গুৱাহাটী বিশ্ববিদ্যালয়ত কাউন্সিল ফৰ টিচাৰ এডুকেচন ফাউণ্ডেশ্যন (চিটিইএফ) আৰু বিশ্ববিদ্যালয়ৰ এনএছএছ কোষৰ উদ্যোগত ২৬ জুনত দিনজোৰা কাৰ্যসূচীৰে ফণীধৰ দত্ত প্ৰেক্ষাগৃহত “দেশ প্ৰথম : যুৱ আহ্বান কৰা” শীৰ্ষক এক যুৱ সন্মিলন সম্পন্ন হয় ।মুখ্য অতিথি হিচাপে উপস্থিত থাকি অসমৰ মাননীয় ৰাজ্যপাল আৰু বিশ্ববিদ্যালয়ৰ আচাৰ্য প্ৰফেছৰ জগদীশ মুখী ডাঙৰীয়াই কয় যে যুৱক-যুৱতী দেশৰ নিৰ্মাতা আৰু আত্মনিৰ্ভৰ ভাৰত আঁচনিৰ জৰিয়তে যুৱক-যুৱতীসকল আত্মনিৰ্ভৰশীল হোৱাৰ বাবে যাৱতীয় পদক্ষেপ গ্ৰহণ কৰিব লাগে। দেশ গঠনৰ বাবে প্ৰতিজন যুৱকৰ দায়িত্ব অতি গুৰুত্বপূৰ্ণ আৰু ভাৰতীয় সংস্কৃতি আৰু ঐতিহ্য সংৰক্ষণৰ বাবে এন এছ এছ স্বেচ্ছাসেৱক আৰু এন চি চি ৰ সদস্যসকলে আমাৰ সমাজত সক্ৰিয় ভূমিকা গ্ৰহণ কৰা উচিত আৰু বিজ্ঞান আৰু প্ৰযুক্তিৰ উদ্ভাৱনমূলক ক্ষেত্ৰত গুৰুত্ব দিবলৈ আহ্বান জনায় ।বিশ্ববিদ্যালয়খনৰ উপাচাৰ্য অধ্যাপক প্ৰতাপ জ্যোতি সন্দিকৈয়ে ভাষণ প্ৰসংগত কয় যে যুৱক-যুৱতী হৈছে আমাৰ দেশৰ ভৱিষ্যত আৰু যুৱক-যুৱতীয়ে জাতি গঠনত এক বৃহৎ ভূমিকা পালন কৰে আৰু দেশৰ বিকাশ আৰু প্ৰগতিৰ দিশত আগবাঢ়ি যোৱাত সহায় কৰে। অধ্যাপক সন্দিকৈয়ে এন এছ এছৰ স্বেচ্ছাসেৱক আৰু কাৰ্যসূচী বিষয়াসকলৰ সমাজ আৰু জাতিলৈ আগবঢ়োৱা অৱদানৰ শলাগ লয়। সন্মানীয় অতিথি হিচাপে NERAMAC ৰ পৰিচালক সঞ্চালক আৰু নেডফিৰ উপদেষ্টা আৰু পৰামৰ্শদাতা মনোজ কুমাৰ দাসে এজন উদ্যোগী হোৱাৰ সম্ভাৱ্য সুবিধাসমূহ ব্যাখ্যা কৰাৰ লগতে এন এছ এছৰ স্বেচ্ছাসেৱকসকলৰ বাবে উপকাৰী হ’ব পৰা বিভিন্ন আঁচনিৰ কথা উল্লেখ কৰে। অনুষ্ঠানৰ আৰম্ভণিতে চিটিইএফৰ অধ্যক্ষ অধ্যাপক নিলিমা ভগাবতীয়ে অতিথি আৰু অংশগ্ৰহণকাৰীসকলক আদৰণি জনাই কয় যে ছাত্ৰ সমাজৰ অধিক স্বাৰ্থৰ বাবে চিটিইএফে জ্ঞানভিত্তিক কাৰ্যসূচীৰ ওপৰত কাম কৰি আহিছে। গুৱাহাটী বিশ্ববিদ্যালয়ৰ ছাত্ৰকল্যান সঞ্চালক তথা এন এছ এছৰ কাৰ্যসূচী সমন্বয়ক ডঃ ৰঞ্জন কুমাৰ কাকতিয়ে শলাগৰ শৰাই জ্ঞাপন কৰি এই সন্মিলনীৰ বাবে সকলোকে ধন্যবাদ জনায় । উক্ত সন্মিলনত চাৰিজন সফল উদ্যোগী শ্ৰী মনোজ কুমাৰ বসুমতাৰী, আকাশ জ্যোতি গগৈ, কৃষ্ণকান্ত বৰা, দেৱজিৎ বৰ্মনে সফল উদ্যোগী হ’বলৈ কেনেকুৱা গুণৰ অধিকাৰী হোৱাটো দৰকাৰ সেই বিষয়ে তেওঁলোকৰ সফলতাৰ কাহিনী ব্যাখ্যা কৰে। উক্ত সন্মিলনত অসমৰ ৰাজ্যপালে জাতি আৰু সমাজলৈ আগবঢ়োৱা অনবদ্য অৱদানৰ বাবে এন এছ এছৰ কাৰ্যসূচী বিষয়া আৰু স্বেচ্ছাসেৱকসকলক বিশ্ববিদ্যালয় পৰ্যায়ৰ এন এছ এছ বঁটা প্ৰদান কৰে। যুৱ সন্মিলনখনত বিভিন্ন মহাবিদ্যালয়ৰ এন এছ এছ বিষয়া ,অধ্যক্ষ আৰু স্বেচ্ছাসেৱক মিলি প্ৰায় ৩০০ জনে অংশগ্ৰহণ কৰে।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান