অসমীয়া বাপতি সাহোন ৰঙালী বিহুলৈ মাজত মাত্ৰ কেইটামান দিন বাকী। গছে-বনে পাত সলোৱাৰ লগতে কুলি কেতেকীয়েও বসন্তৰ আগজাননী দিছে। হেপাঁহৰ ৰঙালী বিহুটিক আদৰাৰ বাবে প্ৰতিজন অসমীয়াই বিভিন্ন ধৰণে প্ৰস্তুতি চলাইছে। সমান্তৰালভাৱে পলাশবাৰী বঙৰা মাজপাৰা চতুৰ্ভূজ সত্ৰৰ খেলপথাৰ প্ৰাংগনত অসম ৰাজ্যিক এন.এছ.ইউ.আইৰ সহযোগত আৰু কামৰূপ জিলা এন.এছ.ইউ.আইৰ উদ্যোগত যোৱা ৩০ মাৰ্চৰ পৰা অহা ১০ এপ্ৰিললৈ এঘাৰদিনীয়াকৈ বিনামূলীয়া বিহুনৃত্য আৰু ঢোলবাদন কৰ্মশালাৰ আয়োজন কৰিছে। উক্ত কৰ্মশালাটি আনুষ্ঠানিকভাৱে শুভাৰম্ভ কৰে ৰাজ্যিক এন.এছ.ইউ.আইৰ সভাপতি কৃষাণু বৰুৱাই। লগত উপস্থিত থাকে ৰাজ্যিক এন.এছ.ইউ.আইৰ উপ-সভানেত্ৰী তনভি তনজুম, সাংগঠনিক সাধাৰণ সম্পাদক অবিনাশ দাস, সাধাৰণ সম্পাদক আছিফ আহমেদ, সম্পাদক কৌশিক কাশ্যপ, নিহাৰ শইকীয়া আৰু কামৰূপ জিলা এন.এছ.ইউ.আইৰ সভাপতি ছাকিল আহমেদ। ৰাজ্যিক এন.এছ.ইউ.আইৰ উপ-সভাপতি বিকাশ নাথ যোগীৰ নেতৃত্বত অনুষ্ঠিত কৰা বিহুনৃত্য আৰু ঢোনবাদন কৰ্মশালাটি অঞ্চলটোৰ উঠি অহা নৱপ্ৰজন্মক বিহুনাচ তথা ঢোল বাদনৰ প্ৰতি আকৃষ্ট কৰোৱাৰ বাবে এই বিনামূলীয়াকৈ কৰ্মশালাৰ আয়োজন কৰা হৈছে বুলি উদ্যোক্তাসকলে জানিবলৈ দিছে। দক্ষিণ কামৰূপৰ প্ৰায় ৩ শতাধিক ছাত্ৰ-ছাত্ৰীয়ে যোগদান কৰা কৰ্মশালাটিত প্ৰশিক্ষক হিচাপে ছয়গাওঁৰ মানস বাবন, অৰ্জুন কলিতা, মইনা কলিতা আৰু বনিতা ঠাকুৰীয়াই বিহুনৃত্য আৰু ঢোলবাদনৰ প্ৰশিক্ষণ প্ৰদান কৰিছে। লগতে যোৱা ৩ এপ্ৰিলত লখিমপুৰ কেন্দ্ৰীয় ৰঙালী বিহু সমিতিয়ে অনুষ্ঠিত কৰা বিহু কুঁৱৰী প্ৰতিযোগীতাৰ বিহু কুঁৱৰী চয়নিকা দেৱীয়ে শিক্ষাৰ্থীসকলক প্ৰশিক্ষণ প্ৰদান কৰিছে। সংগঠনটোৱে বিনামূলীয়াকৈ বিহুনৃত্য আৰু ঢোলবাদন কৰ্মশালা আয়োজন কৰাৰ বাবে অঞ্চলটোৰ ৰাইজে কৃতজ্ঞতা ও ধন্যবাদ জ্ঞাপন কৰিছে।
Trending
- মালিগাঁৱত ৰে’লৱেৰ এছচি আৰু এছ টি এম্পলয়িজ এছ’চিয়েচনৰ গ্ৰীষ্মকালীন শিবিৰৰ সামৰণি
- মিডিয়া এছ’চিয়েছন, অসমৰ উদ্যোগত মহীৰূহ সাংবাদিক কনকসেন ডেকাৰ ৯৩ সংখ্যক জন্ম জয়ন্তী পালন
- ডং বান্ধ সন্দৰ্ভত মন্ত্ৰী অশোক সিংহলৰ গুৰুত্বপূর্ণ সভা-ডাঃ ৰবি বড়ো অসামৰিক চিকিৎসালয়ত মন্ত্ৰী অশোক সিংহলৰ আকস্মিক পৰিদৰ্শন
- গুৱাহাটীত সপ্তাহজোৰা অসামৰিক প্ৰশিক্ষণ কাৰ্যসূচীৰ সামৰণি
- কাঁহিকুছিস্থিত গোলাপ বৰবৰা ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত আয়োজিত পঞ্চায়তৰ সভাপতি সকলৰ প্ৰশিক্ষণ কাৰ্যসূচী মুকলি কৰিলে ৰাজ্য চৰকাৰ পঞ্চায়ত আৰু গ্ৰামোন্নয়ন আদি বিভাগৰ মন্ত্ৰী ৰণজিৎ কুমাৰ দাসে
- এইচ ডি এফ চি বেংক ‘পৰিৱৰ্তনে দক্ষতা বিকাশ আৰু জীৱিকা প্ৰসাৰ কাৰ্যসূচীৰ অধীনত ৭.২ লাখৰো অধিক যুৱক-যুৱতীক প্ৰশিক্ষণ প্রদান
- ৰাণী সাহিত্য সভাৰ দিনযোৰা কাৰ্যসূচীৰে দ্বি-বাৰ্ষিক অধিৱেশন সম্পন্ন
- গুৱাহাটী প্ৰেছ ক্লাবত সাপ্তাহিক কবচৰ ২৯ তম্ বৰ্ষপূৰ্তি উদযাপন
- ধাৰাপুৰত ১৫ দিনীয়া গ্ৰীষ্মকালীন নাট কৰ্মশালা আৰম্ভ
- Brahmaputra Conclave on Balancing Development and Ecology Held in Guwahati