থলুৱা পৰম্পৰা ৰক্ষা কৰি মাঘ বিহুৰ মেজিৰ জুঁইত জাতি ধ্বংসকাৰী বিধেয়ক খনক প্ৰতিজন অসমীয়াই দাহ কৰক।ৰাজ্যসভাতো বিষয়টোৱে গুৰুত্ব পাইছে।ৰাজনৈতিকভাৱে সকলোৱে মিলি সংগ্ৰাম কৰিব লাগিব ।এই মন্তব্য বিশিষ্ট সাংবাদিক মনজিত মহন্তৰ।আজি গুৱাহাটী প্ৰেছ ক্লাবত আয়োজন কৰা এক সংবাদ মেলত নাগৰিকত্ব সংশোধনী বিৰোধী মঞ্চৰ বুদ্ধিজীৱি ডক্টৰ হীৰেন গোহাঁইয়ে কয় যে ধৰ্মনিৰপেক্ষ দেশত এই বিধেয়কখন পৰিপন্থী ।ইয়াৰ দ্বাৰা কেৱল অসমেই নহয় সমগ্ৰ দেশ ক্ষতিগ্ৰস্ত হ’ব।ইফালে ৰ’ৰ প্ৰতিবেদনটো বিধেয়কখনক সম্পৰ্কত ৰাষ্ট্ৰ যে ক্ষতি হ’ব সেয়া উল্লেখ আছে।আনহাতে উদয়াদিত্য ভৰালীয়ে স্বৈৰাতন্ত্ৰৰ শাসন চলা বুলি মন্তব্য কৰি কয় যে নিকা দেশপ্ৰেম উদ্বুদ্ধ হ’লেহে গণতন্ত্ৰ সুস্থভাৱে বৰ্তি থাকিব ।উল্লেখযোগ্য যে নাগৰিকত্ব সংশোধনী বিধেয়কখন বিৰোধিতা কৰি বিৰোধী মঞ্চই আজি ৰাজ্যসভাৰ অধ্যক্ষলৈ বিশেষ পত্ৰ প্ৰেৰণ কৰিছে।বিৰোধী মঞ্চই উল্লেখ কৰা অনুসৰি জে পি চিতে কেৱল গুৱাহাটী, শ্বিলং, শিলচৰৰপৰা মন্তব্য লৈ দায়িত্ব সামৰিলে।প্ৰয়োজন সাপেক্ষে উচ্চতম ন্যায়ালয়ৰ দ্বাৰস্থ হ’ম বুলি সংবাদ মেলত উল্লেখ কৰে।লগতে শিক্ষাৰ্থীসকলে শিক্ষাবৰ্ষ হেৰুৱালে তাৰ প্ৰতি দায়বদ্ধ পৰিস্থিতিৰ উদ্বেগকাৰীসকল হ’ব বুলি মন্তব্য কৰে।সংবাদমেলখনত হাইদৰ হুছেইন, শান্তনু বৰঠাকুৰ,শিক্ষাবিদ ডক্টৰ দীনেশ বৈশ্যৰ আদি কৰি বহুকেইজন ব্যক্তি উপস্থিত থাকে।
Trending
- চি আই ডিৰ মহাপৰিদৰ্শক হিচাপে নিযুক্তি লাভ আইৰণ লেডীৰ
- আজি অনুষ্ঠিত হয় প্রথম পৰ্য্যায়ৰ ভোটদানৰ পৰ্ব
- আজাৰাত এন ডি আৰ এফৰ প্ৰথম বেটেলিয়ানত সঞ্চালক প্ৰধান পীযুষ আনন্দ
- ৭৭ নং ঢকুৱাখনা বিধানসভা সমষ্টিৰ নিৰ্বাচনী বিষয়া কৰ্মী ৰাওনা ভোটকেন্দ্ৰলৈ
- ধেমাজি জৱাহৰ নবোদয় বিদ্যালয়ত সমাবেশ অনুষ্ঠান-নবাগতক বিদ্যালয় কৰ্তৃপক্ষৰ আদৰণি
- দীপৰ বিলৰ কাষৰীয়া দেউছতালত বৰো ধানৰ খেতিৰে সেউজ বিপ্লৱ গঢ়িছে বলেশ্বৰ ৰংপীয়ে
- ড্ৰাই ডে ঘোষণা
- মহানগৰীত ন’ ফ্লাই আৰু ন ক্ৰেকাৰ জ’ন “ঘোষণা জিলা দণ্ডাধীশৰ
- ব্যয় পৰ্যবেক্ষকৰ বৈঠক
- দুদিনীয়া কাৰ্যসূচীৰে অসমলৈ আহিব পঞ্জাবৰ মুখ্যমন্ত্ৰী ভগৱন্ত মান