এইবাৰ নতুন দিল্লী অনুষ্ঠিত হ’ব লগা গণৰাজ্য দিৱসৰ কাৰ্যসূচীত ৰাষ্ট্ৰীয় শিক্ষাৰ্থী বাহিনীৰ উত্তৰ-পূব মণ্ডলৰ পৰা স্থল,নৌ আৰু বায়ু শাখাৰ ১১৬ জন কেডেটে অংশগ্ৰহণ কৰিব ।গুৱাহাটীৰ নাৰেংগী চাউনীত ৯ ডিচেম্বৰৰ পৰা অনুষ্ঠিত প্ৰাক গণৰাজ্য দিৱসৰ চূড়ান্ত আখৰাত অসমকে ধৰি উত্তৰ-পূবৰ সাতোখন ৰাজ্যৰ তিনিওটা শাখাৰ ২৭২ জন কেডেটৰ পৰা এই কাৰ্যসূচীত ভাগ ল’বলগীয়া কেডেটৰ দলটো নিৰ্বাচন কৰা হয়।অহা ২৯ ডিচেম্বৰত চূড়ান্ত আখৰা সামৰণি পৰিব আৰু সেইদিনাই গুৱাহাটীৰ পৰা ৰেলযোগে নিৰ্বাচিত দলটো দিল্লীৰ অভিমুখে যাত্ৰা কৰিব।আনহাতে ২৪ ডিচেম্বৰত এন চি চি ৰ শ্বিলংস্থিত উত্তৰ-পূব মণ্ডল সঞ্চালকালয়ৰ অতিৰিক্ত সঞ্চালক প্ৰধান মেজৰ জেনেৰেল বিপিন বাগচীয়ে নাৰেংগী সেনা চাউনীত চলি থকা প্ৰাক গণৰাজ্য দিৱসৰ চূড়ান্ত শিবিৰ পৰিদৰ্শন কৰে।পৰিদৰ্শন কালত কেডেট সকলৰ অভিবাদন গ্ৰহণ কৰি মেজৰ জেনেৰেল বিপিন বাগচীয়ে নতুন দিল্লীত গণৰাজ্য দিৱসৰ কাৰ্যসূচীত যাতে উন্নত প্ৰদৰ্শনৰে নিজৰ লগতে উত্তৰ পূবলৈ গৌৰৱ কঢ়িয়াই আনিব পাৰে তাৰ কামনা কৰে।পৰিদৰ্শন কালত মুখ্য প্ৰশিক্ষণ বিষয়া বিপ্ৰেডিয়াৰ বি পি পালকে ধৰি নাৰেংগী সেনা চাউনীৰ কেইবাগৰাকী বিষয়া উপস্থিত থাকে।উল্লেখযোগ্য যে নতুন দিল্লীত উত্তৰ পূব কেডেটৰ দলটোৱে গাৰ্ড অব অনাৰ,ৰাজপথ ড্ৰীল,প্ৰধানমন্ত্ৰী ৰেলী,ফায়াৰিং,ফ্লেগ এৰিয়া প্ৰদৰ্শন,সাংস্কৃতিক অনুষ্ঠানকে ধৰি বিভিন্ন কাৰ্যসূচীত অংশগ্ৰহণ কৰিব।
Trending
- *শিৱসাগৰত মহীয়সী জয়মতী স্মৃতি দিৱসত মন্ত্ৰী পীযুষ হাজৰীকা
- বি বৰুৱা মহাবিদ্যালয়ত ৮০ বছৰীয়া জয়ন্তী উদযাপন
- 2nd NTPC National Ranking Archery Tournament concludes at SAI, NEHU Campus, Shillong
- মিশ্যন ফ্লাড ফ্ৰী গুৱাহাটী’ৰ লগতে আন কেইবাটাও বিভাগৰ সৈতে জনতা ভৱনত মন্ত্ৰী অশোক সিংহলৰ গুৰুত্বপূৰ্ণ বৈঠক
- ডিব্ৰুগড়-তিনিচুকীয়াত বিভাগীয় কাম পৰিদৰ্শন জলসম্পদ মন্ত্ৰী পীযুষ হাজৰীকাৰ
- বটদ্ৰৱাৰ নসত্ৰত নগাঁও জিলা সাহিত্য সভাৰ লক্ষ্মীনাথ বেজবৰুৱাৰ স্মৃতি দিৱস উদযাপন
- সমগ্ৰ জীৱৰ মুক্তি আৰু জনগণৰ মঙ্গলাৰ্থে নামনি অসমৰ ধুবুৰী জিলাৰ হৰলটাৰীত অনুষ্ঠিত হল তিনিদিনীয়াকৈ পালনাম
- অসমৰ বিহুক আন্তঃৰাষ্ট্ৰীয় ৰাষ্ট্ৰীয় পৰ্য্যায়ত বিজেপি নেতৃত্বাধীন কেন্দ্ৰীয় আৰু অসম চৰকাৰে চলাইছে বিশেষ প্ৰচাৰ কাৰ্য্য
- ৰঙিয়াত মুখ্যমন্ত্ৰীৰ বিকাশৰ এদিন কাৰ্যসূচী ৰূপায়ণ
- নগাঁৱত জলসম্পদ বিভাগৰ বহুকেইটা প্ৰকল্পৰ কাম আনুষ্ঠানিকভাৱে আৰম্ভ মন্ত্ৰী পীযুষ হাজৰীকাৰ