মৌ পালক,মৎস্য পালকলৈ সুখবৰ

ভাৰতৰ কেন্দ্ৰীয় বিত্ত মন্ত্ৰী নিৰ্মলা সীতৰমণে আজি পুনৰ এখন সংবাদমেলৰ সম্বোধন কৰে। সমগ্ৰ দেশতে চলি থকা তৃতীয় পৰ্যায়ৰ লকডাউনৰ এই সময়ছোৱাত দেশৰ উন্নয়ন খণ্ডক আৰু অধিক আগুৱাই নিয়াৰ ক্ষেত্ৰত বিভিন্ন কেইটা পদক্ষেপৰ কথা আজিৰ সংবাদমেলখনত ঘোষণা কৰে।

 

সমগ্ৰ দেশৰে পশু পালন তথা মৎস্য পালন আদিকে সামৰি দেশৰ কৃষি ক্ষেত্ৰখনৰ আন আন বহুকেইটা বিষয়ৰ ক্ষেত্ৰত গুৰুত্বপূৰ্ণ ঘোষণা কৰে আজিৰ সংবাদমেলখনত। আজিৰ এই সংবাদমেলখনত সমগ্ৰ দেশৰে কৃষি ক্ষেত্ৰৰ কাৰণে ১১ টা বিশেষ আঁচনিৰো ঘোষণা কৰে কেন্দ্ৰীয় বিত্তমন্ত্ৰী নিৰ্মলা সীতাৰমণে। সংবাদমেল খনত কেন্দ্ৰীয় বিত্তমন্ত্ৰী গৰাকীয়ে কয় যে ভাৰত চৰকাৰে লকডাউনৰ এই সময়ছোৱাত সৰ্বমুঠ ৭৪৩০০ কোটি টকাৰ ফচল ক্ৰয় কৰিছে।

 

 

দেশৰ কেন্দ্ৰীয় চৰকাৰে ইতিমধ্যে পি এম কিষাণ নিধিৰ জৰিয়তে কৃষকৰ একাউণ্টত জমা কৰিছে ১৮৭০০ কোটি। আনহাতে ইয়াৰে ছয় হেজাৰ চাৰিশ কোটি টকাৰ ফচল বীমাৰ কাৰণে ব্যয় কৰা হৈছে।দেশত চলি থকা তৃতীয় পৰ্যায়ৰ লকডাউনৰ এই সময়ছোৱাত গাখীৰৰ উৎপাদন ইতিমধ্যে ২০ৰ পৰা ৩০শতাংশলৈ হ্ৰাস পাইছে। সমান্তৰালভাৱে দেশৰ ভিন্ন প্ৰান্তৰ মৌপালক সকলৰ কাৰণেও আছে এক সু খবৰ।

 

 

সমান্তৰালভাৱে সমগ্ৰ দেশৰে দুই লাখতকৈও অধিক মৌ পালক সকল লাভৱান হোৱাকৈ কেন্দ্ৰীয় বিত্ত মন্ত্ৰীয়ে আজিৰ সংবাদ মেল যোগে কৰিছে এটা বিশেষ ঘোষণা। দেশৰ মৌ পালক সকলে  মৌ পালন কৰাৰ কাৰণে কেন্দ্ৰীয় চৰকাৰে ধাৰ্য কৰিলে ৫০০ কোটি টকা। দেশৰ গ্ৰামীণ ক্ষেত্ৰ খনত যি সকল মৌপালক আছে,এই আঁচনি খনৰ জৰিয়তে অধিক পৰিমাণে অগ্ৰাধিকাৰ পাব বুলিও সংবাদমেল যোগে  কেন্দ্ৰীয় বিত্তমন্ত্ৰীগৰাকী সদৰী কৰে।

 

দেশৰ হাৰ্বেল খেতি সম্পৰ্কতো কেন্দ্ৰীয় বিত্তমন্ত্ৰী গৰাকীয়ে কৰিলে আৱশ্যকীয় ঘোষণা। অহা দুই বছৰত দহ লাখ হেক্টৰ মাটিত হাৰ্বেল খেতি কৰা হ’ব বুলিও কয়। সমান্তৰালভাৱে এই হাৰ্বেল খেতিৰ সৈতে জড়িত হৈ থকা কৃষকসকলে হাৰ্বেল খেতিৰ পৰা  আয় কৰিব প্ৰায় পাঁচ হেজাৰ কোটি টকা। উল্লেখ্য যে ইতিমধ্যে এই আঁচনিৰ কাৰণে কেন্দ্ৰীয় চৰকাৰৰ তৰফৰ পৰা ধাৰ্য কৰা হৈছে ৪ হেজাৰ কোটি টকা। সমান্তৰালভাৱে কেন্দ্ৰীয় বিত্ত ৰাজ্যিক মন্ত্ৰী অনুৰাগ ঠাকুৰে কয় যে সমগ্ৰ দেশৰে ঘৰুৱা চিকিৎসাৰ ক্ষেত্ৰত এই হাৰ্বেল খেতি অধিক পৰিমাণে উপযোগী হ’ব।

 

দেশৰ পশু পালকসকলৰ কাৰণেও আজি কেন্দ্ৰীয় বিত্তমন্ত্ৰী নিৰ্মলা সীতাৰমণে সংবাদমেলত এটা ভাল খবৰ ঘোষণা কৰে। দেশৰ সকলোধৰণৰ পোহনীয়া পশু বিলাকক ৰোগমুক্ত কৰাৰ বাবে প্ৰতিজ্ঞাৱদ্ধ।

 

সমগ্ৰ দেশৰে বিভিন্ন প্ৰান্তৰ ৫৩কোটি পোহনীয়া জীৱ-জন্তুক টীকাকৰণ কৰা হ’ব বুলিও ঘোষণা কৰে আজিৰ সংবাদমেলখনত। উল্লেখ্য যে ইয়াৰ কাৰণে তেৰ হেজাৰ তিনিশ তিয়াল্লিছ কোটি টকা ব্যয় কৰিব কেন্দ্ৰীয় চৰকাৰে। সমান্তৰালভাৱে দেশৰ ডেইৰী উদ্যোগ খণ্ডৰ সৰ্বতো বিকাশৰ বাবেও বিত্তমন্ত্ৰীগৰাকীয়ে ঘোষণা কৰে পোন্ধৰ হেজাৰ কোটি টকা।

 

 

এই পুঁজিৰ জৰিয়তে সমগ্ৰ দেশতে গাখীৰ, ক্ৰীম, ঘি উৎপাদনকে আদি কৰি বিভিন্ন সামগ্ৰী উৎপাদনৰ ক্ষেত্ৰত কেন্দ্ৰীয় চৰকাৰৰ তৰফৰ পৰা অগ্ৰাধিকাৰ দিয়া হ’ব।

 

 

প্ৰধানমন্ত্ৰী মৎস্য সম্প্ৰদা যোজনাৰ অধীনৰ এই আঁচনিৰ জৰিয়তে সমগ্ৰ দেশৰে ৫৫ লাখ মৎস্য পালকে প্ৰয়োজনীয় সুবিধা লাভ কৰিব।উল্লেখ্য যে কেন্দ্ৰীয় চৰকাৰে অহা ৫ বছৰত ৭০লাখ টন অতিৰিক্ত মাছ উৎপাদনৰ লক্ষ্য হাতত লৈছে।  আত্মনিৰ্ভৰশীল ভাৰতৰ বাবে আগন্তুক পাঁচ বছৰত এই আঁচনিখনে অধিকভাৱে  যোগাত্মক হ’ব বুলিও আজিৰ সংবাদমেলযোগে ঘোষণা কৰে কেন্দ্ৰীয় বিত্তমন্ত্ৰী গৰাকীয়ে।

 

আনহাতে খাদ্য সামগ্ৰী সমূহৰ শীতলীকৰণ কেন্দ্ৰ আৰু কৃষিৰ  আন আন্তঃগাঁথনি সমূহৰ উন্নয়নৰ কাৰণেও বিত্তমন্ত্ৰীয়ে কেতবোৰ ঘোষণা কৰে। খাদ্য সামগ্ৰীৰ শীতলীকৰণ কেন্দ্ৰৰ বাবেও কেন্দ্ৰীয় বিত্তমন্ত্ৰী গৰাকীয়ে ঘোষণা কৰে এক লাখ কোটি টকা।

 

এই  বৃহৎ পৰিমাণৰ ধনৰাশিৰ জৰিয়তে দেশত বৃদ্ধি কৰা হ’ব শীতলীকৰণ ঘৰৰ লগতে বা খাদ্য সামগ্ৰীৰ ভাণ্ডাৰ।  ইয়াৰ লগতে দেশৰ ভিন্ন প্ৰান্তত থকা ফুড এন্টাৰপ্ৰাইজ সমূহৰ কাৰণেও বিত্তমন্ত্ৰী গৰাকীয়ে দহ হেজাৰ কোটি টকা ধাৰ্য কৰে। কেন্দ্ৰীয় বিত্তমন্ত্ৰী গৰাকীয়ে ঘোষণা কৰা এই ধনৰাশি সমগ্ৰ দেশতে হাৰ্বেল আৰু অৰ্গেনিক সামগ্ৰীৰ প্ৰস্তুতৰ ক্ষেত্ৰত  ব্যৱহাৰ কৰিবলৈহে কয়।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

কাইলৈ হ’ব বিশাল গণসমাবেশ -জেৰেঙা পথাৰত চলিছে প্ৰস্তুতি

ঐতিহাসিক জেৰেঙা পথাৰত কালিলৈ অনুষ্ঠিত হ’ব এক বিশাল গণসমাবেশ।এই সভাত উপস্থিত থাকিব দেশৰ প্ৰধানমন্ত্ৰী । ইতিমধ্যে এসপ্তাহ ধৰি সভাৰ যাবতীয় প্ৰস্তুতি অব্যাহত আছে। শিৱসাগৰ জিলা প্ৰশাসনে নিৰাপত্তা ক্ষেত্ৰত পহৰাৰ ব্যৱস্থা কৰিছে। উল্লেখযোগ্য যে এই বিশাল গণ সমাবেশত ৩ লাখ লোকক ভূমি পট্ৰা প্ৰদান কৰিব।দেশৰ প্ৰধানমন্ত্ৰী গৰাকীৰ আগমনকলৈ ৪ খনকৈ হেলিপেড সাজু কৰি তুলিছে। জানিব পৰা মতে প্ৰতিখন জিলাৰ পৰা বিভিন্ন প্ৰতিনিধি এই সমাবেশলৈ আহিব। এই সমাবেশত অংশগ্ৰহণকাৰী সকলে ক’ভিড প্ৰট’কল মনাৰ লগতে কিছু নীতি নিৰ্দেশনা মানি চলিব লাগিব বুলি শিৱসাগৰ জিলা প্ৰশাসনে জানিবলৈ দিছে।

নামৰূপৰ সাৰ কাৰখানালৈ আহিছে ভাল খবৰ

নামৰূপ কাৰখানাৰ বাবে আছে ভাল খবৰ। নামৰূপ সাৰ কাৰখানাৰ চতুর্থ গোটৰ স্থাপন হোৱাৰ সপোন এতিয়া সাৰ্থক হোৱাৰ দিশে আগবাঢ়িছে।আজি কেন্দ্ৰীয় সাৰ আৰু ৰসায়ন বিভাগৰ মন্ত্ৰী সদানন্দ গৌড়াৰে হোৱা এক আলোচনাত উপস্থিত থকাৰ পিছতে কাৰখানাটোৰ চতুৰ্থটো গোট স্থাপনৰ ক্ষেত্ৰত সম্ভাৱনা ব্যক্ত কৰিছে বিত্তমন্ত্ৰী ড০ হিমন্ত বিশ্ব শৰ্মাই। মন্ত্ৰী ড০ শৰ্মাই জনাই যে চতুৰ্থটো গোটক লৈ থকা জটিলতা আঁতৰাবলৈ অসম চৰকাৰে বিনিয়োগৰ পৰিমাণ পূৰ্বৰ ১১ শতাংশৰ পৰিৱৰ্তে ২৬ শতাংশলৈ বৃদ্ধি কৰাৰ প্ৰস্তাৱ দিছে।

লগতে বিত্তমন্ত্ৰী গৰাকীয়ে কয় যে কেন্দ্ৰীয় চৰকাৰে এই সম্পৰ্কত সেউজ সংকেত দিব।উল্লেখযোগ্য যে ১৯৬৯ চনৰ পৰা আৰম্ভ হোৱা কাৰখানাটোৰ ২য় আৰু ৩য় গোটৰ কাম অতি দুৰ্বলভাৱে চলি থকাৰ পিছত ৪ৰ্থটো গোট মুকলি কৰাৰ বাবে চেষ্টা চলাই থকা হৈছিল যদিও ই কাৰ্যতঃ হৈ উঠা নাছিল। কিন্তু আজি বৈঠকত বিত্তমন্ত্ৰী গৰাকীয়ে চতুৰ্থটো গোট স্থাপনৰ স্থাপনৰ সম্ভাৱনাৰ থকা কথা সদৰি কৰে।

গাহৰি পালকৰ সমস্যাক গুৰুত্ব দিয়ক

অসমৰ গাহৰি পালক সকলে দীৰ্ঘদিন ধৰি সন্মুখীন হৈ থকা সমস্যাৰ সমাধানৰ বাবে চৰকাৰ তথা বিভাগীয় কৰ্তৃপক্ষক দৃষ্টিগোচৰ কৰাৰ অৰ্থে কালি এখনি সংবাদমেল অনুষ্ঠিত কৰে।গুৱাহাটী প্ৰেছ ক্লাৱত অনুষ্ঠিত হোৱা সংবাদ মেলখনত উত্তৰ পূব প্ৰগতিশীল গাহৰি পালক সন্থাৰ সম্পাদকে কয় যে লকডাউনৰ বাবে গাহৰি পালক সকলে লকডাউনৰ পিছত গাহৰিৰ বাবে পয্যাপ্ত সামগ্ৰী যোগানৰ ক্ষেত্ৰত বিভিন্ন সমস্যাৰ সন্মুখীন হোৱাৰ লগতে উপাৰ্জনহীনতাত ভূগিছে।ইয়াৰ উপৰিও আফ্ৰিকান ছোৱাইন ফ্লুৱে যথেষ্ট প্ৰভাৱ পেলাইছে।সেয়েহে বিভাগীয় কৰ্তৃপক্ষক গাহৰি পালনৰ ক্ষেত্ৰত সুস্থ পৰিৱেশ গঢ়ি দিবলৈ সংবাদমেলৰ যোগে আহ্বান জনাইছে।

জন্মদিনত অনুৰাগীয়ে লিখিলে সুশান্ত তুমি য’তেই আছা, শান্তিত থাকা

আজি জনপ্ৰিয় অভিনেতা সুশান্ত সিং ৰাজপুতৰ ৩৫ সংখ্যক জন্ম বাৰ্ষিকী।অভিনেতা গৰাকী জন্ম দিনৰ লগত সংগতি ৰাখি ছ’চিয়েল মেডিয়াত হাজাৰ হাজাৰ অনুৰাগীয়ে শুভেচ্ছা জ্ঞাপন কৰি পোষ্ট শ্বেয়াৰ কৰিছে।কোনোৱে ৰাজপুতৰ দৰ্শন, আৰ্দশক সুঁৱৰি অভিনেতা গৰাকী শুভেচ্ছা যাঁচিছে।কোনোৱে অভিনেতা গৰাকীৰ ন্যায়ৰ বাবে এই বিশেষ দিনটোত ঈশ্বৰক প্ৰাৰ্থনা জনাইছে।

ইতিমধ্যে ছ’চিয়েল মেডিয়া ফেচবুকত এটা টেণ্ড আৰম্ভ হৈছে। উল্লেখযোগ্য যে বিগত বৰ্ষৰ ১৪ জুনত অভিনেতা গৰাকীক মুম্বাইত নিজা ফ্লেটত মৃত অৱস্থাত পোৱা গৈছিল ।পৰৱৰ্তী সময়ত অভিনেতা গৰাকীৰ মৃত্যু তদন্ত কৰিবলৈ চি বি আই, এ চি বি আৰু ইউ ডি সক্ৰিয় হৈ পৰিছিল।জনপ্ৰিয় অভিনেতা গৰাকীৰ আজি এই বিশেষ দিনটোত এন ই ফ’কাচ ডট কমৰ পৰিয়ালে শ্ৰদ্ধাৰে স্মৰণ কৰিছোঁ।

ৰবীন্দ্ৰ ভৱনত পৰিবেশিত হ’ল মোক্ষ

ৰবীন্দ্ৰভৱনত আজি সন্ধিয়া ৬ বজাত অসম চৰকাৰৰ সাংস্কৃতিক সঞ্চালকালয়ৰ উদ্যোগত তথা বৰ্তমানৰ সঞ্চালক যাদৱ শইকীয়াৰ নেতৃত্বত,গুৱাহাটীৰ “দৰ্পণ ডান্স অকাডেমী” আৰু সংগীত সত্ৰৰ সহযোগত যোৱা বৰ্ষত মহাপ্ৰয়াণ ঘটা পদ্মশ্ৰী ,সংগীত নাটক অকাডেমী বঁটা প্ৰাপক ভাৰতৰ এগৰাকী যশস্বী নৃত্যবিশাৰদ, সমালোচক কোঠাৰীৰ স্মৃতিত “মোক্ষ” শীৰ্ষক ভাৰতীয় ধ্ৰুপদী নৃত্যৰ এক অনুষ্ঠান পৰিৱেশিত হয়৷এই অনুষ্ঠানটিত নৃত্যাচাৰ্য পদ্মশ্ৰী যতীন গোস্বামী,অসম চৰকাৰৰ সাংস্কৃতিক বিভাগৰ অৱসৰপ্ৰাপ্ত উচ্চপদস্থ বিষয়া স্বপ্ননীল বৰুৱা,আই এ এছ বিষয়া তথা সাংস্কৃতিক ব্যক্তিত্ব মাধুৰীমা বৰুৱা,প্ৰখ্যাত মূকাভিনয় শিল্পী মইনুল হক,গুৱাহাটী বিশ্ববিদ্যালয়ৰ ছাত্ৰ কল্যাণৰ সঞ্চালক ড° ৰঞ্জন কাকতি,গুৱাহাটী বিশ্ববিদ্যালয়ৰ ভাইচ চেঞ্চেলৰ মৃণালজ্যোতি ডেকা বিশিষ্ট অতিথি হিচাপে উপস্থিত থাকে৷এইসকল বিশিষ্ট ব্যক্তিক অনুষ্ঠানটিত সম্বৰ্ধনা জনোৱাৰ লগতে প্ৰয়াত সুনীল কোঠাৰীৰ বিষয়ে কিছু কথাও শ্ৰদ্ধাৰে স্মৰণ কৰা হয়৷বন্তি প্ৰজ্বলনৰে আৰম্ভ হোৱা ‘মোক্ষ’ শীৰ্ষক নৃত্য সন্ধিয়াটিত অৰুণাভজ্যোতি মালাকাৰৰ “খোল বাদন”,স্বনামধন্য নৃত্যশিল্পী অনিতা শৰ্মাৰ “গুৰু বন্দনাৰে সৈতে সত্ৰীয়া নৃত্য”,যশস্বী নৃত্যগুৰু বিপুল দাসৰ “কথক নৃত্য”,খ্যাতনমা নৃত্যশিল্পী তথা প্ৰৱক্তা ড° অঞ্জনাময়ী শইকীয়াৰ “ওডিচি নৃত্য” পৰিবেশনৰ লগতে গুৱাহাটীৰ সংগীত সত্ৰৰ শিল্পীসকলে ‘একলব্য’ আৰু আন এক সত্ৰীয়া নৃত্য প্ৰদৰ্শন কৰে৷

আজি আনুষ্ঠানিক ভাৱে মুকলি হ’ল উদ্যান শস্য মেলা

বৃহস্পতিবাৰৰ পৰা বোকাখাতত তিনিদিনীয়াকৈ অনুষ্ঠিত হ’ল আন্তঃৰাষ্ট্ৰীয় ভাৰ্চুৱেল পদ্ধতিৰে ৰাষ্ট্ৰীয় কৃষি আৰু উদ্যান শস্য মেলা ৷ মুখ্যমন্ত্ৰী সৰ্বানন্দ সোণোৱালে মেলাখন আনুষ্ঠানিকভাৱে মুকলি কৰাৰ কথা আছিল যদিও প্ৰতিকুল বতৰৰ বাবে উপস্থিত থাকিব নোৱাৰি ভাৰ্চুৱেল পদ্ধতিৰে অংশ গ্ৰহণ কৰে ৷ তাৰোপৰি মেলাখনত কেন্দ্ৰীয় কৃষিমন্ত্ৰী নৰেন্দ্ৰ সিং টোমাৰেও ভৰ্চুৱেল পদ্ধতিৰে অংশ গ্ৰহণ কৰে ৷ প্ৰায় দুঘন্টা পলমকৈ আৰম্ভ হোৱা উদ্বোধনী অনুষ্ঠানৰ কৃষিমন্ত্ৰী অতুল বৰাই আদৰণি ভাষণ প্ৰদান কৰাৰ সময়তে ভৰ্তি হৈ থকা মণ্ডপ খালী হৈ পৰা দেখা গ’ল ৷ অনুষ্ঠানত ১২ দেশৰ ৰাষ্টদূত আৰু উচ্চায়ুক্তই অংশ গ্ৰহণ কৰে ৷ এই বৃহৎ মেলাত ৰাজ্যখনৰ ৩৩ খন জিলাৰ ১৮৩ খন বিপনীয়ে অংশ গ্ৰহণ কৰিছে ৷ অৱশ্যে চিপচিপিয়া বৰষুণৰ বাবে উৎসাহ সীমিত হোৱা পৰিলক্ষিত হয় ৷ ৰাজ্যৰ ৫ শ কৃষকে প্ৰতিদিনে প্ৰশিক্ষণ লোৱাৰ লগতে গোলাঘাট জিলাৰ ৬ শ কৃষকে প্ৰতিদিনে প্ৰশিক্ষণ ল’ব ৷ প্ৰতি সন্ধ্যা ৰাজ্যৰ প্ৰতিস্থিত শিল্পীয়ে সাংস্কৃতিক কাৰ্যসূচী পৰিৱেশন কৰিব ৷ আজি প্ৰথম নিশা বিপিন চাওদাং, কল্পনা পাটোৱাৰী, সোমনাথ বৰা আৰু বিমান বৰুৱাৰ লগতে স্থানীয় শিল্পীৰ সাংস্কৃতিক অনুষ্ঠান অনুষ্ঠিত হ’ব ৷

খবৰ যুগুতালে বোকাখাতৰ পৰা দিব্যজ্যোতি হাজৰিকাই..