সম্প্ৰতি হাইস্কুল শিক্ষান্ত আৰু উচ্চতৰ মাধ্যমিক চূড়ান্ত পৰীক্ষাক লৈ এক দোদুল্যমান স্থিতিৰ মাজত দিন কটাব লগীয়া হৈছে ছাত্ৰ ছাত্ৰীসকলে। বিশেষকৈ জীৱনৰ প্ৰথম আটাইতকৈ গুৰুত্বপূৰ্ণ পৰীক্ষা হিচাপে চিহ্নিত হাইস্কুল শিক্ষান্ত পৰীক্ষাত অৱতীৰ্ণ হ’বলৈ ওলোৱা ছাত্ৰ ছাত্ৰী সকলৰ মানসিক স্থিতিৰ কথা এতিয়া সকলোৰে জ্ঞাত। কিন্তু তাৰ মাজতে যিসকলে এইবাৰ হাইস্কুলৰ ডেওনা পাৰ হৈ উচ্চতৰ মাধ্যমিক বিজ্ঞান শাখাত অধ্যয়নৰ বাবে মন মেলিছিল সেইসকল ছাত্ৰ ছাত্ৰীৰ এতিয়া বহুখিনি সময় প্ৰায় অপচয় হ’ল। গতিকে সেইসকলৰ কথা চিন্তা কৰি আৰু লগতে যিসকল ছাত্ৰ ছাত্ৰীয়ে উচ্চতৰ মাধ্যমিকৰ কোনটো শাখাত অধ্যয়ন কৰিব সেই সম্পৰ্কে সিদ্ধান্ত ল’ব পৰা নাই বা বিজ্ঞান শাখাৰ বিষয়ে সঠিকভাৱে জানিবলৈ ইচ্ছুক সেই সকলো দিশৰ বিষয়ে বিবেচনা কৰি ছাত্ৰ ছাত্ৰী সকলক সহায়ৰ বাবে আগবাঢ়ি আহিছে গোলাঘাটৰ তিনি উচ্চ শিক্ষিত যুৱক যুৱতী। গোলাঘাটত ‘ইগনাইট ক’চিং চেণ্টাৰ ‘ নামেৰে এটা ক’চিং কেন্দ্ৰ চলাই থকা বিজ্ঞান শাখাৰ স্নাতকোত্তৰ ডিগ্ৰীধাৰী তিনি যুৱক যুৱতী ক্ৰমে ধ্ৰুৱজ্যোতি ৰাজখোৱা, মিৰ্জা ৱাকিব জাহান আৰু নীহাৰিকা হাজৰিকাই একাদশ শ্ৰেণীৰ বিজ্ঞান শাখাৰ আভাস দিয়াৰ উদ্দেশ্যে বিনামূলীয়া অনলাইন পাঠদানৰ কাৰ্যসূচী গ্ৰহণ কৰিছে। অহা ১০ জুলাইৰ পৰা সম্পূৰ্ণ এমাহৰ বাবে আগবঢ়াবলৈ লোৱা এই বিনামূলীয়া অনলাইন পাঠদানত ছাত্ৰ ছাত্ৰীসকলক উচ্চতৰ মাধ্যমিক বিজ্ঞান শাখাৰ গণিত, পদাৰ্থ বিজ্ঞান, ৰসায়ন বিজ্ঞান আৰু জীৱবিজ্ঞানৰ সবিশেষ জনোৱা হ’ব। এই বিনামূলীয়া অনলাইন পাঠদানৰ সবিশেষ জানিবলৈ ইচ্ছুক ছাত্ৰ ছাত্ৰীসকলে ৭৩৯৯২৯৬৩৮২, ৭০০২০৩৮২১৮ আৰু ৮০১১৫৩৭৭২১ নম্বৰত যোগাযোগ কৰিব পাৰে।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন