গুৱাহাটী জিলা পুথিভঁৰালৰ প্ৰেক্ষাগৃহত ভাৰতীয় নৃত্য উৎসৱ উপলক্ষ্যে প্ৰজেক্সেল (projexel) ফাউণ্ডেশ্যনৰ সৌজন্যত হেলপিং হেণ্ডচ চোচিয়েল ফাউণ্ডেশ্যনৰ সহযোগত কালি সন্ধিয়া এক বিচিত্ৰ অনুষ্ঠানৰ লগতে ভিন ভিন ক্ষেত্ৰৰ ১৩ ( তেৰ) জন বিশিষ্ট লোকলৈ জীৱনযোৰা সাধনা সন্মান প্ৰদান কৰে । সন্ধিয়া ৬:৩০ বজাত প্ৰদীপ প্ৰজ্বলনেৰে কাৰ্যসূচীৰ শুভাৰম্ভ কৰে বয়োজ্যেষ্ঠ সমাজকৰ্মী কামদেৱ শৰ্মা, অসম সাহিত্য সভাৰ কাৰ্যনিৰ্বাহক সদস্য তথা সাংবাদিক, লেখক দীপক শৰ্মা আৰু সমাজসেৱী গীতা দেৱানে।প্ৰজেক্সেল ফাউণ্ডেশ্যনৰ সঞ্চালক ড০ ববিতা সিনহাই আদৰণি ভাষণ জনোৱা বৰ্ণিল অনুষ্ঠানটোত বাংলাদেশৰ নৃত্যশিল্পী কামান্না ৰেহমান,সাহিত্যিক পেন্সনাৰ দিলস্ লক্ষ্মীন্দ্ৰ সিংহ,শিলচৰৰ বিশিষ্টা লেখিকা, অনুবাদিকা মঞ্জু সিনহা, অসমৰ প্ৰথমগৰাকী অসমীয়া গহণাৰ স্ৰষ্টা ৱাহেদা ৰহমান, বিষ্ণুপ্ৰিয়া মণিপুৰী উন্নয়ন পৰিষদৰ উপাধ্যক্ষ সমৰজিৎ সিনহা, আশুতোষ সিনহা, পূৰ্ণ মাঝি সিনহাই মুখ্য আৰু বিশিষ্ট অতিথি হিচাপে অংশ লৈ ভাৰতীয় সমাজ জীৱনত নৃত্যৰ প্ৰভাৱ আৰু ইয়াৰ প্ৰাসংগিকতা সাৱলীল ভাৱে উপস্থাপন কৰে । সাধনা সিনহা আৰু মঞ্জুৰী শৰ্মাই আঁত ধৰা অনুষ্ঠানত গুৰু সত্যজিৎ সিনহাৰ পবিত্ৰ সোঁৱৰণত মৰোণোত্তৰভাৱে গুৰু হৰিচৰণ সিনহা ( শ্বিলং, মেঘালয়), মৰণোত্তৰভাৱে নৃত্যগুৰু লক্ষণ সিনহা (পাথাৰকান্দি, শিলচৰ), জয়া দুৱৰা শইকীয়া (অসমৰ প্ৰথমগৰাকী বিহুকুঁৱৰী, গুৱাহাটী), বন্দনা দত্ত (বৰগীতৰ শিল্পী, অসম ডাউন টাউন বিশ্ববিদ্যালয়, পানীখাইটি, গুৱাহাটী), বিপুল দাস (কথক নৃত্যশিল্পী, গুৱাহাটী), ইন্দিৰা নন্দি (প্ৰসিদ্ধ শিল্পী, ধুবুৰী), সুনীল কুমাৰ সিনহা (গুৱাহাটী), ড০ স্বপন কুমাৰ সিনহা (শিলচৰ), অমল গুপ্তা (সাংবাদিক, গুৱাহাটী), মৰণোত্তৰভাৱে হিমু সিনহা (বোলছৱিৰ কৰিঅগ্ৰাফাৰ, মুম্বাই, কু়ঞ্জলাল সিনহা (পাথাৰকান্দি),এলভিছ আলি হাজৰিকা (খেলুৱৈ) আৰু হেমন্ত কুমাৰ (অধ্যাপক, বিশ্বভাৰতী, কোলকাতা)ক জীৱনযোৰা সাধনা” সন্মান প্ৰদান কৰে । অনুষ্ঠানত সত্ৰীয়া নৃত্য, দেউধনী নৃত্য, মণিপুৰী নৃত্য, খোলবাদন, ভোৰতাল আদি বিভিন্ন নৃত্য পৰিৱেশন কৰি অনুষ্ঠানটি প্ৰাণবন্ত কৰি তোলে।
Trending
- ২০০ খন বিছনাযুক্ত ওদালগুৰি জিলা অসামৰিক চিকিৎসালয় পৰিদৰ্শন- মন্ত্ৰী অশোক সিংহলৰ
- শাওণ মাহৰ প্ৰথমটো সোমবাৰত বোলবোম উপলক্ষে ভীমাশংকৰত হাজাৰ হাজাৰ ভক্তৰ সমাগম
- ইণ্ডিয়া-এআই মিছন : অসমৰ ৫ শিক্ষানুষ্ঠানত স্থাপন হ’ব কৃত্ৰিম বুদ্ধিমত্তাৰ ডাটা লেব
- ফৰ্টিফাইড চাউলৰ সজাগতামূলক সংবাদ মাধ্যমৰ কৰ্মশালা
- অসম সাংস্কৃতিক ন্যাসৰ পাঁচদিনীয়া গ্ৰীষ্মকালীন কৰ্মশালাৰ সামৰণি
- চিন্তাবিদ – সমালোচক ডঃ হীৰেন গোঁহাইসহ চাৰিগৰাকী সাহিত্যিক- শিল্পীলৈ সাহিত্য সাধনা মঞ্চ অসমৰ সন্মান
- চিত্ৰশিল্পী-কবি ৱাহিদা আহমেদৰ কাব্যগ্ৰন্থ এশ বিয়োগ এক উন্মোচন
- জ্ঞানমালিনী সাহিত্য সভাৰ আজীৱন সভ্য ভৰ্ত্তি অভিযান
- এয়াৰটেলৰ গ্ৰাহকৰ বাবে বিশেষ সুবিধা
- সাংসদ গৌৰৱ গগৈৰ দাবীৰ প্ৰতি সঁহাৰি ৰেলৱে বোৰ্ডৰ -ডুমডুমা ৰেলৱে ষ্টেচন পুনৰ মুকলি কৰি যাত্ৰী সংৰক্ষণ ব্যৱস্থা(passenger reservation system) স্থাপনৰ দাবীক মান্যতা