যত্ন কৰিলে ৰত্ন পায় আৰু চেষ্টাৰ অসাধ্য একো নাই। চেষ্টা কৰিলে নোৱাৰা কাম কৰিব পাৰি। একক প্ৰচেষ্টাৰে হাতত লৈ একাগ্ৰতা তথা নিষ্ঠা সহকাৰে আগবাঢ়ি গলে নিশ্চয় সফলতা লাভ কৰিব পাৰি। এনে এক প্ৰচেষ্টা হাতত লৈ দক্ষিণ কামৰূপৰ পলাশবাৰী আৰক্ষী থানাৰ অন্তৰ্গত দখলা ক’লনীৰ কৃষামণি কলিতাই সফলতা অৰ্জন কৰিবলৈ সক্ষম হৈছে। পিতৃ হেমন্ত কলিতা আৰু মাতৃ আৰতী কলিতাৰ দ্বিতীয় কন্যা কৃষামণিয়ে অসম আৰক্ষীৰ উপ-পৰিদৰ্শকৰ পদত কেইবাবাৰো প্ৰস্তুতি চলাই সফল হ’ব পৰা নাছিল। অৱশেষত যোৱা ১৮ ছেপ্টেম্বৰত ঘোষণা কৰা অসম আৰক্ষীৰ উপ-পৰিদৰ্শকৰ পদত নিযুক্তি পাবলৈ সক্ষম হৈছিল। কৃষামণি কলিতাৰ এনে সাফল্যত পৰিয়ালৰ লগতে দখলা অঞ্চললৈ গৌৰৱ কঢ়িয়াই আনিছে। সেয়েহে আজি দখলা কলিতাপাৰা ৰাইজ গয়ৰহৰ তৰফৰ পৰা এক ৰাজহুৱা সম্বৰ্ধনা অনুষ্ঠান অনুষ্ঠিত কৰা হয় । এই উপলক্ষে কলিতাপাৰা ৰাইজ গয়ৰহৰ সভাপতি জয়ন্ত কলিতাৰ পৌৰোহিত্যত অনুষ্ঠিত হোৱা সভাত উদ্দেশ্যে ব্যাখ্যা কৰে ৰাইজ গয়ৰহৰ সাধাৰণ সম্পাদক জগদীশ দাসে। সভাত উপদেষ্টা হৰেণ কলিতা, পিতৃ হেমন্ত কলিতাই উপস্থিত থাকি পলাশবাৰী সমষ্টিৰ লগতে দখলা কলিতাপাৰা ৰাইজ গয়ৰহৰলৈ এক সুনাম কঢ়িয়াই অনাত গৌৰৱ অনুভৱ কৰা বুলি কৈ অনাগত সময়ত কৃষামণি কলিতাই অসম আৰক্ষীত নিষ্ঠা সহকাৰে সেৱা আগবঢ়াই অধিক পদন্নোতি হ’ব পাৰে তাৰে বাবে প্ৰেৰণা যোগাই উজ্বল ভৱিষ্যত কামনা কৰে। অনুষ্ঠানত ৰাইজ গয়ৰহৰ তৰফৰ পৰা কৃষামণি কলিতাক এখন মানপত্ৰ, ফুলাম গামোচা, জাপি আদিৰে সম্বৰ্ধনা জনোৱাৰ লগতে ৰাইজ গয়ৰহৰ প্ৰাক্তন সাধাৰণ সম্পাদক পুলক দাস আৰু ৰংমালা নামৰীয়া দল আৰু ৰুক্মিনী মালা দাসৰ দলে একোখনকৈ গামেচাৰে সম্বৰ্ধনা জনাই নগদ ধন প্ৰদান কৰে। সভাত ৰাইজ গয়ৰহৰ হৈ বাপধন কলিতা, প্ৰদীপ কলিতা, কামেশ্বৰ দাস, বিজিত দাস, কৃষ্ণ দাস আদিৰ লগতে বহুকেইজন জ্যেষ্ঠ লোক উপস্থিত থাকে। উল্লেখ্য যে, ইয়াৰ পূৰ্বে ৰংমালা আৰু ৰুক্মিণী মালা দাসৰ নামৰীয়া দলে নাম প্ৰসঙ্গৰো আয়োজন কৰে।
Trending
- সাংস্কৃতিক পৰিক্ৰমা বিভাগৰ কাম কাজৰ পৰ্যালোচনা ৰাজ্যপাল কাটাৰীয়াৰ
- নিউ গুৱাহাটী বি জি যাৰ্ডত পৰিবহণ বিভাগৰ উদ্যোগত যান- বাহনৰ ৰেহাই আঁচনি বিষয়ক সজাগতা সভা
- কামৰূপ মহানগৰ জিলাত শাৰদীয় দুৰ্গোৎসৱ উদযাপন সন্দৰ্ভত আলোচনা
- ‘স্মৃতিৰ সঁফুৰা’ আনুষ্ঠানিক শুভ উন্মোচন
- খাদী আৰু গ্ৰামোদ্যোগ ব’ৰ্ডত গান্ধী জয়ন্তী উদযাপন
- সদৌ অসম খণ্ড সমল ব্যক্তি ফৰামৰ সভা
- নগাঁৱত আন্তজাতিক অহিংস দিৱস উদযাপন
- স্বচ্ছতাক দৈনন্দিন জীৱনশৈলীৰ অংশ কৰি তুলিলে দেশৰ উন্নয়ন ত্বৰান্বিত হ’ব – কেশৱ মহন্ত
- আয়ুস্মান ভৱ অভিযানৰ অধীনত পৰিবহণ বিষয়াৰ কাৰ্যালয়ত বিনামূলীয়া স্বাস্থ্য পৰীক্ষা শিবিৰ
- স্কুলীয়া ছাত্ৰ-ছাত্ৰীৰ লগতে বিভিন্ন স্তৰৰ লোকৰ অংশগ্ৰহণেৰ স্বচ্ছতাই সেৱা কাৰ্যসূচীলৈ অসমৰ উৎসাহজনক সঁহাৰি