দক্ষিণ কামৰূপৰ উদ্যোগীক অঞ্চল পলাশবাৰীস্থিত চেণ্টপ্লাই উদ্যোগে আজি এক বৃক্ষ ৰোপন তথা গছপুলি বিতৰণ আঁচনি ৰূপায়ণ কৰে। এই উপলক্ষে অনুষ্ঠিত হোৱা সভাত মুখ্য অতিথি তথা বিশিষ্ট সমাজকৰ্মী নাৰায়ণ চৌধুৰীয়ে উপস্থিত থাকি এই বৃক্ষৰোপন কাৰ্যসূচী তথা আঁচনিৰ শুভাৰম্ভ কৰি এটি কদম গছৰপুলি ৰোপন কৰে। চৌধুৰীয়ে গছ থাকিলেহে মানুহ থাকিব, এই বৃক্ষ ৰোপন কাৰ্যসূচী মহান বুলি কৈ গছ পুলি সকলোকে ৰুবলৈ আহ্বান জনায়। চেণ্টাপ্লাই উদ্যোগে গ্ৰহণ কৰা গছপুলি ৰোপন আৰু বিতৰণ আঁচনিক আদৰণিয় পদক্ষেপ বুলি কয়। লগতে আমাৰ অঞ্চলৰ বহুত মাটি এনেই আছে তাত চেণ্টাপ্লাই উদ্যোগৰ বৃক্ষ ৰোপন আঁচনি গ্ৰহণ কৰিবলৈ আহ্বান জনায় সমাজকৰ্মী নাৰায়ণ চৌধুৰীয়ে। অনুষ্ঠানত চেণ্টপ্লাই উদ্যোগৰ মুখ্য কাৰ্যবাহী সঞ্চালক যোগেশ কুমাৰ চৌধুৰী বৃক্ষ ৰোপন কাৰ্যসূচীৰ অংশ হিচাপে এটি গছপুলি বিতৰণৰ বৃহৎ প্ৰকল্প হাতত লোৱা হৈছে। এই বৃহৎ প্ৰকল্প হিচাপে কদম গছ বাচনি কৰি প্ৰাকৃতিক পৰিবেশৰ ভাৰসাম্য বজাই ৰখাৰ বাবে এই কাৰ্যসূচী গ্ৰহণ কৰা হৈছে বুলি কয়। এই আঁচনি গ্ৰহণ কৰি কদম গছ অঞ্চলটোৰ লোকসকলে নিজা মাটিত ৰোপন কৰিবৰ বাবে চেণ্টপ্লাই উদ্যোগৰ লগত এখন চুক্তি সম্পাদন কৰিব লাগিব। লগতে গছডাল ডাঙৰ হোৱাৰ পিছত চেণ্টপ্লাই উদ্যোগে উচিত মূল্য দি ক্ৰয় কৰিব। চুক্তি সম্পাদন নকৰি কদম গছৰ পুলি উদ্যোগটোৰ পৰা ক্ৰয় কৰিব পাৰিব। ইয়াৰ জড়িয়তে অঞ্চলটো সেইজীকৰণৰ লগতে স্বাৱলম্বী নিদৰ্শন দাঙি ধৰিব বুলি কয়। লগতে পলাশবাৰীৰ পৰা মিৰ্জালৈ নতুনকৈ নিৰ্মাণ হোৱা পথচোৱাত গছ পুলি ৰোপন কৰিব বুলি ভাষণ প্ৰসঙ্গত উল্লেখ কৰে চেণ্টপ্লাই উদ্যোগৰ মূখ্য কাৰ্যবাহী সঞ্চালক গৰাকীয়ে। আজিৰ এই মহান কাৰ্যসূচীত চেণ্টপ্লাই উদ্যোগৰ তৰফৰ পৰা প্ৰথমে বিশিষ্ট সমাজকৰ্মী নাৰায়ণ চৌধুৰীক এটি কদম গছৰ পুলি প্ৰদান কৰাৰ লগতে সভাত উপস্থিত সকলোকে কদম গছৰ পুলি বিতৰণ কৰে। এই অনুষ্ঠানত অঞ্চলটোৰ কেইবাজনো গাওঁবুঢ়া উপস্থিত থাকে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন