পৰিবহণ বিভাগৰ উদ্যোগত আজিৰে পৰা আৰম্ভ হ’ল বিশেষ জনসেৱা পষেক,গৰাকীৰ ঘৰে ঘৰে উপস্থিত হৈ যান-বাহনৰ নথিপত্ৰ বিষয়ক সমস্যা সমাধানৰ ব্যতিক্ৰমী অভিযান । বিশেষ জনসেৱা পষেকৰ আজি আৰম্ভণিৰ দিনাই বাহনৰ বিভিন্ন নথিপত্ৰ সঠিক কৰাৰ ক্ষেত্ৰত সন্মুখিন হোৱা সমস্যাৰ কথা ফোনযোগে অৱগত কৰা মাত্ৰকে ডাউন টাউন হস্পিতাল আৰু খানাপাৰা কৃষি বিশ্ববিদ্যালয়ত বিষয়া-কৰ্মীৰ দল লগত লৈ উপস্থিত হয়গৈ স্বয়ং ৰাজ্যৰ উপ-পৰিবহণ আয়ুক্ত তথা অতিৰিক্ত দায়িত্ববাহী কামৰূপ মহানগৰ জিলা পৰিবহণ বিষয়া গৌতম দাস ৷ডাউন টাউন হাস্পতালৰ অস্তি বিশেষজ্ঞ ডাঃ ইৰাণ ভৰালীৰ চেম্বাৰত উপস্থিত হৈয়ে তেওঁৰ ওজৰ আপত্তি সন্দৰ্ভত পুংখানুপুংখভাৱে জ্ঞাত হৈ তাৎক্ষণিকভাৱে চিকিৎসক গৰাকীৰ বাহনৰ নথিপত্ৰসমূহ নৱীকৰণ কৰি দিয়ে । ইয়াৰ পিছতে উপ-পৰিবহণ আয়ুক্তগৰাকী সদলবলে উপস্থিত হয়গৈ খানাপাৰা কৃষি বিশ্ববিদ্যালয়ৰ চিকিৎসক ডাঃ ৰণজিত নেওগৰ কাৰ্যালয়ত। ডাঃ নেওগৰো একেধৰণৰ সমস্যাৰ সমাধান তথা বাহনৰ নথিপত্ৰ সমূহ সঠিক কৰি বাহনখন ৰাজপথত চলাচলৰ বাবে বৈধ হৈ থকাৰ ব্যৱস্থা কৰে উপ পৰিবহণ আয়ুক্ত গৰাকীয়ে। বাহনৰ গৰাকীৰ কাষত উপস্থিত হৈ ৰাজ্যৰ উপ-পৰিবহণ আয়ুক্ত গৰাকীয়ে এনেদৰে থিতাতে সমস্যা সমাধান কৰি দেখুওৱা ব্যতিক্ৰমী কাৰ্যত স্বাভাৱিকতেই অভিভূত হৈ পৰে বিশিষ্ট চিকিৎসক কেইগৰাকী। তেওঁলোকে পৰিবহণ বিভাগৰ লগতে ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাক ধন্যবাদ আৰু কৃতজ্ঞতা জ্ঞাপন কৰে । ইফালে মুখ্যমন্ত্ৰী গৰাকীয়ে তাৰতবৰ্ষৰ ভিতৰতে অসমত প্ৰথমবাৰৰ বাবে পৰিবহণৰ ৫০তকৈয়ো অধিক সেৱা সংস্পৰ্শ ৰ্বিহীনভাবে ঘৰতে বহি উপলব্দ কৰা ব্যৱস্তাৰ বাবেই আজি পৰিবহণ বিভাগে এনে সেৱা আগবঢ়াবলৈ সক্ষম হোৱা বুলি উপ-পৰিবহণ আয়ুক্ত গৌতম দাসে মন্তব্য কৰে ৷
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ