আজি কামৰূপ জিলাৰ ছয়গাঁৱ সমষ্টিৰ অধীনস্থ জাতীয় বিদ্যালয় জাৰপাৰাৰ একাদশ বাৰ্ষিক বঁটা বিতৰণী সভাৰ লগতে বিচিত্ৰ সাংস্কৃতিক অনুষ্ঠান আড়ম্বৰপূৰ্ণ পৰিবেশৰ মাজত অনুষ্ঠিত হৈ যায়।দিনৰ ভাগত সাংস্কৃতিক অনুষ্ঠান মুকলি কৰে হাতীপাৰা গাঁৱ পঞ্চায়তৰ সভাপতি মইনুল হকে।বিয়লি বিদ্যালয় পৰিচালনা সমিতিৰ সভাপতি মজিব আলীৰ পৌৰহিত্যত অনুষ্ঠিত সভাৰ আদৰণি ভাষণ দিয়ে বিদ্যালয়ৰ প্ৰধান শিক্ষক দৰবেছ আলীয়ে।নীলিমা পাৰবিন, আচিকুল ইছলামৰ কোৰাণ পাঠেৰে আৰম্ভ কৰা সভাত মুখ্য অতিথি হিচাপে অসম সাহিত্য সভাৰ কাৰ্যনিৰ্বাহক সদস্য তথা কবি-সাহিত্যিক দীপক শৰ্মাই অংশ লৈ কয়-শিশু, কিশোৰক শৈশৱৰ পৰা যোগাত্মক চিন্তাৰ কথা ক’ব লাগে।শিশুয়ে প্ৰধান আদিপাঠ গ্ৰহণ কৰে। সেয়েহে ঘৰখনত ইতিবাচক চিন্তাৰ লগতে নৈতিকতাপূৰ্ণ কথাহে আলোচনা কৰিব লাগে।সভাত লুইতপৰীয়া শিশু বিকাশ পৰিষদৰ সভাপতি ছামছুল হক,সোণতলী সাহিত্য সভাৰ সভাপতি তথা কবি-লেখক ছামছুল আলম ভূঞাই বিশিষ্ট অতিথি হিচাপে অংশ লোৱা সভাত দক্ষিণ কামৰূপ সচেতন মঞ্চৰ অধ্যক্ষ মদন দাসে নিৰ্দিষ্ট বক্তা হিচাপে ভাষণ দি কয়-শিশুৱে নিজে বিচৰা ধৰণে উৰিব দি,ইয়াৰ গতি, লক্ষ্য আৰু ভুলবোৰ আঙুলিয়াই সংশোধন কৰি দিব লাগে।সভাত বৰভিঠা আঞ্চলিক হাইস্কুলৰ প্ৰধান শিক্ষক আব্দুল হামিদ,শিক্ষক ত্ৰিৰংগ শৰ্মা, ধীৰাজ কলিতা, নয়নমণি বৰা, আগগুমি প্ৰাথমিক বিদ্যালয়ৰ প্ৰধান শিক্ষক আজমল হক, জাৰপাৰা আঞ্চলিক ৰাইজ গয়ৰহৰ প্ৰাক্তন সভাপতি মহিমুদ্দিন আহমেদ,সমাজকৰ্মী ৰফিজ আলী, ৰাজু আহমেদ সম্মানিত অতিথি হিচাপে অংশ গ্ৰহণ কৰে । অনুষ্ঠানত মৰিয়ম বেগম,চানিয়াৰা বেগে গজল, আৰজিনা বেগম, মহিন চুলতানা, জাব্বিৰ আলি, আতিফা আফৰিন, নিকুনুৰ ৰহমান,মাচুমা বেগম, মিনুৱাৰা বেগম, চানিয়াৰা বেগম, আচিক ৰহমান,অংকিতা গণি আদিয়ে অসমীয়া, ইংৰাজী কবিতা আবৃত্তি, বিষ্ণু ৰাভা নৃত্য, বাগানীয়া নৃত্য, দেশপ্ৰেমমূলক নৃত্য, অসমীয়া নৃত্য,হিন্দী নৃত্য আদি পৰিবেশন কৰে।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ