কাঁহিকুছিত কাছ নাছৰ সাধাৰণ সভা-বিভিন্ন বিজ্ঞানীৰ কৃষকৰ উদ্দেশ্যি বক্তব্য প্ৰদান

অসমৰ পুৰণি কৃষক সংগঠন কাছ-নাছ কেন্দ্ৰীয় সমিতিৰ ২৯ মে’ত সাধাৰণ সভাখনি কাঁহিকুছি উদ্যান আৰু গৱেষণা কেন্দ্ৰত অনুষ্ঠিত হয়। সংগঠনটোৱে প্ৰতিষ্ঠাকালৰপৰাই প্ৰকৃত কৃষকক উৎপাদনী কামত জড়িত কৰি আহিছে। ডিমা হাছং, কাৰ্বি আলং আদি পাহৰীয়া জিলাকে ধৰি অসমৰ প্ৰতিখন জিলাৰ প্ৰকৃত কৃষকক ধান মৰা,পানী যোগান ধৰা মেচিন যোগান ধৰিও আহিছে। এই উপলক্ষে ফিলিপাইনচৰ পৰা ইৰীৰ যোগেদি অহা নানা কৃষকৰ যন্ত্ৰ সঁজুলি বিকল হলে কেনেকৈ সুচল কৰিব পাৰি তাৰ ওপৰত প্ৰশিক্ষণ দিয়াৰ সন্দৰ্ভতও প্ৰশিক্ষণ দিয়া হয়। লকডাউনৰ পিছত ৰাজ্যৰ বিভিন্ন জিলাত কৃষকৰ অৱস্থা শোচনীয় হৈ পৰিছিল। এই কৃষকক বিভিন্ন দিশত উপকৃত কৰাৰ উদ্দেশ্যে সভাখন অনুষ্ঠিত কৰা হয়। বিভিন্ন জিলাৰ পৰা অহা কেন্দ্ৰীয় প্ৰতিনিধি, এই সংগঠনৰ কেন্দ্ৰীয় সমিতিৰ সদস্য, প্ৰধান সম্পাদক কৃষ্ণমোহন তালুকদাৰ, সভাপতি ভুলেন হাজৰিকা, প্ৰতিষ্ঠাপক মূখ্য উপদেষ্টা লোহিত গগৈ, কৃষি বিজ্ঞানী তথা কৃষক বন্ধু ড০ ধীৰেন্দ্ৰ নাথ কলিতা, সেউজ ৰত্ন বিজ্ঞানী ড০ কমল মল্ল বৰুৱাকে ধৰি কেইবাগৰাকী বিজ্ঞানীয়ে অংশগ্ৰহণ কৰি কৃষকৰ উপকৃত হোৱাৰ লগতে কৃষি কাৰ্য ৰোপণৰ ওপৰত ভাষণ আগবঢ়ায়। এই অনুষ্ঠানত বিশেষভাৱে সহায় কৰে কৃষক অধিকাৰ সুৰক্ষা সমিতি নাছৰ দক্ষিণ কামৰূপৰ সভানেত্ৰী বৰ্ণালী তালুকদাৰসহ সংগঠনটোৰ সদস্যসকলে।