দৰং জিলা সাহিত্য সভাৰ গল্প কৰ্মশালাৰ আয়োজন

0 196

দৰং জিলা সাহিত্য সভাই ২২আগষ্ট দেওবাৰে দিনৰ এক বজাৰ পৰা জিলা সাহিত্য সভাৰ প্ৰেক্ষাগৃহত নবীন লেখক সৃষ্টিৰ পৰিকল্পনাৰে হাতত লোৱা বৰ্ষসূচীৰ কাৰ্যসূচী হিচাপে এখনি গল্প কৰ্মশালাৰ আয়োজন কৰিছে। নৱ প্ৰজন্মৰ ছাত্ৰ ছাত্ৰী সকলক গল্পৰ লিখনশৈলী, কাহিনী নিৰ্বাচন আদি সম্পৰ্কত বক্তৃতা আৰু গল্প পাঠৰ জৰিয়তে এই কাৰ্যসূচী ৰূপায়ন কৰা হব।জিলা সাহিত্য সভাৰ এই কৰ্মশালাত অসম সাহিত্য সভাৰ নকুল চন্দ্ৰ সভাপণ্ডিত সোঁৱৰণী বঁটা, আৰোহণ সাহিত্য ৰত্ন বঁটাৰে বিভূষিত বিশিষ্ট গল্পকাৰ অৱসৰী অধ্যক্ষ গজেন ডেকাই বক্তব্য প্ৰদান কৰিব। অনুষ্ঠানত দৰঙৰ বিশিষ্ট গল্পকাৰ ৬ গৰাকীৰ ৬ টা গল্প পাঠ কৰা হব । দৰং জিলা সাহিত্য সভাৰ সভাপতি শৈলেন কুমাৰ ৰাজবংশীয়ে সঞ্চালনা কৰিবলগীয়া এই কৰ্মশালাত ২০ গৰাকী ছাত্ৰ-ছাত্ৰীক অংশগ্ৰহণৰ সুবিধা প্ৰদান কৰা হ’ব। কৰ্মশালাত অংশগ্ৰহণ কৰিব বিচৰা ইচ্ছুক ব্যক্তিয়ে ৯৪৩৫০৮৭৮৪৬ নম্বৰত শাখা সভাসমূহৰ জৰিয়তে যোগাযোগ কৰিবলৈ জিলা সাহিত্য সভাৰ সম্পাদক গৌতমানন্দ গোস্বামীয়ে আহ্বান জনাইছে।

Leave A Reply

Your email address will not be published.