ৰাজ্যৰ তৃতীয় তথা শেষ পৰ্যায়ত অহা ৬ এপ্ৰিলত অনুষ্ঠিত হ’বলগীয়া নিৰ্বাচনৰ মনোনয়ন পত্ৰ দাখিল পৰ্বৰ ১৯ মাৰ্চত সামৰণি পৰাৰ পাছত আন আন সমষ্টিৰ দৰে পশ্চিম গুৱাহাটীটো নিৰ্বাচনত প্ৰতিদ্বন্দীতা আগবঢ়াব খোজা প্ৰাৰ্থীসকলৰ লগতে দলীয় কর্মী-সমৰ্থক সকলে নিৰ্বাচনী প্ৰচাৰকাৰ্য আৰম্ভ কৰিছে। আজি সমষ্টিটোৰ মাজিৰগাওঁ গাওঁ পঞ্চায়ত এলেকাৰ সৰু আগছিয়াত অঞ্চলটোৰ মহিলা আত্মসহায়ক গোট ক্ৰমে-ৰূপজ্যোতি, মহাত্মা, সাধনা, মিলনজ্যোতি, কনকলতা, মাতৃ মিলন আৰু হৰগৌৰীৰ সদস্যা সকলে মিত্ৰজোঁটৰ প্ৰাৰ্থী তথা অগপ বিধায়ক ৰমেন্দ্ৰ নাৰায়ণ কলিতাৰ হৈ কলিতাৰ নিৰ্বাচনৰ বাবে ৰচনা কৰা গীতৰ তালে তালে নৃত্য – গীত তথা নাচ-গানেৰে ঘৰে ঘৰে নিৰ্বাচনী প্রচাৰ চলায় । প্ৰচাৰ কাৰ্যত অগপত মহিলা বিগ্ৰেড হিচাপে পৰিচিত পশ্চিম গুৱাহাটী মহিলা বিধান পৰিষদৰ উপ সভানেত্ৰী অজন্তা শৰ্মা ডেকা , সাধাৰণ সম্পাদিকা গীতা মণ্ডল , কোষাধক্ষ্য ভাৰতী সিং কছাৰীকে ধৰি কেবাগৰাকী কৰ্মকর্তাই ভাগ লয়। এই সন্দৰ্ভত মহিলা আত্মসহায়ক গোট সমূহৰ ভিতৰত আটাইতকৈ বয়োজ্যেষ্ঠ মহিলা ঠাণ্ডা ৰাজবংশীৰ উপৰি আন আন কর্মকর্তা সকলে সদৰি কৰা অনুসৰি এইবাৰো পশ্চিম গুৱাহাটীত মিত্ৰজোঁটৰ প্ৰাৰ্থী হিচাপে ৰমেন্দ্ৰ নাৰায়ণ কলিতাৰ বিজয় এশ শতাংশ নিশ্চিত যদিও আমি তেওঁক হিমন্ত বিশ্ব শৰ্মা , সৰ্বানন্দ সোণোৱালৰ দৰে অভিলেখ পৰিমাণৰ ভোটৰ ব্যৱধানত বিজয়ী কৰাৰ বাবে সংকল্প লৈছে । নিৰ্বাচনী প্ৰচাৰ কাৰ্যৰ শেষদিনালৈকে এই অভিযান চলি থাকিব আৰু কলিতা ডাঙৰীয়া আমাৰ ইয়ালৈ নাহিলেও তেওঁ বিগত সময়চোৱাত কৰা উন্নয়নমূলক কামৰ বাবে সকলোৰে অন্তৰত আছে বুলি গোটৰ কৰ্মকর্তা সকলে সদৰি কৰে ।
Trending
- জামুগুৰিহাটৰ হাটিঙাৰ অংগনবাড়ী সহায়িকাক দেশৰ শ্ৰেষ্ঠ সমাজ সেৱকৰ সন্মান আমেৰিকাৰ চেনফৰ্ড ইউনিভাৰচিটিৰ প্ৰবক্তাৰ
- মৌলানা মহম্মদ তৈয়াবুল্লাহ হকী ষ্টেডিয়ামত আন্তঃজিলা স্কুল হকী প্ৰতিযোগিতা আৰম্ভ
- অসমৰ দৃষ্টিহীন মহিলা ক্ৰিকেট দলৰ অংশগ্ৰহণেৰে জামচেদপুৰত অনুষ্ঠিত ৰাষ্ট্ৰীয় পৰ্যায়ৰ চাৰিদিনীয়া প্ৰশিক্ষণ শিবিৰৰ সফল সামৰণি
- সংস্কাৰ ভাৰতী মহানগৰ জিলা আৰু সাংস্কৃতিক গোষ্ঠীৰ যৌথ উদ্যোগত ৰাষ্ট্ৰীয় গীত, ৰাষ্ট্ৰীয় সংগীত, দেশপ্ৰেমমূলক গীত, নৃত্য , কথা কবিতাৰে স্বাধীনতা দিৱস উদযাপন
- ভাৰত চৰকাৰৰ ডি এছ টি বিভাগৰ সচিব ডঃ ৰবি চন্দ্ৰশেখৰৰ আই এ এছ এছ টি চৌহদ পৰিদৰ্শন বনৌষধি উদ্যান মহৰ্ষি চৰক উদ্ধোধন
- আমিনগাঁৱৰ শৰাইঘাট সৰোবৰত বিৰল প্ৰজাতিৰ কাছ মুকলি
- হিৰো মটো কৰ্পৰ চি.এচ.আৰ আঁচনিৰ অধীনত ১৮৫ খন মহাবিদ্যালয়ক দুচকীয়া বাহন প্ৰদান
- কাঁহিকুছি গাঁও পঞ্চায়ত এলেকাত উলহ মালহৰে স্বাধীনতা দিৱস উদযাপন
- মন্ত্ৰী অজন্তা নেওগৰ মহানুভৱতা- দৰমহাৰ ধনেৰে সাজি দিলে দলীয় কৰ্মকৰ্তাৰ ঘৰ
- এইচ ডি এফ চি বেঙ্কে প্ৰৱঞ্চনাৰ পৰা মুক্ত হোৱাৰ প্ৰসাৰৰ বাবে ‘ভিজিল আণ্টি’ অভিযান আৰম্ভ কৰিছে