প্ৰকৃতিৰ ৰম্যভূমি দীপৰ বিলৰ স্বাভাৱিক জৈৱ বৈচিত্ৰ্য ৰক্ষাৰ বাবে নতুনকৈ গঠন হোৱা দীপৰ বিল সুৰক্ষা মঞ্চই ছাত্ৰ-ছাত্রীকে ধৰি সাধাৰণ ৰাইজৰ মাজত পৰিবেশ সচেতনা সৃষ্টিৰ বাবে ব্যাপক গছপুলি ৰোপণৰ কাৰ্যসূচী গ্ৰহণ কৰিছে । ইয়াৰ অংশহিচাপে দীপৰ বিলৰ কাষৰীয়া আৰু গড়চুকৰ সমীপৰ মইনাখোৰোং পদ্মৰাম ভড়ালী খেলপথাৰত আজি গছপুলি ৰোপন কৰা হয় । ইয়্ং গ্ৰীণ ক্লাৱৰ সৌজন্যত খেলপথাৰত অনুষ্ঠিত ৪৭ সংখ্যক পূৱ ৰামছাৰাণী বিহু সন্মিলনীৰ বহাগী উৎসৱৰ লগত সংগতি ৰাখি গছপুলি ৰোপণ কৰা হয় । এটি শেৱালি ফুলৰ পুলি ৰোপন কৰি গছপুলি ৰোপন কাৰ্যসূচীৰ শুভাৰম্ভ কৰে ইয়ং গ্ৰীণ ক্লাৱৰ সভাপতি বিষ্ণু প্ৰসাদ বড়োৱে। এই উপলক্ষে অনুষ্ঠিত চমু অনুষ্ঠানত দীপৰ বিল সুৰক্ষা মঞ্চৰ সাধাৰণ সম্পাদক প্ৰমোদ কলিতা , সহকাৰী সম্পাদকদ্বয় সুশীল টেৰণ আৰু ধীৰাজ টুমুং , সাংগঠনিক সম্পাদক প্ৰমিলা টেৰণ , ইয়ং গ্ৰীণ ক্লাৱৰ প্ৰাক্তন সভাপতি উৎপল কুমাৰ দাসকে ধৰি কেবাজনো বিশিষ্ট লোক উপস্থিত থাকে । আনহাতে আজি প্ৰথম দিনাই খেলপথাৰ চৌহদত শেৱালি ফুল , জাম , অগৰু আৰু বকুলৰ দহটা পুলি ৰোপন কৰি গৰু ছাগলীয়ে খাব নোৱাৰাকৈ চাৰিওফালে বেৰ দিয়া হয় । মঞ্চৰ সাধাৰণ সম্পাদক প্ৰমোদ কলিতা আৰু সহকাৰী সম্পাদক সুশীল টেৰণে জানিবলৈ দিয়া মতে অহা ১৪ মে’ত পুৱা ৯-৩০ বজাত দীপৰ বিলৰ কাষৰীয়া দেউছটাল নৱজ্যোতি সংঘ খেলপথাৰ প্ৰাঙ্গণত অনুষ্ঠিত হবলগীয়া বহাগী বিদায়ী সন্মিলনৰ পতাকা উত্তোলনৰ পাছতে গছপুলি ৰোপণ কাৰ্যসূচী হাতত লোৱা হৈছে।
Trending
- নৰ্থ-ইষ্ট অলিম্পিকত স্বৰ্ণপদক অর্জন নগাঁৱৰ পাহি কেওটৰ
- মহাপুৰুষ শ্ৰীমন্তশঙ্কৰদেৱৰ বিশ্ববিদ্যালয়ৰ আন্তৰ্জাতিক আলোচনা চক্ৰ সম্পন্ন
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ