কেন্দ্রীয় চৰকাৰে কালি সন্ধিয়া ২০২০ বৰ্ষৰ পদ্ম সন্মান প্ৰাপকসকলৰ নাম ঘোষণা কৰিছে ।শিক্ষা,শিল্পকলা,ক্ৰীড়া,চিকিৎসা,বিজ্ঞান আৰু অভিযান্ত্ৰিক,কৃষি,প্ৰশাসনিক সেৱা,সামাজিক সেৱা,উমৈহতীয়া সেৱাকে ধৰি বিভিন্ন শিতানত মুঠ ১৪১ গৰাকী বিশিষ্ট ব্যক্তিলৈ এই সন্মান আগবঢ়োৱা হৈছে।ইয়াৰে ৭ গৰাকীক পদ্ম বিভূষণ,১৬ গৰাকীক পদ্মভূষণ আৰু ১১৮ গৰাকীক পদ্মশ্রী সন্মান প্ৰদান কৰা হৈছে।উল্লেখ্য যে ৰাষ্ট্ৰপতি ভৱনত মাৰ্চ বা এপ্ৰিল মাহত ৰাষ্ট্ৰপতিয়ে এই সন্মান প্ৰদান কৰিব।এইবাৰ পদ্ম বিভূষণ সন্মান মৰণোত্তৰভাৱে জৰ্জ ফাৰ্ণাণ্ডেজ,অৰুণ জেটলী,সুষমা স্বৰাজ আৰু শ্ৰী বিশ্বেশ্বতীৰ্থ স্বামীজী শ্ৰী পেজাভাৰা আধোখাজা মাথা উড়োপীলৈ আগবঢ়াইছে।আনহাতে ছাৰ আনেৰোড জোগনাউথ জি চি এছ কে,বক্সাৰ এম চি মেৰী কম আৰু ছন্নুলাল মিশ্ৰই পদ্মবিভূষণ সন্মান লাভ কৰিছে।ইয়াৰোপৰি ১৬ গৰাকী পদ্মভূষণ প্ৰাপকৰ ভিতৰত নাগালেণ্ডৰ প্ৰাক্তন মুখ্যমন্ত্রী তথা উৰিষ্যাৰ ৰাজ্যপাল এছ চি জামিৰ,বেডমিণ্টন খেলুৱৈ পি ভি সিন্ধু,মৰণোত্তৰভাৱে গোৱাৰ প্ৰাক্তন মুখ্যমন্ত্রী মনোহৰ পাৰিকৰ নাম সন্নিবিষ্ট হৈছে।ঠিক সেইদৰে বিশিষ্ট সাহিত্যিক য়েচে দৰজে ঠংচিলৈ পদ্মশ্রী সন্মান আগবঢ়োৱা হৈছে।১১৮ গৰাকী পদ্মশ্রী সন্মান লাভ কৰা ব্যক্তিসকলৰ তালিকাত অসমৰ ৫ গৰাকীকৈ বিশিষ্ট ব্যক্তিৰ নাম উল্লেখ আছে।তাৰ ভিতৰত শিল্পকলা শিতানত অসমৰ বিখ্যাত শাস্ত্ৰীয় নৃত্য পটিয়সী ইন্দিৰা পি পি বৰা,সাহিত্য আৰু শিক্ষাৰ শিতানত বিশিষ্ট সাহিত্যিক তথা শিক্ষাবিদ যোগেন্দ্ৰ নাথ ফুকন,সাহিত্যিক লীল বাহাদুৰ চেত্ৰী,চিকিৎসা শিতানত পশু চিকিৎসক তথা হস্তী বিশেষজ্ঞ ডাঃ কুশল কোঁৱৰ শৰ্মা আৰু চিকিৎসক ডাঃ ৰবি কানন আৰলৈ পদ্মশ্রী সন্মান আগবঢ়াইছে।তাৰোপৰি বলিউডৰ মোহময়ী অভিনেত্রী কংগনা ৰানাওট,কৰণ জোহৰ,একতা কাপুৰ,আদনান স্বামীৱেও পদ্মশ্রী সন্মান লাভ কৰিছে।উল্লেখযোগ্য যে এই বৰ্ষৰ পাব্লিক এফেয়াৰ শিতানত বিদেশৰ দুগৰাকী প্ৰত্যক্ষ ৰাজনীতিৰ লগত জড়িত বিশিষ্ট ব্যক্তি আমেৰিকা যুক্তৰাষ্ট্ৰৰ বব ব্লেকমেন আৰু বেৰী গার্ডিনাৰলৈ পদ্মশ্রী সন্মান আগবঢ়োৱা হৈছে।খবৰ যুগুতালে গীতাঞ্জলি গগৈয়ে..
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে