আজি আবেলি তামুলপুৰ জিলাৰ মটঙা চ’কত জিলা পথ সুৰক্ষা সমিতি আৰু তামুলপুৰ জিলা প্ৰশাসনৰ উদ্যোগত তথা বিনায়ক হোণ্ডাৰ সহযোগত পথ সুৰক্ষা সম্পৰ্কীয় এক কাৰ্যসূচী অনুষ্ঠিত হয়। বিশেষকৈ দুচকীয়া বাহনৰ চালকৰ বাবে হেলমেট পৰিধান কৰাটো কিমান সুৰক্ষিত, সেই সম্পৰ্কে সজাগতা বৃদ্ধি কৰাৰ বাবেই আজিৰ কাৰ্যসূচী অনুষ্ঠিত হয়। যিসকল চালকে হেলমেট পৰিধান কৰিছে, তেওঁলোকক প্ৰশাসনৰ তৰফৰ পৰা একোপাহ গোলাপ ফুল আৰু কলম একোটা উপহাৰ হিচাপে প্ৰদান কৰা হয়। যিসকল চালকে হেলমেট পৰিধান কৰা নাই, তেওঁলোকক হেলমেট পৰিধান কৰাটো নিজৰ বাবেই কিমান নিৰাপদ, সেই সম্পৰ্কে সজাগ কৰি দিয়াৰ উপৰি নিয়ম অনুসৰি জৰিমনা বিহা হয়। ছাত্ৰ-ছাত্ৰীসকল যাতে হেলমেট পিন্ধাৰ ক্ষেত্ৰত বিশেষভাৱে সজাগ হয়, তাৰ প্ৰতি লক্ষ্য ৰাখি স্থানীয় কেবাখনো স্কুলৰ ছাত্ৰ-ছাত্ৰীকো এই সজাগতামূলক কাৰ্যসূচীত অংশগ্ৰহণ কৰোৱা হয়। আজিৰ কাৰ্যসূচীত জিলা আয়ুক্ত পংকজ চক্ৰৱৰ্তী, আৰক্ষী অধীক্ষক দিগন্ত কুমাৰ চৌধুৰী, উপ-আৰক্ষী অধীক্ষক মণ্টু কুমাৰ বৰা, অতিৰিক্ত আয়ুক্ত ডঃ দীপাংকৰ নাথ, সহকাৰী আয়ুক্ত অনুপম ডেকা, জিলা পৰিবহণ বিষয়া স্তুতি পৰাশৰ, দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া চন্দা সিং, খণ্ড প্ৰাথমিক শিক্ষা বিষয়া অৰুঞ্জয় খুংগুৰ ব্ৰহ্ম, বিনায়ক হোণ্ডাৰ সঞ্চালক সঞ্জয় লাখতীয়াৰ উপৰি স্থানীয় কেবাখনো বিদ্যালয়ৰ ছাত্ৰ-ছাত্ৰী উপস্থিত থাকে।
Trending
- ৰাষ্ট্ৰীয় প্ৰেছ দিৱস উপলক্ষে গুৱাহাটী প্ৰেছ ক্লাবত আন্তঃ সংবাদ মাধ্যম কুইজ প্ৰতিযোগিতা
- মুম্বাইৰ মজিয়াত জিলিকিল উত্তৰ-পূব- অসমৰ ড° যোগেশ দেউৰীলৈ নমস্তে জীৱনজোৰা সাধনা বঁটা
- আদিংগিৰি সেৱা ভাৰতীত মুকলি হকী প্ৰশিক্ষণ শিবিৰৰ সামৰণি
- NSE Enhances Digital Experience for Investors and Trading Members with New Features Across Web and Mobile Platforms
- ভাৰত চৰকাৰৰ স্বচ্ছ সৰ্বেক্ষণ বঁটাৰে সন্মানিত গুৱাহাটী
- NSE Celebrates Diwali with Traditional Lakshmi Pujan and Muhurat Trading Ceremony
- মিচিং আৰু সোণোৱাল কছাৰী স্বায়ত্তশাসিত পৰিষদৰ নিৰ্বাচনৰ পৰিপ্ৰেক্ষিতত ১১খন জিলাত ড্ৰাই ডে ঘোষণা
- তুৰাত ৫০ সংখ্যক পৰম্পৰাগত ‘ৱাংগালা মহোৎসৱ
- NSE Electronic Gold Receipts (EGRs) Witnesses Record Trading Volumes on the occasion of Dhanteras
- বাৰে ৰহণীয়া কাৰ্যসূচীৰে আই এ এছ এছ টিৰ ৪৮ সংখ্যক প্ৰতিষ্ঠা দিৱস পালন