আই এ এছ এছ টিলৈ বিজ্ঞান প্ৰযুক্তি বিদ্যাৰ ৰাজ্যিক বঁটা

গুৱাহাটীৰ পশ্চিম বৰাগাওস্থিত বিজ্ঞান আৰু প্ৰযুক্তিৰ উচ্চ অধ্যয়ন প্ৰতিষ্ঠান চমুকৈ আই এ এছ এছ টিলৈ অসম চৰকাৰৰ বিজ্ঞান প্ৰযুক্তি আৰু জলবায়ু পৰিৱৰ্তনৰ বিভাগে প্ৰতিষ্ঠানটোৱে উচ্চ মানৰ বৈজ্ঞানিক গৱেষণা কামৰ উপৰিও অসমৰ বিজ্ঞানৰ প্ৰসাৰ আৰু প্ৰচাৰ তথা কাষৰীয়া জনগোষ্ঠীয় গাঁওসমূহক দপ্তৰ গাঁও হিচাপে গ্ৰহণ কৰি সেই গাঁওসমূহক উৎকৰ্ষ সাধন আৰু অৱদানৰ বাবে ২০২০ চনৰ বিজ্ঞান আৰু প্ৰযুক্তিৰ ৰাজ্যিক পুৰস্কাৰ প্ৰদান কৰিছে। অসমৰ মূখ্যমন্ত্ৰী ড০ হিমন্ত বিশ্ব শৰ্মা আৰু ভাৰত চৰকাৰৰ শিক্ষা বিভাগৰ মন্ত্ৰীয়ে যুটীয়াভাৱে অনুষ্ঠিত গুৱাহাটীস্থিত আই আই টিৰ নৰ্থ ইষ্ট ৰিচাৰ্জ কনক্লেভ ২০২০ উপলক্ষে বিতৰণী সভাত এই বঁটা প্ৰদান কৰে আই এ এছ এছ টিৰ সঞ্চালক অধ্যাপক আশীষ কুমাৰ মূখাৰ্জীক। বঁটা গ্ৰহণ কৰি অধ্যাপক মূখাৰ্জীয়ে কয় যে অসম চৰকাৰৰ এই বঁটাটোৱে অনুষ্ঠানটোত কৰ্মৰত প্ৰত্যেকজন বিজ্ঞানী, গৱেষক ছাত্ৰ-ছাত্ৰী তথা কৰ্মচাৰীক যথেষ্ট উৎসাহ যোগাব আৰু ভৱিষ্যতে অধিক কাম কৰাৰ অনুপ্ৰেৰণা যোগাব। তেখেতে অসম চৰকাৰৰ লগতে ৰাজ্যবাসীক ধন্যবাদ জ্ঞাপন কৰে।