নিৰ্বাচন আয়োগে আজি অসমত পৌৰ নিৰ্বাচনৰ সময়সূচী ঘোষণা কৰিছে। ঘোষিত সময়সূচী অনুসৰি ৬ মাৰ্চত পৌৰ নিৰ্বাচন অনুষ্ঠিত হ’ব।শিলচৰ পৌৰ নিগমৰ বাহিৰে ৮০ খন পৌৰ সভা আৰু নিগমৰ নিৰ্বাচন অনুষ্ঠিত হ’ব।আদালতত গোচৰ চলি থকা বাবে শিলচৰত নিৰ্বাচন অনুষ্ঠিত নহয় বুলি আয়োগে জানিবলৈ দিয়ে।৬ মাৰ্চত ভোটগ্ৰহণৰ পিছত ৯ মাৰ্চত ফলাফল ঘোষণা কৰা হ’ব।পৌৰ নিৰ্বাচনৰ বাবে প্ৰাৰ্থীৰ মনোনয়ন দাখিলৰ অন্তিম দিন হৈছে ১৫ ফেব্ৰুৱাৰী।আনহাতে ১৭ ফেব্ৰুৱাৰীত মনোনয়ন পত্ৰ পৰীক্ষা কৰা হ’ব।প্ৰাৰ্থীৰ মনোনয়ন পত্ৰ উঠাই লোৱাৰ সীমা ২১ ফেব্ৰুৱাৰীত ধাৰ্য কৰা হৈছে।৮০ পৌৰসভা, নিগমৰ অন্তৰ্গত ৯৭৭ ৱাৰ্ডত নিৰ্বাচন অনুষ্ঠিত হ’ব। ৩৩ গৰাকী পৰ্যৱেক্ষকে নিৰীক্ষণ কৰিব সমগ্ৰ নিৰ্বাচনী প্ৰক্ৰিয়া।ভোট গ্ৰহণৰ বাবে ৫৯০০ টা ইভিএম সাজু কৰা হৈছে বুলি জানিব পৰা গৈছে।নিৰ্বাচনৰ প্ৰাৰ্থী সকলৰ বাবে আয়োগে বিভিন্ন ধৰণৰ নীতি-নিৰ্দেশনা জাৰি কৰিছে। নিৰ্বাচনী প্রচাৰত ৰ’ড শ্ব’ আৰু ৰেলী নিষিদ্ধ কৰিছে আয়োগে। ঘৰে-ঘৰে গৈ নিৰ্বাচনী প্রচাৰ চলাব পাৰিব প্ৰাৰ্থীয়ে।কেৱল ১৫জন ব্যক্তিহে যাব পাৰিব নিৰ্বাচনী প্রচাৰত। অন্যহাতে আজিৰে পৰা নিৰ্বাচনী আচৰণ বিধি বলৱৎ হৈছে।উল্লেখ্য যে, কিছুদিন পূৰ্বে গুৱাহাটীৰ ৱাৰ্ডৰ সংখ্যা বৃদ্ধি কৰি ৬০ টা কৰা হয়।তদুপৰি এতিয়াৰে পৰা এৰিয়া সভাৰ কোনো সদস্য নাথাকিব। কেৱল কাউঞ্চিলৰহে সদস্য হিচাপে নিৰ্বাচিত বিষয়া থাকিব।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান