২৬ জানুৱাৰী ৭৪ সংখ্যক গণৰাজ্য দিৱসৰ লগত সংগতি ৰাখি আজি পলাশবাৰী ৰাজহ চক্ৰ বিষয়া কাৰ্যালয়ৰ উদ্যোগত আৰু বৰকুছি নৱ যুৱক সংঘৰ সহযোগত বৰকুছি নামঘৰ খেলপথাৰত গণৰাজ্য দিৱস ক্ৰিকেট খেল প্ৰতিযোগিতা অনুষ্ঠিত হয়। উক্ত খেলত চাৰিটা দল ক্ৰমে পলাশবাৰী ৰাজহ চক্ৰ বিষয়া কাৰ্যালয়, পলাশবাৰী আৰক্ষী থানা, দক্ষিণ কামৰূপৰ ছপা-বৈদ্যুতিন মাধ্যমৰ সাংবাদিক-সংবাদকৰ্মী আৰু নিউজ পৰ্টেল সাংবাদিক-সংবাদকৰ্মী সকলে অংশ গ্ৰহণ কৰে। প্ৰথমে পলাশবাৰী আৰক্ষী থানাৰ বিষয়ববীয়া ও জোৱান আৰু নিউজ পোৰ্টেলৰ সাংবাদিক-সংবাদকৰ্মী সকলৰ মাজত অনুষ্ঠিত হয়। উক্ত খেলত পলাশবাৰী আৰক্ষী থানাই জয়লাভ কৰে। দ্বিতীয়খন খেল পলাশবাৰী ৰাজহ চক্ৰ বিষয়া কাৰ্যালয় আৰু দক্ষিণ কামৰূপৰ ছপা আৰু বৈদ্যুতিন মাধ্যমৰ সাংবাদিক সকলৰ মাজত অনুষ্ঠিত হয়। উক্ত খেলত পলাশবাৰী ৰাজহ চক্ৰ বিষয়া কাৰ্যালয়ে জয়লাভ কৰে। শেষত চুড়ান্ত খেল খন পলাশবাৰী ৰাজহ চক্ৰ বিষয়াৰ কাৰ্যালয় আৰু পলাশবাৰী আৰক্ষী থানাৰ মাজত অনুষ্ঠিত হয়। উত্তেজনাপূৰ্ণ খেলখনত পলাশবাৰী ৰাজহ চক্ৰ বিষয়া কাৰ্যালয়ে জয়লাভ কৰিবলৈ সক্ষম হয়। উক্ত খেলত পলাশবাৰী সমষ্টিৰ বিধায়ক হেমাংগ ঠাকুৰীয়া, পলাশবাৰী ৰাজহ চক্ৰৰ চক্ৰ বিষয়া ধ্ৰুৱজ্যোতি পাঠক, পলাশবাৰী আৰক্ষী থানাৰ ভাৰপ্ৰাপ্ত বিষয়া জিবেন্দ্ৰ ব্ৰহ্মা, ৰাণী আৰক্ষী চকীৰ ভাৰপ্ৰাপ্ত বিষয়া কমৰজ্যোতি কাকতি, বিজয়নগৰ আৰক্ষী চকী ভাৰপ্ৰাপ্ত বিষয়া লাৱণ্য বড়ো, জ্যেষ্ঠ সাংবাদিক বলেন কলিতা, বিশ্বজিৎ কলিতা, ৰতন কলিতা, হিতেন মালী, নীৰেন মালীৰ লগতে বহুকেইজন ব্যক্তিয়ে অংশ গ্ৰহণ কৰে। ৰ’দ কাচিয়লি নামৰ প্ৰতিষ্ঠাৰ স্বত্বাধিকাৰী গগণ নাথে চাৰিওটা দলৰ জাৰ্চি প্ৰদান কৰাৰ লগতে বৰকুছি নৱ যুৱক সংঘৰ কৰ্মকৰ্তাসকলে বিশেষভাৱে সহযোগিতা আগবঢ়ায়। শেষত বিজয়ী আৰু বিজিত দলক বঁটা প্ৰদান কৰাৰ পিছতে বিধায়ক হেমাংগ ঠাকুৰীয়াই প্ৰাশসন, আৰক্ষী আৰু সাংবাদিক সকলৰ মাজত এনেধৰণৰ বন্ধুত্ব সুলভ খেল সময়ে সময়ে অনুষ্ঠিত হব লাগে বুলি কয়। লগতে খেলে মানুহক মানসিক, স্বাস্থ্য আৰু মনোবল বৃদ্ধি কৰে বুলি উল্লেখ কৰে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে