মহানগৰীৰ ধাৰাপুৰ জঙ্গৰাবৰীস্থিত শ্ৰী শ্ৰী শ্যামৰায় নামঘৰৰ বাৰ্ষিক হোমাহুতি ১১ আগষ্টত এক ধর্মীয় পৰম্পৰাৰে অনুষ্ঠিত হয় । বাৰ্ষিক হোমাহুতিৰ লগত সংগতি ৰাখি শ্যামৰায় নামঘৰ পৰিচালনা সমিতিয়ে বিগত ২০১৮-২০২০ বৰ্ষৰ বিধায়ক পুঁজিৰ পৰা পোৱা অনুদান আৰু অসম চৰকাৰৰ অসম দৰ্শন আঁচনিৰ জৰিয়তে পোৱা অনুদানেৰে নামঘৰৰ প্ৰথম মহলাৰ প্ৰেক্ষাগৃহটো আনুষ্ঠানিক ভাৱে শুভ উদ্বোধন কৰে পশ্চিম গুৱাহাটী সমষ্টিৰ বিধায়ক ৰমেন্দ্ৰ নাৰায়ণ কলিতাই । বিধায়ক পুঁজিৰ তিনি লাখ টকাৰ অনুদান আৰু অসম দৰ্শন আঁচনিৰ আঢ়ৈ লাখ টকাৰে নিৰ্মিত প্ৰেক্ষাগৃহটো ৰাইজৰ উপস্থিতিত শুভ উদ্বোধন কৰাৰ লগে লগে স্থানীয় ৰাইজৰ এক বহুদিনীয়া অভাৱ পূৰণ হ’ল। জংগৰাবৰী অঞ্চলৰ একমাত্ৰ আধ্যত্মিক অনুষ্ঠান শ্যামৰায় নামঘৰটো অতি আকৰ্ষণীয়কৈ ৰাইজৰ সুবিধাৰ বাবে নিৰ্মাণ কৰি উলিওৱাৰ বাবে বিধায়ক কলিতাই নামঘৰ পৰিচালনা সমিতিৰ লগতে স্থানীয় ৰাইজক ধন্যবাদ জ্ঞাপন কৰে। লগতে তেখেতে অনাগত দিনটো বিভিন্ন আঁচনিৰ জৰিয়তে তথা চৰকাৰী অনুদান আগবঢ়াই সহায় সহযোগিতা আগবঢ়াই যাব বুলি ভাষণ প্ৰসংগত সদৰী কৰে । উক্ত উদ্বোধনী অনুষ্ঠানত নামঘৰ পৰিচালনা সমিতিৰ সভাপতি অৰুণ দাস , সম্পাদক প্ৰণৱ দাস, সমাজকৰ্মী পৰেশ বৰুৱা ,ৰুবুল বৈশ্য প্ৰমুখ্যে জঙ্গৰাবৰী ৰাইজৰ কেবাগৰাকী বিশিষ্ট ব্যক্তি উপস্থিত থাকে ।
Trending
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন