বডোফা উপেন্দ্ৰনাথ ব্ৰহ্মৰ জন্ম দিৱসটি ছাত্ৰ দিৱস হিচাপে সোমবাৰে গুৱাহাটী বিশ্ববিদ্যালয় আৰু বিশ্ববিদ্যালয় এন এছ এছ কোষে এক ৱেবিনাৰৰ জৰিয়তে ছাত্ৰ দিৱস উদযাপন কৰে। ৱেবিনাৰখন উদ্ধোধন কৰি গুৱাহাটী বিশ্ববিদ্যালয়ৰ পঞ্জীয়ক অধ্যাপক উৎপল শৰ্মাই সমাজলৈ ব্ৰহ্মৰ অমূল্য অৱদান, বিশেষকৈ তেওঁৰ বিদ্বান আৰু নেতৃত্বৰ প্ৰচেষ্টাৰ ওপৰত আলোকপাত কৰে। ৱেবিনাৰত ভাগ লোৱা সকলক আদৰণি জনাই গুৱাহাটী বিশ্ববিদ্যালয়ৰ ছাত্ৰকল্যাণ সঞ্চালক ড০ ৰঞ্জন কুমাৰ কাকতিয়ে চমু ভাষণত ব্ৰহ্মৰ দূৰদৰ্শী নেতৃত্ব আৰু বড়ো সম্প্ৰদায়ক আন্তঃৰাষ্ট্ৰীয় ক্ষেত্ৰত উন্নীত কৰাত তেওঁৰ উল্লেখযোগ্য ভূমিকাৰ ওপৰত গুৰুত্ব আৰোপ কৰে। পদ্মশ্ৰী বঁটা প্ৰাপক গুৱাহাটী বিশ্ববিদ্যালয়ৰ লোকসংস্কৃতি অধ্যয়ন বিভাগৰ মুৰব্বী অধ্যাপক অনিল কুমাৰ বড়োৱে ব্ৰহ্মৰ সংগ্ৰাম আৰু সদৌ বড়ো ছাত্ৰ সন্থা (এবছু)ৰ নেতৃত্ব দিয়াৰ ক্ষেত্ৰত তেওঁৰ উল্লেখযোগ্য যাত্ৰাৰ ওপৰত আলোকপাত কৰি মূল ভাষণ প্ৰদান কৰি ছাত্ৰ দিৱস পালনৰ জৰিয়তে ব্ৰহ্মক সন্মান জনোৱাৰ বাবে অসম চৰকাৰৰ শলাগ লয়। অনুষ্ঠানত অধ্যাপক অধ্যাপিকা ,এন এছ এছৰ স্বেচ্ছাসেৱক, আৰু বিভিন্ন মহাবিদ্যালয়ৰ ছাত্ৰ-ছাত্ৰী প্ৰায় ১০০ জনে ভাগ লৈ বডোফা উপেন্দ্ৰনাথ ব্ৰহ্মৰ প্ৰতি সামূহিক শ্ৰদ্ধাঞ্জলি জ্ঞাপন কৰে । এন এছ এছ গোটৰ কাৰ্যসূচী বিষয়া ডঃ ঋতুপৰ্ণ বৰাৰ ধন্যবাদ জ্ঞাপনেৰে ৱেবিনাৰৰ সামৰণি পৰে।
Trending
- সাহিত্য অকাডেমী বঁটা প্ৰাপক সুৰেন্দ্ৰ মোহন দাসক উষ্ম অভিনন্দন
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ