বিগত ৩ বছৰৰ সংগীত নাটক অকাদেমী বঁটা। অসমৰ ৫ গৰাকীলৈ ২০২২ বৰ্ষৰ সংগীত নাটক অকাদেমী বঁটা আগবঢ়োৱা হৈছে। সত্ৰীয়া নৃত্যলৈ অৱদান আগবঢ়োৱাৰ বাবে হৰি বৰা বৰবায়নক ২০২২ বৰ্ষৰ সংগীত নাটক অকাদেমী বঁটা আগবঢ়োৱা হৈছে। প্ৰখ্যাত বেহেলাবাদক মিনতি খাউণ্ডলৈ, ব্যাস ওজাপালিলৈ অৱদান আগবঢ়োৱাৰ বাবে গুৰুপ্ৰদাস ওজালৈ, সত্ৰীয়া ওজাপালিৰ বাবে গুৰুপ্ৰসাদ ওজালৈ আৰু লোকসংগীত আৰু লোক নৃত্যৰ বাবে মাখন চন্দ্ৰ বৰালৈ ২০২২ বৰ্ষৰ সংগীত নাটক অকাদেমী বঁটা আগবঢ়োৱা হয়।লোক সংগীত, লোক নৃত্যৰ একনিষ্ঠ সাধক প্ৰসন্ন গগৈয়ে ২০২১ বৰ্ষৰ লোক সংগীত আৰু লোক নৃত্যৰ বাবে সংগীত নাটক অকাদেমী বঁটা লাভ কৰিবলৈ সক্ষম হৈছে। আনহাতে, সত্ৰীয়া নৃত্যৰ শিল্পী ৰঞ্জুমণি শইকীয়াই ২০১৯ বৰ্ষৰ সংগীত নাটক অকাদেমী বঁটা লাভ কৰিবলৈ সক্ষম হৈছে। শাস্ত্ৰীয় নৃত্যৰ পৰিৱেশত ডাঙৰ দীঘল হোৱা বিশিষ্ট শিল্পী ৰসেশ্বৰ শইকীয়া বৰবায়নৰ জীয়ৰী ৰঞ্জুমণি শইকীয়া।সংগীত সত্ৰত বছৰি বহু ছাত্র-ছাত্ৰীক নৃত্যৰ প্ৰশিক্ষণ দি আহিছে ৰঞ্জুমণিয়ে। ভাৰতৰ বিভিন্ন সাংস্কৃতিক অনুষ্ঠানত নৃত্য প্ৰদৰ্শন কৰাৰ উপৰিও আন্তঃৰাষ্ট্ৰীয় পৰ্যায়তো শাস্ত্ৰীয় নৃত্যৰে ভূয়সী প্ৰশংসা লাভ কৰিবলৈ সক্ষম হৈছে তেওঁ।ইয়াৰ উপৰিও পৰিচালক অৱিনাশ শৰ্মা, অভিনয়ৰ ক্ষেত্ৰত প্রাঞ্জল শইকীয়া ২০১৯ বৰ্ষৰ আৰু লোকশিল্পী গুণীন্দ্র নাথ ওজাও নিৰ্বাচিত হৈছে সংগীত নাটক অকাদেমী বঁটাৰ বাবে। দেশৰ মুঠ ১২৮ গৰাকী শিল্পীলৈ সংগীত নাটক অকাদেমী বঁটা আগবঢ়োৱা হৈছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন