টিহুৰ পশ্চিম নাম্বৰভাগ গাঁও পঞ্চায়তৰ সভানেত্ৰী ইলোৰা ডেকালৈ স্বচ্ছতা চেম্পিয়ন বঁটা ২০২১

0 198

নলবাৰী জিলাৰ ৬২ নং বৰমা বিধানসভা সমষ্টিৰ টিহু উন্নয়ন খণ্ডৰ অন্তৰ্গত ৪৫ নং পশ্চিম নাম্বৰভাগ গাওঁ পঞ্চায়তৰ সভানেত্রী ইলোৰা ডেকাই ‘স্বচ্ছতা চেম্পিয়ন বঁটা ২০২১’ লাভ কৰাৰ খবৰে জিলাখনলৈ আনন্দৰ জোৱাৰ কঢ়িয়াই আনিছে। স্বাধীনতাৰ অমৃত মহোৎসৱৰ লগত সংগতি ৰাখি বঙাইগাঁও জিলা প্ৰশাসন আৰু জনস্বাস্থ্য কাৰিকৰী বিভাগৰ যুটীয়া উদ্যোগত জিলা পুথিভঁৰালৰ প্ৰেক্ষাগৃহত অনুষ্ঠিত গান্ধী জয়ন্তী তথা স্বচ্ছ ভাৰত দিৱস উদযাপন অনুষ্ঠানত জনস্বাস্থ্য কাৰিকৰী, খাদ্য আৰু অসামৰিক যোগান ও গ্ৰাহক পৰিক্ৰমা বিভাগৰ মন্ত্ৰী ৰঞ্জিত দাসে এই বঁটা প্ৰদান কৰে।ইলোৰা ডেকাই ৪৫ নং পশ্চিম নামবৰভাগ গাওঁ পঞ্চায়তৰ সভানেত্রী হিচাপে কাৰ্যভাৰ গ্ৰহণ কৰাৰ দিনৰে পৰা পঞ্চায়তখনক স্বচ্ছ আৰু সৰ্বাংগসুন্দৰ কৰাৰ লক্ষ্যৰে জনস্বাস্থ্য কাৰিকৰী বিভাগে ৰূপায়ন কৰি থকা বিভিন্ন আঁচনিৰ অধীনত সময়ে সময়ে বিভিন্ন দিশত কাম কৰি অহাৰ স্বীকৃতি স্বৰূপে এই বঁটা প্ৰদান কৰে ইলোৰা ডেকালৈ। ৪৫ নং পশ্চিম নাম্বৰভাগ গাঁও পঞ্চায়ত খনক অসমৰ ভিতৰত শ্ৰেষ্ঠ পঞ্চায়ত হিচাপে গঢ়ি তোলাৰ প্ৰয়াস কৰা পঞ্চায়ত খনৰ সভানেত্ৰী ইলোৰা ডেকাক মঙ্গলবাৰে পঞ্চায়ত খনত বিভিন্ন জনে সম্বৰ্দ্ধনা জনায়।

Leave A Reply

Your email address will not be published.