প্ৰতি সদায় বৰ্তি থাকক।আনহাতে এই সম্পৰ্কত ৰাষ্ট্ৰপতি ৰামনাথ কবীন্দ্ৰে এনেদৰে কয় ৰামৰ ধৰ্মই আমাক সদায় অনুপ্ৰাণিত কৰি আহিছে।ন্যায় আৰু মানৱীয় গুণৰ বাবে ৰামৰ আদৰ্শই যুগ যুগ ধৰি সকলোকে অনুপ্ৰেৰণা যোগাব।

কেন্দ্ৰীয় বাঁহ গোঁসাই উৎসৱৰ সফল সামৰণি

সদৌ অসম শৰণীয়া কছাৰী ছাত্ৰ সন্থাৰ উদ্যোগত আৰু দৰঙাজুলি আঞ্চলিক শৰণীয়া-কছাৰী ছাত্ৰ সন্থাৰ সহযোগত বাক্সা জিলাৰ তামুলপুৰ মহকুমাৰ কুমাৰীকাটা মিঠাৰাম দাস সমন্বয় ক্ষেত্ৰত সোমবাৰৰ পৰা দুদিনীয়া বৰ্ণাঢ্য কাৰ্যসূচীৰে অনুষ্ঠিত হোৱা শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱৰ মঙলবাৰে সফল সামৰণি পৰে।

মঙলবাৰে পুৱাৰে পৰা নামনি অসমৰ জিলা কেইখনৰ পৰা শৰণীয়া-কছাৰী জনগোষ্ঠীৰ লোকসকলে পৰম্পৰাগত সাজ পৰিধান কৰি একোডাল বাঁহ গোঁসাই লৈ ঢোল ,তাল,শংখ, দবা আদিৰ শব্দৰে মুখৰিত কৰি কেন্দ্ৰীয় বাঁহ গোসাইস্থলীত উপস্থিত হয়।বাক্সা জিলাৰ তামুলপুৰ মহকুমাৰ কুমাৰীকাটাৰ শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱস্থলী মিঠাৰাম দাস সমন্বয় ক্ষেত্ৰ এক তীৰ্থ ক্ষেত্ৰলৈ পৰিণত হয়।

বিভিন্ন প্ৰান্তৰ পৰা শতাধিক বাঁহ গোঁসাই সজাই-পৰাই এক মাঙ্গলিক পৰিৱেশেৰে উৎসৱস্থলীত নিৰ্মাণ কৰা গোঁসাই ঘৰত স্থাপন কৰে। ইয়াৰ আগতে বাঁহ গোঁসাই লৈ উৎসৱস্থলীত উপস্থিত হোৱা দল সমূহে নিজৰ নিজৰ দলৰ বাঁহ গোঁসাই লৈ কুমাৰীকাটা চহৰৰ মাজেৰে পাঁচ কিলোমিটাৰ জোৰা পথ সমদল কৰি পানবাৰী-বাটাবাৰী হৈ পুনৰ উৎসৱস্থলীত উপস্থিত হয়।
সম্পূৰ্ণ কোভিড প্ৰট’কল মানি শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱ পালন কৰা হয় ।

গ্ৰাম্যাঞ্চলত সেৱা আগবঢ়াব বেটাৰ লাইফ মেডিকেল চেণ্টাৰে

পূব আৰু উত্তৰ-পূব ভাৰতৰ কেইখনমান শীৰ্ষ চিকিৎসা প্ৰতিষ্ঠানৰ সৈতে কাম কৰি থকা এগৰাকী চিকিৎসকে চাকৰি এৰি অসমৰ ওদালগুৰি জিলাৰ দুৰৱৰ্তী স্থানত চিকিৎসা সুবিধা আৰম্ভ কৰিছে।সমাজৰ সুবিধা পৰা বঞ্চিত লোক সকলক অন্তিম মাইল স্বাস্থ্য সেৱা প্ৰদান লক্ষ্যৰে গাইনোকোলজিষ্ট ডাঃ সায়ন্তনী ভট্টাচাৰ্যই অসমৰ ওদালগুৰি জিলাৰ পানেৰীত বেটাৰ লাইফ মেডিকেল চেণ্টাৰ স্থাপন কৰিছে। আজি গুৱাহাটীৰ প্ৰেছ ক্লাৱত সংবাদ মাধ্যমৰ লোক সকলক সম্বোধন কৰি ডাঃ ভট্টাচাৰ্যই কয় যে পানেৰীৰ কেন্দ্ৰটো তেওঁৰ ষ্টাৰ্টআপ বেটাৰ হেলথকেয়াৰ এটা দ্যা লাষ্ট মাইলৰ ফ্লেপশ্বিপ ইউনিট।

চলিত বৰ্ষত ১৪ ফেব্ৰুৱাৰীত নামনি অসমৰ অন্যতম বৃহৎ চাহ বাগিচাৰ কৰিডৰ,আৰু চাহ জনজাতি আৰু অন্যান্য সম্প্ৰদায়ৰ এক বৃহৎ জনসংখ্যাই বাস কৰা পানেৰীত বেটাৰ লাইফ মেডিকেল চেণ্টাৰ উদ্বোধন কৰিছোঁ।বেটাৰ লাইফ মেডিকেল চেণ্টাৰত এটা মাল্টি স্পেচিয়েলিটি ফেমিলি ক্লিনিক ডায়গনষ্টিক চেণ্টাৰ আৰু এখন ফাৰ্মাচী আছে।

উল্লেখযোগ্য যে কেন্দ্ৰটোত আলট্ৰাচাউণ্ড,ইচিজি, স্বাস্থ্য পৰীক্ষা,ফাৰ্মাচী,নেবুলাইজেচন বেজী সেৱা অক্সিজেন, চিকিৎসা কোঠা সকলো উপলব্ধ।ইয়াৰ উপৰিও ৰেডিঅ’লজিষ্ট,চকু বিশেজ্ঞ,ফিজিঅ থেৰাপিষ্ঠ,ডায়েটিশিয়ান,শিশু বিশেষজ্ঞৰ সেৱা উপলব্ধ।

ৰাজ্যত বলবৎ হৈছে ক’ভিড সম্পৰ্কীয় নতুন নিৰ্দেশনা

আজি অনুষ্ঠিত হয় ক`ভিডৰ নিদেৰ্শনা সম্পৰ্কীয় মুখ্য সচিব আৰু আৰক্ষী সঞ্চালক প্ৰধানৰ সংবাদমেল।সংবাদমেলৰ সিদ্ধান্ত সমূহ হ`ল এনেধৰণৰ -জিলা প্ৰশাসনৰ অনুমতি লৈহে অনুষ্ঠান অনুষ্ঠিত কৰিব পাৰিব ।বন্ধ কোঠাৰ অনুষ্ঠানত ৫০% লোকহে উপস্থিত থাকিব পাৰিব।বিবাহ আদিত ১০০তকৈ অধিক উপস্থিত থাকিব নোৱাৰিব।মৃতকৰ শেষকৃত্যত ২০ জনতকৈ অধিক উপস্থিত থাকিব নোৱাৰিব।আনহাতে ধৰ্মীৰ অনুষ্ঠানত প্ৰতি ঘণ্টাত ২০ গৰাকীহে উপস্থিত থাকিব পাৰিব।বিখ্যাত ধৰ্মীয় অনুষ্ঠানৰ ক্ষেত্ৰত ৫০ গৰাকী লোকক অনুমতি দিয়া হৈছে।ৱৰ্ক ফ্ৰম হোম আৰু ভাৰ্চুৱেল পদ্ধতিৰ কাম কাজত প্ৰাধান্য।চৰকাৰী-বেচৰকাৰী প্ৰতিষ্ঠানত ৫০% কৰ্মচাৰীয়ে কাম সম্পাদনাৰ নিৰ্দেশ।প্ৰতিষ্ঠানৰ বিষয়াই নিজৰ কাৰ্য্যালয়ত অনুষ্ঠিত কৰিব নোৱাৰিব সভা।গৰ্ভৱতী মহিলাক ঘৰৰ পৰাই কাম কৰা অনুমতি প্ৰদান।৫ বছৰ তলৰ শিশুৰ মাতৃক ঘৰৰ পৰা কাম কৰা অনুমতি।কৰ্মক্ষেত্ৰত সম্পূৰ্ণৰূপে সামাজিক দূৰত্ব মানি চলিব লাগিব ।প্ৰৱেশ-প্ৰস্থানস্থলীত থাৰ্মেল স্কেনিং হেণ্ড ছেনিটাইজাৰ থাকিব লাগিব ।আইন অমান্য কৰিলে কঠোৰ হ`ব প্ৰশাসন।ইয়াৰ উপৰিও পুলিচক মাস্ক যোগান ধৰিবলৈও নিৰ্দেশ জাৰি কৰিছে।আৰক্ষী সাংবাদিক শিক্ষকক প্ৰধান শাৰীৰ যোদ্ধা বিবেচনা কৰিবলৈ কেন্দ্ৰীয় চৰকাৰক অনুৰোধ জনাইছে ৰাজ্য চৰকাৰে।

পুনৰ সজাই তোলা হৈছে অস্থায়ী ক`ভিড চেন্টাৰ সমূহ

ৰাজ্যখনত ক’ৰনা সংক্ৰমণৰ ঘটনা ব্যাপক হাৰত বৃদ্ধি পোৱাৰ বিষয়টোৱে সকলোকে উদ্বিগ্ন কৰি তুলিছে। দৈনিক সংক্ৰমণৰ হাৰ প্ৰতিদিনে বৃদ্ধি পাই আহিছে।ইয়াৰ মাজতে ৰাজ্যৰ স্বাস্থ্য বিভাগে পুনৰ জালুকবাৰী আৰু সৰুসজাইৰ অস্থায়ী ক’ভিড কেয়াৰ চেন্টাৰ সমূহ সাজু কৰি তুলিছে।

জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয় ক’ভিড ৰোগীৰ বাবে পুনৰ সাজু কৰি তোলা হৈছে।জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয়ৰ অধ্যক্ষ ডাঃ ৰমাকান্ত শৰ্মাই জানিবলৈ দিয়া মতে মহাবিদ্যালয়খনত ১০০ খন বিছনা ক’ভিড ৰোগীৰ বাবে সাজু কৰি তোলা হৈছে।

ইয়াৰ উপৰিও, ইয়াত ১৪ টা আই চি ইউ কক্ষ আৰু ৩৩ খন অক্সিজেনযুক্ত বিছনাৰ ব্যৱস্থা কৰা হৈছে।আনহাতে ৰাজ্যৰ স্বাস্থ্য বিভাগে মহানগৰীৰ সৰুসজাই ষ্টেডিয়ামৰ অস্থায়ী ক’ভিড হাস্পাতালখন পুনৰ সাজু কৰি তুলিছে।সৰুসজাইৰ কৰ্মবীৰ নবীন চন্দ্ৰ বৰদলৈ ষ্টেডিয়ামত ৪০০ খন বিছনাযুক্ত অস্থায়ী ক’ভিড কেয়াৰ চেন্টাৰটো সাজু কৰি তুলিবলৈ ক্ষিপ্ৰতাৰে কাম কৰি থকা হৈছে।

ৰাজ্যৰ বন বিভাগত সালসলনি ঘটিছে

ৰাজ্যৰ বন বিভাগত সালসলনি ঘটিছে।শিলচৰৰ মুখ্য বন সংৰক্ষক সুমন মহাপাত্ৰক অতিৰিক্ত প্ৰধান মুখ্য বন সংৰক্ষক ৰূপে বদলি কৰিছে।সামাজিক বদলিকৰণৰ মুখ্য বন সংৰক্ষক ৰেড্ডিছ মিশ্ৰক অতিৰিক্ত প্ৰধান মুখ্য বন সংৰক্ষক পদলৈ বদলি কৰিছে।মুখ্য বন সংৰক্ষক (কেম্পা) সৈত্যেন্দ্ৰ সিঙক অতিৰিক্ত প্ৰধান বন সংৰক্ষক পদলৈ বদলি কৰাৰ লগতে উজনি অসম চক্ৰৰ বন সংৰক্ষক এন আনন্দক মুখ্য বন সংৰক্ষক ৰূপে বদলি কৰিছে।দেৰাডুনৰ চিএএছএফঅএছৰ ডেপুটেশ্যনত থকা ড০ শ্ৰীৰমেশ্বৰক মুখ্য বন সংৰক্ষক পদলৈ পদোন্নতি কৰিছে।

আনহাতে উত্তৰ অসম চক্ৰৰ বন সংৰক্ষক যতীন্দ্ৰ শৰ্মাক মুখ্য বন সংৰক্ষক পদলৈ পদোন্নতি দিয়া হৈছে।বন সংৰক্ষক ছলমান উদ্দিন চৌধুৰীক মুখ্য বন সংৰক্ষক ৰূপে বদলি কৰিছে।নগাঁও সংমণ্ডলৰ ডিএফঅ’ ৰাজেন চৌধুৰীক বন সংৰক্ষক পদলৈ পদোন্নতি কৰা হৈছে।
কোকৰাঝাৰৰ অতিৰিক্ত প্ৰধান মুখ্য সংৰক্ষক অনিন্দ স্বৰ্গীয়াৰীক প্ৰশাসন আৰু ভিজিলেন্সৰ অতিৰিক্ত প্রধান মুখ্য বন সংৰক্ষক পদলৈ বদলি কৰা হৈছে।এপিচিচিএফ সন্দীপ কুমাৰক নামনি অসম সংমণ্ডলৰ অতিৰিক্ত প্ৰধান মুখ্য বন সংৰক্ষক পদলৈ বদলি কৰাৰ লগতে চিচিএফ অনুৰাগ সিঙক বিটিআৰৰ চিচিএফ হিচাপে বদলি কৰা হৈছে।

এপিচিচিএফ এছ পি বৈশিষ্টক সামাজিক বদলিকৰণৰ অতিৰিক্ত পিচিচিএফ পদলৈ আৰু বন সংৰক্ষক বংকিম শৰ্মাক তেজপুৰৰ বন সংৰক্ষক পদলৈ বদলি কৰা হৈছে।সীমান্ত আৰু সুৰক্ষা বন সংৰক্ষক পদত থকা মজিদুল হুছেইনক বন্যপ্ৰাণী বন সংৰক্ষক ৰূপে বদলি কৰাৰ লগতে ডিচিএফ ভি বসন্থনক নগাঁও সংমণ্ডলৰ ডিএফঅ’ হিচাপে নিয়ুক্তি দিয়া হৈছে।