শ্ৰীমন্ত শংকৰদেৱ কলাক্ষেত্র সমাজৰ উদ্যোগত আৰম্ভ হোৱা অসমৰ নৃগোষ্ঠীয় সাংস্কৃতিক সমন্বয় আৰু বিনিময় অভিযানৰ প্ৰথম পৰ্যায়ৰ তৃতীয় কৰ্মশালা খনি ১৩ মে’ তাৰিখৰ পৰা আৰম্ভ হ’ব।যোৱা ১১ মে’ তাৰিখে অসমৰ বিভিন্ন প্ৰান্তৰ পৰা প্ৰশিক্ষাৰ্থী সকল আহি শ্ৰীমন্ত শংকৰদেৱ কলাক্ষেত্রৰ বাকৰিত উপস্থিত হৈছিল।তৃতীয় কৰ্মশালাত ভাগ ল’বৰ বাবে ডিমাচা ,কোঁচৰাজবংশী,কাৰ্বি আৰু সোণোৱাল কছাৰীৰ প্ৰশিক্ষাৰ্থী সকলক নিৰ্বাচন কৰি অনা হৈছে।অসমৰ বিভিন্ন জনগোষ্ঠীৰ মাজত সমন্বয় সাঁকো নিৰ্মাণ কৰি বৰ অসম গঢ়াৰ মানসেৰে আৰম্ভ হোৱা এই কৰ্মশালাত প্ৰতিটো জনগোষ্ঠীয়েই অলেখ আশা আৰু উৎকণ্ঠাৰে সহযোগ কৰে।সেয়েহে অসমৰ বিভিন্ন প্ৰান্তৰ পৰা অহা সমূহ প্ৰশিক্ষাৰ্থীক শ্ৰীমন্ত শংকৰদেৱ কলাক্ষেত্র সমাজে স্বাগতম জনোৱা উদ্দেশ্যে এখনি সভা কলাক্ষেত্র ড° বাণীকান্ত কাকতি প্ৰেক্ষাগৃহত যোৱা ১১ মে’ তাৰিখে সন্ধিয়া ৭-০০ বজাত অনুষ্ঠিত কৰা হয়।উক্ত সভাত অসমৰ নৃগোষ্ঠীয় সাংস্কৃতিক সমন্বয় আৰু বিনিময় অভিযানৰ প্ৰজেক্ট মেনেজাৰ জয়ন্তী চক্ৰৱৰ্তীয়ে প্ৰতিটো জনগোষ্ঠীৰ অংশগ্ৰহণকাৰী সকলৰ মাজত চিনাকি কৰাই দিয়াৰ লগতে উপস্থিত থকা সমূহ প্ৰশিক্ষাৰ্থীকে আন্তৰিক শুভেচ্ছা জ্ঞাপন কৰে আৰু কৰ্মশালা দিন কেইটাত প্ৰতিটো জনগোষ্ঠীয়ে উভয়ৰে ভাষা – সংস্কৃতিৰ বিষয়ে সূক্ষ্ম ভাৱে অধ্যয়ন কৰি ল’বলৈ কয়।সভাত কৰ্মশালা প্ৰশিক্ষক মণ্ডলী ক্ৰমে প্ৰণিত নাইডিং,পতিৰাম ৰয়, নিৰু সোণোৱাল,ধীৰেশ্বৰ ৰহাঙ আৰু সবিতা শইকীয়া উপস্থিত থাকে। ১২ মে’ তাৰিখে দিনৰ ৪-৩০ বজাত প্ৰশিক্ষাৰ্থী সকলক কলাক্ষেত্রৰ বিভিন্ন স্থান সমূহ দৰ্শন কৰোৱা হয়।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন