গুৱাহাটী-চান্দমাৰীত অনুষ্ঠিত হৈ থকা অসম গ্ৰন্থমেলা বাকৰিত কালি সন্ধিয়া বিশিষ্টা কবি-লেখিকা, অৱসৰপ্ৰাপ্ত অধ্যাপিকা ড০ মৰমী বৰঠাকুৰ তালুকদাৰৰ প্ৰবন্ধ সংকলন “ভাৱ উৎসৱ আৰু অন্য গদ্য” উন্মোচন কৰে বয়োজ্যেষ্ঠ লেখিকা অলকানন্দ দত্তই। অনাতাঁৰ শিল্পী শিখামণি দত্তৰ গীতেৰে আৰম্ভ কৰা সভাত ভাষণ দি বহুভাষিক সাহিত্য মঞ্চ, অসম প্ৰধান সম্পাদক, সাংবাদিক, লেখক দীপক শৰ্মাই কয়- অসমত গ্ৰন্থ প্ৰকাশৰ অনুপাতে পাঠকৰ সংখ্যা কমিছে। আজি ৰাতিৰ ভিতৰতে চমক সৃষ্টিকাৰী লেখক লেখিকাৰ সংখ্যা বাঢ়িছে। কোনোজনে আজীৱন সাহিত্য সাধনা কৰিও একোকে স্বীকৃতি নাপায়। কোনোবাই ২-১ গ্ৰন্থ লিখিও নিশাৰ ভিতৰত জনপ্রিয় হৈ উঠে। আজিকালি কোনো কোনো লেখকে মাথো ২০ কপিকৈ কিতাপ চপাই ন-ন পুৰস্কাৰ পায়। জনপ্রিয়তাকৈ সফলতা অৰ্জন কৰা টান। মানুহৰ মনত সাঁচ বহুৱাই সাহিত্য সৃষ্টি কৰিব লাগে। সভাত অসম পাঠ্যপুথি প্ৰণয়ন আৰু প্ৰকাশন বিভাগৰ উপাধ্যক্ষ তুলসী বৰঠাকুৰে বক্তব্য দাঙি ধৰি মনোগ্রাহী সাহিত্য সৃষ্টিৰ বাবে লেখক-লেখিকা সকলে অধ্যয়ন কৰাৰ লগতে ভ্ৰমণ কৰিব লাগে বুলি কয়। বিশিষ্ট লেখক অশ্বিনী বেজবৰুৱাই সঞ্চালনা কৰা সভাত আন্তর্জাতিক খ্যাতিসম্পন্ন বাঁহী বাদক দীপক শৰ্মা, গল্পকাৰ বকুলী বৈশ্য, শিশু সাহিত্যিক সুৰেন্দ্ৰ মোহন দাস, ৰুমী তালুকদাৰ, বিষ্ণুপ্ৰিয়া মণিপুৰী সাহিত্য পৰিষদৰ সভাপতি দিলস্ লক্ষ্মীন্দ্ৰ সিংহ, ৰূপা ডেকা পাটৰে বক্তব্য দাঙি ধৰি মৰমী বৰঠাকুৰ তালুকদাৰৰ সৃষ্টিৰাজিৰ ওপৰত আলোচনা দাঙি ধৰে। অনুষ্ঠানত মনমিত মহন্তই গীত পৰিৱেশন, ৰাজ কমল কলিতা আৰু নৱ ডেকাই কবিতা আবৃত্তি কৰা সভাত লেখিকা গৰাকীৰ কণমানি নাতি অভিজ্ঞান তালুকদাৰ, অৰণ্য তালুকদাৰে আইতা মৰমী বৰঠাকুৰ তালুকদাৰৰ গ্ৰন্থৰ লগতে অন্য সাধুগ্ৰন্থ পঢ়াৰ কথা ব্যক্ত কৰে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন