দেশত বানপানী, ভূমিকম্প, ভূমিস্খলন আদিৰ দৰে প্ৰাকৃতিক আৰু কেতবোৰ মানৱসৃষ্টকে ধৰি যিকোনো দুৰ্যোগত আক্ৰান্ত লোকক উদ্ধাৰ আৰু সাহায্য অভিযানৰ বাবে কুৰি বছৰ আগতে ২০০৫ চনৰ ১৯ জানুৱাৰীত ভাৰত চৰকাৰৰ গৃহ মন্ত্ৰণালয়ৰ অধীনত গঠন কৰা হৈছিল ৰাষ্ট্ৰীয় দুৰ্যোগ সঁহাৰি বাহিনীৰ ( এন ডি আৰ এফ) কেবাটাও বেটেলিয়ান। মূলতঃ কেন্দ্ৰীয় সশস্ৰ আৰক্ষী বাহিনীৰ অধীনৰ বি এছ এফ, চি আৰ পি এফ , এছ এছ বি, আই টি বি পি, চি আই এছ এফ, আসাম ৰাইফলছৰ কেবাটাও বেটেলিয়ানক লৈ গঠন কৰা হৈছিল এন ডি আৰ এফ। আনহাতে অসমকে ধৰি উত্তৰ পূৰ্বাঞ্চলৰ কেবাজনো ৰাজ্যৰ দুৰ্যোগত আক্ৰান্ত লোকক সহায়ৰ বাবে গঠন কৰা বি এছ এএফৰ ১২৮ বেটেলিয়ানক লৈ গঠন কৰা প্ৰথম এন ডি আৰ এফ বেটেলিয়ানটোৰ মুখ্য কাৰ্যালয়টো স্থাপন কৰা হয় গুৱাহাটীৰ পশ্চিম প্ৰান্তৰ আজাৰা পাটগাঁওস্থিত বি এছ এফৰ গুৱাহাটী ফ্ৰন্টিয়াৰ মুখ্য কাৰ্যালয় চৌহদত। ইফালে মুখ্য কাৰ্যালয় চৌহদত প্ৰথম এন ডি আৰ এফ বেটেলিয়ানৰ বিংশতিতম প্ৰতিষ্ঠা দিৱস আজি উদযাপন কৰা হয়। এই উপলক্ষে আয়োজিত এক অনুষ্ঠানত প্ৰথম এন ডি আৰ এফৰ কমাডেণ্ট এইচ পি এছ কাণ্ডাৰীয়ে কয় যে বৰ্ত্তমান বেটেলিয়ানটোক অসমৰ উপৰিও ত্ৰিপুৰা , মেঘালয় আৰু মিজোৰামৰ দুৰ্যোগত আক্ৰান্ত লোকক উদ্ধাৰ আৰু সাহায্য অভিযানৰ দায়িত্ব অৰ্পণ কৰা হৈছে। আনকি ডিমা হাছাও জিলাত কিছুদিন আগতে কয়লা খনিত আবদ্ধ হৈ থকা শ্ৰমিকসকলক উদ্ধাৰ কৰাৰ বাবে প্ৰথমদিনাৰে পৰা চলি থকা উদ্ধাৰ অভিযানত বাহিনীটোৰ এটা দল নিয়োজিত হৈ আছে। বিগত সময়চোৱাত বাহিনীটোৰ সাহসী জোৱান সকলে অসম, ত্ৰিপুৰা, মেঘালয় ৰাজ্যত নিজৰ জীৱনক তুচ্ছ কৰিও ১,২৩,৮৮৭ জনক বানপানী, ভূমিস্খলন আদিৰ দৰে দুৰ্যোগত আক্ৰান্ত লোকক নিৰাপদে উদ্ধাৰ কৰিবলৈ সক্ষম হৈছে। বৰ্ত্তমান বাহিনীটোৱে আক্ৰান্ত লোকক উদ্ধাৰ কৰাৰ বাবে অত্যাধুনিক যন্ত্ৰ আৰু পদ্ধতি ব্যৱহাৰ কৰিছে।
Trending
- কৃত্ৰিম বুদ্ধিমত্তাৰ জৰিয়তে ৩.২ বিলিয়ন ডলাৰৰ ষ্টাৰ্টআপৰ বাবে টেষ্টিং আন্তঃগাঁথনি নিৰ্মাণ অসমৰ ছাত্ৰৰ
- এয়াৰটেল ইনছাইডাৰৰ জৰিয়তে গ্ৰাহকে লাভ কৰিব ৩০,০০০ টকাতকৈ অধিক মূল্যৰ বিশেষ সুবিধা
- ৰাষ্ট্ৰীয় প্ৰেছ দিৱস উপলক্ষে গুৱাহাটী প্ৰেছ ক্লাবত আন্তঃ সংবাদ মাধ্যম কুইজ প্ৰতিযোগিতা
- মুম্বাইৰ মজিয়াত জিলিকিল উত্তৰ-পূব- অসমৰ ড° যোগেশ দেউৰীলৈ নমস্তে জীৱনজোৰা সাধনা বঁটা
- আদিংগিৰি সেৱা ভাৰতীত মুকলি হকী প্ৰশিক্ষণ শিবিৰৰ সামৰণি
- NSE Enhances Digital Experience for Investors and Trading Members with New Features Across Web and Mobile Platforms
- ভাৰত চৰকাৰৰ স্বচ্ছ সৰ্বেক্ষণ বঁটাৰে সন্মানিত গুৱাহাটী
- NSE Celebrates Diwali with Traditional Lakshmi Pujan and Muhurat Trading Ceremony
- মিচিং আৰু সোণোৱাল কছাৰী স্বায়ত্তশাসিত পৰিষদৰ নিৰ্বাচনৰ পৰিপ্ৰেক্ষিতত ১১খন জিলাত ড্ৰাই ডে ঘোষণা
- তুৰাত ৫০ সংখ্যক পৰম্পৰাগত ‘ৱাংগালা মহোৎসৱ