কাজিৰঙা ৰাষ্ট্ৰীয় উদ্যানৰ দক্ষিণ সীমাৰে যোৱা ৩৭ নং ৰাষ্ট্ৰীয় পথৰ এনিমেল কৰিডৰত নিৰ্মাণ হ’ব ৩৬ কিলোমিটাৰ দৈৰ্ঘ্যৰ এখন উৰণীয়া সেঁতু । ৫ ছেপ্টেম্বৰত দিচপুৰৰ মুখ্যমন্ত্ৰী কাৰ্য্যালয়ত অনুষ্ঠিত ৰাজ্যিক বন্যপ্ৰাণী পৰিষদ বৈঠকত এই বিষয়ত সিদ্ধান্ত গ্ৰহণৰ পিছত মুখ্যমন্ত্ৰী সৰ্বানন্দ সোণোৱালে উৰণীয়া সেঁতু নিৰ্মাণত অনুমোদন জনায় । মুখ্যমন্ত্ৰীৰ অধ্যক্ষতাত অনুষ্ঠিত এই বৈঠকত বন মন্ত্ৰী পৰিমল শুক্লবৈদ্য, খুমটাই সমষ্টিৰ বিধায়ক মৃণাল শইকীয়াকে ধৰি কেইবাগৰাকীও বিধায়ক আৰু বহুকেইজন উচ্চপদস্থ প্রশাসনিক বিষয়া আৰু পৰিষদৰ সদস্য সকল উপস্থিত আছিল । বিধায়ক মৃণাল শইকীয়াই সাংবাদিকৰ আগত উল্লেখ কৰা অনুসৰি বন্যপ্ৰাণী পৰিষদৰ এই বৈঠকত মুম্বাইৰ ৱাডিয়া টেকন’ ইঞ্জনিয়াৰিং ছাৰ্ভিচ প্রাইভেট লিমিটেড নামৰ এটা প্রতিষ্ঠানক এনিমেল কৰিডৰত হ’ব লগা উৰণীয়া সেঁতু নিৰ্মাণৰ দায়িত্ব দিয়া হৈছে । উল্লেখযোগ্য যে অক্টোবৰ মাহৰ ভিতৰত এই প্ৰাক্ কলন সম্পূৰ্ণ কৰিব প্ৰতিষ্ঠানটোৱে ৷ ইয়াৰ বিনিময়ত মুম্বাইৰ উক্ত প্রতিষ্ঠানটোক ৩.৭৬ কোটি টকা অসম চৰকাৰে প্ৰদান কৰিব। উৰণীয়া সেঁতু নিৰ্মাণৰ বাবে ব্যয় হ’ব ২,৬২৫ কোটি টকা। উৰণীয়া সেতুখনৰ দৈৰ্ঘ্য হ’ব ৩৫.৮২০ কিলোমিটাৰ আৰু প্ৰস্থ হ’ব ১১ মিটাৰ।বিধায়ক শইকীয়াই জনোৱা মতে চলিত বৰ্ষৰ শেষৰ ফালে অথবা ২০২০ চনৰ প্ৰথমভাগতেই উৰণীয়া সেঁতুখনৰ নিৰ্মাণৰ কাম আৰম্ভ হ’ব।খবৰ যুগুতালে কাজিৰঙাৰ পৰা দিব্য জ্যোতি হাজৰিকাই..
Trending
- আজাৰাত এন ডি আৰ এফৰ প্ৰথম বেটেলিয়ানত সঞ্চালক প্ৰধান পীযুষ আনন্দ
- ৭৭ নং ঢকুৱাখনা বিধানসভা সমষ্টিৰ নিৰ্বাচনী বিষয়া কৰ্মী ৰাওনা ভোটকেন্দ্ৰলৈ
- ধেমাজি জৱাহৰ নবোদয় বিদ্যালয়ত সমাবেশ অনুষ্ঠান-নবাগতক বিদ্যালয় কৰ্তৃপক্ষৰ আদৰণি
- দীপৰ বিলৰ কাষৰীয়া দেউছতালত বৰো ধানৰ খেতিৰে সেউজ বিপ্লৱ গঢ়িছে বলেশ্বৰ ৰংপীয়ে
- ড্ৰাই ডে ঘোষণা
- মহানগৰীত ন’ ফ্লাই আৰু ন ক্ৰেকাৰ জ’ন “ঘোষণা জিলা দণ্ডাধীশৰ
- ব্যয় পৰ্যবেক্ষকৰ বৈঠক
- দুদিনীয়া কাৰ্যসূচীৰে অসমলৈ আহিব পঞ্জাবৰ মুখ্যমন্ত্ৰী ভগৱন্ত মান
- এল জি ইলেক্ট্ৰনিক্সে মুকলি কৰিলে MoodUP*
- যোগোৎসৱ আয়োজন