কেন্দ্ৰীয় সংৰক্ষিত আৰক্ষী বাহিনীৰ ( চি আৰ পি এফ ) পশ্চিম গুৱাহাটীৰ ৰাণীস্থিত ১৭৫ বি এন চি আৰ পি এফে জনহিতকৰ কাৰ্যসূচীৰ অংশহিচাপে ৰাণীৰ অসম – মেঘালয় সীমান্তৰ মনোমোহা বনভোজথলী হিচাপে পৰিচিত কপিলীত বনভোজ খাবলৈ অহা বা অৱসৰ বিনোদন কৰিবলৈ অহা লোক সকলৰ বাবে দুটাকৈ জিৰণি চ`ৰা নিৰ্মাণ কৰিছে । আজি জিৰণি চ`ৰা দুটা সকলোৰে ব্যৱহাৰৰ বাবে মুকলি কৰে ১৭৫ বি এন চি আৰ পি এফৰ কমাণ্ডেণ্ট সুভাষ চন্দ্ৰ শৰ্মাই । এই উপলক্ষে স্থানীয় বহুসংখ্যক লোকৰ উপস্থিতিত অনুষ্ঠিত চমু অনুষ্ঠানত কমাণ্ডেণ্ট শৰ্মাই জিৰণি চ`ৰা নিৰ্মাণৰ ওপৰত আলোকপাত কৰি আগন্তক দিনতো বাহিনীটোৰ ফালৰ পৰা ৰাইজলৈ সহায়ৰ হাত আগবঢ়োৱা হব বুলি ব্যক্ত কৰে । অনুষ্ঠানত ডেপুটি কমাণ্ডেণ্ট আব্দুল ৰহিম , জ্যেষ্ঠ চিকিৎসাৰ বিষয়া ডাঃ অনিল কুমাৰ ঠাকুৰ , ছুবেদাৰ মেজৰ অজিত কুমাৰকে ধৰি ১৭৫ বি এন চি আৰ পি এফৰ কেবাজনো বিষয়া , ৰাণী আঞ্চলিক পঞ্চায়তৰ সভাপতি পৰমেশ্বৰ বৰ্মন , স্থানীয় গাওঁবুঢ়া ৰবি স্বৰ্গীয়াৰী , আৰচুৰ ৰাণী আঞ্চলিকৰ সাধাৰণ সম্পাদক জিতেন ৰাভা , ষষ্ঠ অনুসূচিত দাবী সমিতিৰ কৰ্মকর্তা বাবুল ৰাভা , সাংবাদিক ধৰ্মেন্দ্ৰ দাসকে ধৰি অঞ্চলটোৰ কেবাজনো বিশিষ্ট লোক , বন বিভাগৰ ৰাণী বনাঞ্চলিক বিষয়া কাৰ্যালয়ৰ ডেপুটী ৰেঞ্জাৰ চৈয়দ খলিলুৰ ৰহমান , ৰাণী উন্নয়ন খণ্ডৰ সহায়ক আজিজা চাবেদুৰ বেগম উপস্থিত থাকে।
গুৱাহাটী বিশ্ববিদ্যালয় এন এছ এছ কোষৰ ৰাষ্ট্ৰীয় কন্যা শিশু দিবস উদযাপন
আজাদী কা অমৃত মহোৎসবৰ অংশ হিচাপে গুৱাহাটী বিশ্ববিদ্যালয়ৰ ৰাষ্ট্ৰীয় সেৱা আঁচনি কোষে ২৪ জানুৱাৰীত এক বেবিনাৰৰ মাধ্যমত ৰাষ্ট্ৰীয় কন্যা শিশু দিবস উদযাপন কৰে। মুখ্য অতিথি হিচাপে উপস্থিত থাকি বিশ্ববিদ্যালয়খনৰ উপাচাৰ্য প্ৰফেছৰ প্রতাপ জ্যোতি সন্দিকৈয়ে ৰাষ্ট্ৰীয় কন্যা শিশু দিবস উদযাপনৰ গুৰুত্ব সম্পৰ্কে বিস্তৃত আলোচনা কৰি কয় যে কন্যা শিশুৰ প্রতি শ্রদ্ধা প্রথমে ঘৰৰ পৰাই আৰম্ভ কৰা উচিত আৰু এনএছ এছ স্বেচ্ছাসেবকে মানুহৰ মাজলৈ এই বাৰ্তা প্ৰেৰণ কৰিবলৈ আহ্বান জনায় । উত্তৰ পূব এন এছ এছৰ আঞ্চলিক সঞ্চালক দীপক কুমাৰে কাৰ্য্যসূচী বিষয়া আৰু স্বেচ্ছাসেবক সকলক কন্যা শিশুৰ উন্নতি আৰু নিৰাপত্তাৰ বাবে উদ্যোগ লবলৈ আহ্বান জনায় । তেওঁ চৰকাৰী বিভিন্ন আঁচনি , গার্ল চাইল্ড আঁচনিসমূহ এন এছ এছ কাৰ্য্যসূচী বিষয়া আৰু স্বেচ্ছাসেবকসকলে আগুৱাই নিয়াত অৰিহণা যোগাব লাগিব বুলি উল্লেখ কৰে। অতিথি অৰু অংশগ্রহণকাৰীক আদৰণি জনায় বিশ্ববিদ্যালয়ৰ ছাত্ৰকল্যাণ সঞ্চালক তথা এন এছ এছৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিয়ে । তেওঁ কয় যে : কন্যা শিশুৰ অধিকাৰ ,শিক্ষাৰ গুৰুত্ব, স্বাস্থ্য আৰু লিংগ বৈষম্য আৰু শাৰীৰিক নিৰ্যাতনৰ দৰে সমস্যা সম্পৰ্কে সচেতনতাৰ বাবে ৰাষ্ট্ৰীয় কন্যা শিশু দিবস পালন কৰা হয় । স্বাধীনতাৰ ৭৫ বছৰ উদযাপনৰ বাবে ২০ বছৰৰ কম বয়সী ৭৫ জনী কন্যা শিশুক গুৱাহাটী বিশ্ববিদ্যালয় এন এছ এছ কোষৰ অধীনৰ বিভিন্ন কলেজ এন এছ এছ গোটৰ দ্বাৰা সমাজত অসামান্য অৱদানৰ বাবে স্মাৰক,গামোচা আৰু মানপত্ৰৰে সম্বৰ্ধনা জনায় । কলেজৰ অধ্যক্ষ, এনএছএছ প্রোগ্রাম অফিছাৰ আৰুস্বেচ্ছাসেবক সমন্বিতে প্রায় ৩০০ জন অংশগ্রহণকাৰী এই বেবিনাৰত অংশগ্ৰহণ কৰে।
ভিউৱাছৰ মতামত