দেশৰ আন ৰাজ্যৰ লগতে অসমতো ১১ অক্টোবৰৰ দিনা সন্ধিয়া বেদীত মাংগলিক কাৰ্যৰ মাজেৰে প্ৰতিমা স্থাপন কৰাৰ পাছত শাৰদীয় শ্ৰী শ্ৰীদুৰ্গা পূজাৰ কাৰ্যসূচী আৰম্ভ হৈছে । ইফালে দুৰ্গাপূজা বা উৎসৱৰ আনন্দ উলাহত মতলীয়া হৈ কোনোৱে আইন ভংগ কৰি ৰাজপথত বাহন চলাচল কৰিব নোৱাৰে তাৰবাবে পৰিবহণ বিভাগে এইবেলি সৰ্বাধিক সতৰ্কতা অৱলম্বন কৰিছে । আনকি ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মায়ো পৰিবহণ বিভাগক উৎসৱ কালীন দুৰ্ঘটনা ৰোধৰ বাবে হাতে কামে নামি পৰিবলৈ আৰু এইক্ষেত্ৰত ৰাজপথত ব্যাপক সজাগতা মূলক কাৰ্যসূচী অনুষ্ঠিত কৰিবলৈ নিৰ্দেশ দিছে । মুখ্যমন্ত্ৰীৰ নিৰ্দেশৰ পাছতেই কামৰূপ মহানগৰ জিলাৰ ( পঞ্জীয়ন আৰু অনুজ্ঞাপত্ৰ ) সহকাৰী পৰিবহণ আয়ুক্ত গৌতম দাসে বিগত কেইদিনত গুৱাহাটী মহানগৰীত পথ সুৰক্ষা বিষয়ত বিভিন্ন সজাগতামূলক কাৰ্যসূচী অনুষ্ঠিত কৰি আহিছে । আনকি ১১ অক্টোবৰৰ দিনা সন্ধিয়াৰ পৰা নিশালৈ গুৱাহাটীৰ সদাব্যস্ত জি এছ ৰোডৰ এ বি চি পইণ্টত এক সজাগতামূলক কাৰ্যসূচী অনুষ্ঠিত কৰা হয় । মহানগৰ আৰক্ষীৰ যান বাহন শাখা , আৱকাৰী , স্বাস্থ্য বিভাগ আৰু জিলা প্ৰশাসনৰ সহযোগত অনুষ্ঠিত কাৰ্যসূচীৰ আৰম্ভণিতে উদ্দেশ্য বাখ্যা কৰে সহকাৰী পৰিবহণ আয়ুক্ত গৌতম দাসে । কাৰ্যসূচীত ডি ৱাই ৩৬৫ নিউজ চেনেলৰ মুখ্য সম্পাদক অতনু ভূঞা , জ্যেষ্ঠ সাংবাদিক ছায়ামনি ভূঞা , মহানগৰ আৰক্ষীৰ যান বাহন শাখাৰ উপ আৰক্ষী আয়ুক্ত হিৰণ্য বৰ্মন , চেভ গুৱাহাটী বিল্ড গুৱাহাটীৰ সাধাৰণ সম্পাদক কৈলাশ শৰ্মা , জনপ্ৰিয় অভিনেতা জয়ন্ত দাস উপস্থিত থাকে । আনহাতে কাৰ্যসূচীত মুখ্যমন্ত্ৰী ডঃ হিমন্ত বিশ্ব শৰ্মাই পথ সুৰক্ষাৰ বাবে ভি ডি অ যোগে জনোৱা আহ্বান প্ৰদৰ্শন কৰা হয় । তেনেদৰে জনপ্ৰিয় শিল্পী দীনেশ দাসে ডঃ ভূপেন হাজৰিকাৰ কালজয়ী গীত ” আহ আহ ওলাই আহ ” শীৰ্ষক গীতটো পৰিবেশন কৰি উপস্থিত শতাধিক লোকক আপ্লুত কৰে । কাৰ্যসূচীত জিলা পৰিবহণ বিষয়া হিমাংশু কুমাৰ দাসকে ধৰি কেবাজনো যান বাহন পৰিদৰ্শক , প্ৰৱৰ্তক পৰিদৰ্শক , সহকাৰী প্ৰৱৰ্তক পৰিদৰ্শক , যান বাহন শাখাৰ কেবাজনো আৰক্ষী , গুৱাহাটীত ৰাজহুৱা পৰিবহণ সেৱাৰ লগত জড়িত বিভিন্ন পৰিবহণ সংস্থাৰ কেবাজনো প্ৰতিনিধি আৰু বহুসংখ্যক ৰাইজ , বাহন চালক – পৰিচালক উপস্থিত থাকে । ইয়াৰ উপৰি কাৰ্যসূচীৰ অন্তত ৰাজপথত চলাচল কৰা বাহন চালক সকলৰ মাজত পথ সুৰক্ষা বিষয়ক প্ৰচাৰ পুস্তিকা বিতৰণ কৰা হয় ।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন