পলাশবাৰী সমষ্টিৰ নহিৰা গুইমাৰা আঞ্চলিক হাইস্কুলত আজি প্ৰধান মন্ত্ৰী শ্ৰী আঁচনিৰ আধাৰশিলা স্থাপন কৰা হয়।প্ৰধানমন্ত্ৰী শ্ৰী আঁচনিৰ অনুমোদিত অতিৰিক্ত শ্ৰেণী কোঠাৰ কামৰ আনুষ্ঠানিকভাৱে আধাৰশিলা স্থাপন কৰে পলাশবাৰী সমষ্টিৰ বিধায়ক হেমাংগ ঠাকুৰীয়াই। লগতে নহিৰা গুইমাৰা আঞ্চলিক হাইস্কুলৰ সোণালী জয়ন্তী বৰ্ষ উদযাপনৰ এটি অস্থায়ী কাৰ্যালয় মুকলি কৰি বিধায়ক ঠাকুৰীয়াই বিদ্যালয়খনত ৰাজ্য চৰকাৰে পলাশবাৰী সমষ্টিত প্ৰথমটো প্ৰধানমন্ত্ৰী শ্ৰী আঁচনি প্ৰদান কৰা বুলি মন্তব্য কৰে।আগন্তুক সোণালী জয়ন্তী বৰ্ষ উদযাপন কাৰ্যসূচীত বিধায়ক গৰাকীয়ে পাৰ্যমানে সহায়-সহযোগিতা আগবঢ়াব বুলি মত প্ৰকাশ কৰে। বিদ্যালয়খনৰ পৰিচালনা সমিতিৰ সভাপতি নয়ন মহন্ত,নহিৰা গাঁও পঞ্চায়তৰ সভাপতি মহেশ্বৰ ঠাকুৰীয়া, আঞ্চলিক সদস্য চন্দ্ৰকান্ত নাথৰ লগতে কেবাগৰাকীও বিশিষ্ট ব্যক্তি উপস্থিত থকা অনুষ্ঠানত নহিৰা গুইমাৰা আঞ্চলিক হাইস্কুলৰ প্ৰধান শিক্ষক ধীৰেণ কুমাৰে বিধায়ক গৰাকীক ধন্যবাদ জ্ঞাপন কৰি আগন্তুক সময়ত বিদ্যালয়খনৰ উন্নতিৰ ক্ষেত্ৰত চকু দিবলৈ আহ্বান জনায়।উল্লেখ্য যে,অহা ২২ ডিচেম্বৰৰ পৰা ২৪ ডিচেম্বৰলৈ নহিৰা গুইমাৰা আঞ্চলিক হাইস্কুল খেলপথাৰত বিদ্যালয়খনৰ সোণালী জয়ন্তী বৰ্ষ উদযাপন কৰাৰ প্ৰস্তুতি তুংগত কৰি তুলিছে।
Trending
- ৰূপহীত বিশ্ব ৰেডিঅ’ দিৱস উদযাপন শিল্পী মিলেশ্বৰ ডেকালৈ লোকশিল্পী -২০২৫ বঁটা প্ৰদান
- অসম আৰু উত্তৰ পূৰ্বাঞ্চলত টপচেম এচ ডি চি এফ টি আৰ ++ চিমেন্ট মুকলি
- এন ই ফ’কাছৰ পদক্ষেপ, গুৱাহাটীত জলবায়ু পৰিবৰ্তন সম্পৰ্কীয় সন্মিলন
- DoHUA Minister Jayanta Mallabaruah Launches Online Building Permission System (OBPS) for Faster and Transparent Approvals
- সৰুসজাই ষ্টেডিয়ামত ঝুমইৰ বিনন্দিনী অনুষ্ঠানৰ প্ৰস্তুতিৰ পৰ্যালোচনা সাংস্কৃতিক মন্ত্রী বিমল বড়াৰ
- Nefocus initiative:climate change summit Held in Guwahati
- Strengthening Investor Awareness and Investor Protection in North East Region
- উত্তৰ পূৱ মণ্ডল আন্তঃবিশ্ববিদ্যালয় যুৱ মহোৎসৱত গিৰিজানন্দ চৌধুৰী বিশ্ববিদ্যালয়ৰ শিক্ষাৰ্থীৰ তিনিটাকৈ স্বৰ্ণ পদক লাভ
- অসমত বিনিয়োগকাৰীসকলৰ সজাগতা আৰু সুৰক্ষাক দৃঢ়কৰণ
- গোপাল জালানৰ অসুখী পৃথিৱীত সুখী হোৱাৰ বাসনা