ক’ভিড সৃষ্ট পৰিবেশৰ মাজতে গুৱাহাটীৰ বাসিন্দাসকলৰ মাজত কম মূল্যত সতেজ শাক-পাচলি যোগানৰ পদক্ষেপ গ্ৰহণ কৰিছে উত্তৰ-পূৱ আঞ্চলিক কৃষি বিপনন নিগম চমুকৈ ‘নেৰামেকে’-। ভাৰত চৰকাৰৰ ড’নাৰ মন্ত্ৰালয়ৰ অন্তৰ্গত এই প্ৰতিষ্ঠানটোৱে সতেজ শাক-পাচলি গুৱাহাটীৰ হাউচিং ছ’চাইটিসমূহত ম’বাইল ভানৰ জৰিয়তে প্ৰদান কৰাৰ ব্যৱস্থা গ্ৰহণ কৰিছে। নেৰামেকৰ কাৰ্যালয়ৰ পৰা ৰাজ্যৰ কৃষিমন্ত্ৰী অতুল বৰাই পৰিচালন সঞ্চালক মনোজ কুমাৰ দাস, ৰাজ্য চৰকাৰৰ উদ্যান শস্যৰ সঞ্চালক ত্ৰিৰংগা ভাৰতীয় বৰা আৰু কেইবাগৰাকী বিশিষ্ট অতিথিৰ উপস্থিত আজি এই ম’বাইল ভান সেৱাৰ আনুষ্ঠানিকভাৱে মুকলি কৰে। এই উপলক্ষে কৃষিমন্ত্ৰী অতুল বৰাই কয় যে, ইয়াৰ জৰিয়তে ৰাজ্যৰ কৃষকসকলে নিজৰ ফচলৰ বাবে উচিত মূল্য লাভ কৰাৰ লগতে গ্ৰাহকসকলেও কম মূল্যত আৰু সুৰক্ষিতভাৱে সতেজ শাক-পাচলি লাভ কৰিব পাৰিব। এই সতেজ শাক-পাচলি যোগান ধৰা প্ৰক্ৰিয়া ক’ভিড প্ৰট’কল অনুসৰণ কৰি গ্ৰহণ কৰা হ’ব। এই ক্ষেত্ৰত ৰাজ্য চৰকাৰে উদ্যান শস্য বিভাগ আৰু আদ নিগমে সহযোগিতা কৰিছে। তেওঁ লগতে কয় যে নেৰামেক বিভিন্ন স্থানৰ খেতিয়কসকলক বজাৰৰ সৈতে সংযোজিত কৰাত সহায় কৰি আহিছে। দুধনৈত কল, ৰাণীত আইজং চাউল, ওদালগুৰিত তৰমুজ, মণিপুৰত ক’লা চাউল আৰু দালচেনী, মানকাচাৰ-গোলাঘাট আৰু পশ্চিম গাৰো পাহাৰ জালুক ব্যৱসায়ীসকলৰ বাবে ক’ভিড পৰিস্থিতিৰ লগতে লকডাউন মাজত বজাৰৰ ব্যৱস্থা কৰিছে। উল্লেখ্য যে, উত্তৰ-পূৰ্বাঞ্চলৰ খেতিয়কসকলক এখন সঠিক মঞ্চ প্ৰদান কৰি কৃষকসকলৰ উন্নয়ণৰ বাবে ধাৰাবাহিকভাৱে পদক্ষেপ গ্ৰহণ কৰি আহিছে নেৰামেকে। যাতে কৃষকসকলে বজাৰত তেওঁলোকৰ উৎপাদিত শস্যৰ সঠিক বজাৰ মূল্য লাভ কৰে।
Trending
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন