প্ৰকৃতি সংৰক্ষণৰ বাৰ্তা বিলাইছে এই জন লোকে- বিদ্যালয়ে বিদ্যালয়ে গৈ ৰোপন কৰিছে গছপুলি

এগৰাকী লোকৰ প্ৰকৃতিপ্ৰেমৰ  নিদৰ্শন ।এখন চাইকেলত উঠি বিদ্যালয়ে বিদ্যালয়ে গৈ তেখেতে ৰোপন কৰিছে গছপুলি। অসমৰ শিক্ষানুষ্ঠান সমূহত গৈ গছ পুলি ৰোপন কৰি  পৰিৱেশ সংৰক্ষণ কৰাৰ প্ৰয়াস কৰিছে  নগাঁৱৰ মিছাৰ কুদ্ৰত আলি নামৰ লোকজনে ৷ যি সময়ত একাংশই গছ কাটি প্ৰকৃতিক ধ্বংস কৰিছে, সেই সময়ত প্ৰকৃতিক সুন্দৰ ৰূপত সজাবলৈ সমগ্ৰ অসমৰ শিক্ষানুষ্ঠানত গৈ গছপুলি ৰুই প্ৰকৃতিপ্ৰেমৰ ব্যতিক্ৰমী নিদৰ্শন দেখুৱাইছে ৷ এখন চাইকেলত গছপুলি লৈ চাইকেলেৰেই বিভিন্ন ঠাই ভ্ৰমণ কৰি আছে ৷এই ক্ষেত্ৰত তেখেতে সকলো খৰচ ব্যক্তিগতভাৱে বহন কৰিছে ৷ বৰ্তমান গোলাঘাট জিলাৰ দেৰগাঁৱৰ সমীপৰ বাদুলিপাৰত কাৰ্যসূচী ৰূপায়ণ কৰি আছে ৷ অনাগত দিনত অসমৰ প্ৰতিখন জিলাতে এনেধৰণে গছপুলি ৰোপন কৰাৰ কথা মনপোষণ কৰিছে ৷