বিশিষ্ট সংগীত শিল্পী জয়ন্ত নাথলৈ ২০১৯ বৰ্ষৰ সুধাকন্ঠ ড° ভূপেন হাজৰিকা সোঁৱৰণী সমন্বয় বঁটা আগবঢ়োৱা হৈছে।চেলেংহাটৰ অগ্ৰনী সামাজিক আৰু সাংস্কৃতিক অনুষ্ঠান উৰ্ উৰ্ উৰ্ উৰ্ অভ্ৰভেদী উৰে সুধাকন্ঠৰ মৃত্যু দিনটোক আস্থাৰ দিন ৰূপে পালন কৰি অহা লগতে প্ৰতিবছৰে এই অনুষ্ঠানটোৱে ভূপেন্দ্ৰ সংগীতৰ এগৰাকী একনিষ্ঠ সাধক তথা বিশিষ্ট সংগীত শিল্পীক সুধাকন্ঠ ড° ভূপেন হাজৰিকা সোঁৱৰণী সমন্বয় বঁটা আগবঢ়াই আহিছে। ২০১৯ বৰ্ষত এই বঁটা লাভ কৰা যোৰহাটৰ সু সন্তান জয়ন্ত নাথ অসমৰ সংগীত জগতৰ এটি চিনাকী নাম।গীতিকাৰ, সুৰকাৰ তথা ছবি পৰিচালক জয়ন্ত নাথে ভূপেন্দ্ৰ সংগীতৰ নিৰলস চৰ্চা কৰি অহা লগতে নৱপ্ৰজন্মৰ মাজত ভূপেন্দ্ৰ সংগীতৰ প্ৰচাৰ আৰু প্ৰসাৰৰ বাবে অহোপুৰুষাৰ্থ কৰি আহিছে।আনহাতে অহা ৫ নৱেম্বৰত চেলেংহাট বৰনগঞা গাওঁ পেক্ষাগৃহত উৰ্ উৰ্ উৰ্ উৰ্ অভ্ৰভেদী উৰে আয়োজন কৰা আস্থা দিনৰ অনুষ্ঠানত শিল্পী গৰাকীক এই বঁটা আনুষ্ঠানিক ভাৱে প্ৰদান কৰিব যোৰহাট জিলা সাহিত্য সভাৰ প্ৰাক্তন সভাপতি ৰাজা চক্ৰৱতীয়ে। আস্থা দিনৰ লগত সংগতি ৰাখি বিশিষ্ট কবি ৰঞ্জিত গগৈৰ সম্পাদনাত প্ৰকাশ পাব লগীয়া “সুন্দৰ সূৰ্য্য ধিয়াই নতুন দিগন্তলৈ” শীৰ্ষক স্মৃতি গ্ৰন্থখন উন্মোচন কৰিব বিশিষ্ট কবি তথা অসম কৃষি বিশ্ববিদ্যালয়ৰ অৱসৰপ্ৰাপ্ত বিষয়া পুণ্য দেৱীয়ে। বিশিষ্ট শিক্ষাবিদ প্ৰয়াত পুনাৰাম গগৈ আৰু জয়দা গগৈ ফাউণ্ডেচনৰ তৰফৰ পৰা আগবঢ়োৱা এই বঁটাত থাকিব নগদ ধনৰ টোপোলা, এখনি প্ৰশস্তি পত্ৰ, সুধাকন্ঠৰ স্মাৰক ৰূপৰ তঁৰা খচিত এটি টুপী লগতে এখন চেলেং চাদৰ।
Trending
- অসমৰ পৰৱৰ্তী আৰক্ষী সঞ্চালকৰ নাম ঘোষণা
- শ্ৰীমন্ত শংকৰদেৱ সংঘৰ তিতাবৰ জিলাৰ বিংশতিতম বাৰ্ষিক অধিবেশন আৰম্ভ
- খানামুখত মিনি ফুটবল প্ৰতিযোগিতা আৰম্ভ
- তিনিচুকীয়াৰ জিলা প্ৰশাসনৰ সৈতে অইল ইণ্ডিয়াৰ গ্ৰামোন্নয়ন চুক্তি
- গুৱাহাটী মহানগৰীৰ উন্নয়ন সন্দৰ্ভত ৰাজ্যিক উদ্ভাৱন আৰু ৰূপান্তৰ আয়োগৰ গুৰুত্বপূৰ্ণ বৈঠকত অংশগ্ৰহণ মন্ত্ৰী অশোক সিংহলৰ
- কামৰূপত প্ৰধানমন্ত্ৰী নৰেন্দ্ৰ মোদীৰ “পৰীক্ষা পে চৰ্চা” অনুষ্ঠানৰ পোনপটীয়া সম্প্ৰচাৰ
- কামৰূপ নিৰ্বাচন জিলাৰ চূড়ান্ত ভোটাৰ তালিকা প্ৰকাশ
- পলাশবাৰীৰ উপৰহালীত অটল পেঞ্চন যোজনাৰ সজাগতা সভা
- গণৰাজ্য দিৱস উপলক্ষে গোলাঘাটত কৃষি মন্ত্ৰী অতুল বৰাই উত্তোলন কৰিলে ত্ৰিৰংগ পতাকা
- ধেমাজিৰ আৰ্থ-সামাজিক বিকাশ সংস্থাৰ উদ্যোগত পষেকীয়া প্ৰশিক্ষণ শিবিৰ